Mika 4:3 - Deduamiti

³ Kebungo ngiha ngiha homac yeneac botucfu yoacngina desibesande amma bangeha bangeha kucnginagoc agac nga hereau kecdae yenearu tohohendzic botucnginau fede, imoc menomanebesande. Nga ngicngac yeni wasaibeangngina kpegec imocngo meremma bangec medzacmedzameac aieng anude amma sangarangina kpegec imocngo meremma honacbeang anude. Anu bangecareng mongngo wasaibeang miacma bangecareng mong yegoc ngaba mi angemeecde, ifi ammanu dzikacac kpoukpou monggoc mi fingecbesande.

Mika 4:3 ပူးပေါင်းရင်းမြစ်များ

Mitiyegec 46:10

Anutungo yofi dede, “Ni Anutungina, ngeni waicke tacma imoc negembisia. Bangec monnunac ngicngac yeneng yaiyo kpenenggecde nga bangectoa bangec yeni afenugecde.”

Mitiyegec 46:9

Yeng bangec tegia noboc noboc dzikac menomanema tebe pokong sasawa kpetackedacma dzikacac kasongina gerecfu faiu dzeude.

Mitiyegec 72:3

Tiki yeneng ngicngac ruae meficgeyemmebisia nga fagang yeneng dindingac kekecac fora meficgeyemmebisia.

Mitiyegec 72:7

Afo imoc nasosoc fekefude, ifi isocngoc ngictauac nasou faka dindingacngo sabayagoc amma ruae kunengtoa fefeseri fekecbeso.

Mitiyegec 82:8

O Anutu, bangeha bangeha ngicngacareng sasawa yeni geac. Imocac ge yacma bangecfu desi desi uaga mebesena.

Mitiyegec 96:13

Kebungo hadeac amma yeac kicfu sogaibisia. Ye bangecfu desi desi ua meudeac hama bangec sasawa faka dindingacfu isingyunuma ngiha ngiha faka forau yoacngina desiude.

Mitiyegec 98:9

Kebungo desi desi ua meudeac bangecfu hade. Imocac yeac kicfu yegec heibisia. Ye faka dindingacfu bangectoa bangecac ngicngacareng isingyunuma yoacngina desima monde mondea kpac kecma ngiha ngiha faka angammemengina isinggema yoacfu desiude.

Danicel 2:44

Anu ngictau, imoc yeneac nasou kurumenga kurumengaac Anutungo eucerereng mong fefeseri feudeac faiude, imoc naric mi kpetotiebesandae. Nga imoc garenggegecdeac kuc ngicngac mong mi yemmegecde. Eucerereng imocngo eucerereng sasawa imoc kpedzamedaru kpac anggecde. Nga yengena ine fefeseri febesande.

Yoele 3:2

Amma yeni ngicngacfocna Isracel yeneac faka mangana ayemmema kporacyunugec bangec monnuu kenggec bangecna hendzicma medacgec, imocac amma bangeha bangehaac ngicngac sasawa kpedzucyunuma Yehosafata bangec tumeau wangecyunu kemema yoacngina isinggema desibade.

Mika 5:15

Anu bangeha bangeha ngicngac damocngo eweheihei mi anendae, yeni herebu nga heregerecfu turunga kpouyemmebade.”

Dzekarya 14:3

Ifi fingecmanu Kebungo yacma warac dzikac kpekefec ifi isoc kpema ngic habuya habuya yenigoc ewekpekpe ambesande.

Dzekarya 8:20

Kurumenggac wasaiareng habuya habuya yeneac Kebungo yofi dede, “Naso hama kecde naso ihai taonna taongga ngicngac homacngo Yerusalaim imohai habesandae.

Dzekarya 9:10

Amma Efrayimgac dzikacac keretac nga Yerusalaimgac becosic imoc meicyunudacbesandua amma dzikacac tebegbobingina imoc tuema ukudacbesandua. Anu bangeha bangeha yenearu ruaetoa fingerudeac ngictaungina gboriango deseribesande. Anu yeac ngictau uayango kondung nobocnac kemma kondung noboc amma dokutoaunac kengkecma bangec wisic wisickeau kpesidacbesande.

Aposoro 17:31

Yeng bicngoc naso mong deec, imoc fede. Naso imohai bangeha bangeha ngicngac hanianina desima turunga dindingac merennemmeude. Amma ngic mong ye ua imocnoc meudeac demiec, ye ngic imoc edzacnunuudeac homecfunac megboriu yarec.”

Yohaneac kpefing 19:11

Imocac witiau kurumeng anggeu henai. Hemba ngic mong becosic mong kongac kongac, imocac witiau tarec. Nga tarec, yeac kpac yofi, Yoacdedea modackecde nga Yoac fora modackecde. Amma ye ngicngac yoacfu faiyunuude nga dzikacfu kecma faka dindingac modarude.