Mika 4:1 - Deduamiti

¹ Naso wisic wisickeau Kebuac womonggac tikingo engena amma tiki sasawa yeneac botucfu feracyunuma nanu, ngiha ngiha yeneng yearu kembesandae.

Mika 4:1 ပူးပေါင်းရင်းမြစ်များ

Fingec fingec 49:1

Anu Yacakow ye medacfora heitaiyunuma yofi deec, “Ngeni kecenggecde imocac manau noc faka fingecngemmebesande ni imocac yoac edengunubadeac ngeni kpedzucnema hadacgec.”

Fingec fingec 49:10

Amma ngictauyasu imoc Yehuda yearunac mi meickeude nga ngicenaraac yasu haniau wegenac mariango seria mekefude. Mekecmanu yasu minginango hama meu ngicngacareng yeneng yeac yoac modacgecde.

Mitiyegec 110:3

Ngicfocga yeni dzikac nasou gegoc kenggecdeac songo negemma hama edegugec geng hesicyununa tiki kpetiacfu enggecde. Sacgbori habunginagoc yeni ubaefac amma wamba kpetiac heima asoacac dzimbong heima feande, ifi isoc amma gearu habesandae.

Mitiyegec 22:27

Bangec tegiaunac ngiha ngiha yeneng yeac negemma ubangina dzigeneu kebuaru kenggecde. Nga ngiha ngiha yeni sasawango tosofocnginagoc hama yeac kicfu ngonducnema numumigecde.

Mitiyegec 48:1

Kebu ye engena, ye oyang boyang memibesonga. Yeac tiki kpetiacfu, Anutuninaac amatoau, ye dengerebesonga.

Mitiyegec 86:9

O Kebu, ge bangeha bangeha ngicngacareng meficyununec, yeneng gearu hadacma kicgau fafoc heigemma hama geac kpac kuneng heiwayong memigecde.

Danicel 10:14

Wayunuma gearu yaguc hadua. Anu kpefinnu onga hendang imoc ngadeguc fingecbesandeac ni ge imoc negentegecnadeac deireckegembade. Imoc geac ngicngacfocga yenearu noc faka fingecyemmeude, imocac yoac.”

Danicel 2:28

Anu Anutu mong kurumenga kurumenga imohai kecde, yeng wiac sufu sufu dekperaginemmeande. Amma ngictau, yennoc ngadeguc noc faka fingecbesande imoc dekperagigenec. Yeng kpefinnu onga yofi negen negenggau faiu ge fefegau fema gaukpefing imoc hennec.

Danicel 2:35

Hedzameyuruu aieng, bangec nga aieng sacsac nga silwa amma gol imoc yeni wiac mocgu isoc dzamedacgec, yeni wenacnasou witsebera meic meicke amau fingecande ifi isoc firangngo fifirangyunuu kendacma kpac andacgec. Anu hocngo ongatoa kpeecmoc ye meremma tikitoa amma bangectoa bangec sasawa mewakedarec.

Danicel 2:44

Anu ngictau, imoc yeneac nasou kurumenga kurumengaac Anutungo eucerereng mong fefeseri feudeac faiude, imoc naric mi kpetotiebesandae. Nga imoc garenggegecdeac kuc ngicngac mong mi yemmegecde. Eucerereng imocngo eucerereng sasawa imoc kpedzamedaru kpac anggecde. Nga yengena ine fefeseri febesande.

Danicel 7:14

Anu yeng garengyunuudeac kuc mima kuc kibikperagiagoc nga eucerereng migec ngicngacareng nga bangecareng amma yoacareng sasawango yeni yeac enactofoc tofohoareng amma eweheimibesandae. Ye ngickuneng amma nasoya nasoya garengyunu kecengkecbesande, imoc wisic wisickea kpac. Yeac eucererenga imoc mong mi kpetotiebesandae, kpac.

Danicel 7:18

Anu eucerereng imoc Engenatoaac kpetiacareng yeni yemmegec megecde. Mema eucerereng imoc tigec enu wisic wisickea kpac nasoya nasoya mekecbesandae.”

Danicel 7:22

Anu kecma mong bicngoc yombong nga nasoya kpac kefecngo, yeng hama yoacngina desiu Engenatoaac kpetiacareng yeneng yoacfu firang anggec. Anu naso dedea hasikeu eucerereng imoc kpetiacareng yemmeu yeneng mema mekecgec.

Danicel 7:27

Anu eucerereng nga ngictau kecgecdeac kuc nga ngickuneng amma garengyunugecdeac kuc imoc Engenatoaac kpetiac ngicngac yeni yemmegec yeneng kurumenggac bageu eucerereng sasawa garengyunuma kecgecde. Yeac eucerereng imoc feengkecbesande. Ifi feu ngictau bangec kucnginagoc sasawa yeni ye eweheimima yoara tofohobesandae.”

Mika 3:12

Ifi anu enara yeneac kopocsicac amma Tsion medzamegec homecnecac sobeng isoc anude. Ammanu Yerusalaimngo manganeu hocngo dzamema seuc isoc emma nanude nga womongngo manganeu sifecbuma imoc ichasango tohoma merucgeude.

Dzekarya 14:10

Amma Yerusalaim taong imoc nortbigengau Gewa taonnunac kengkecma Rimmon taonnu wisickebesande bangec imocngo tumiatoa fingecma febesande amma bumau tatahaungoc tacbesande. Amma imocac kpetea yofi febesande. Wenac ere ereaubigeng Benyaminggac hocodaac nagutoaunac kengkecma warac warac nagu ferecgema tuturunggaac naguu wenac keme kemeaubigennu kemma wisickebesande amma notfubigeng imoc Hananecelac amaherecfunac kengkecma sautfubigeng ngictauac waing tidzoc tidzohoac teng memea ihai wisickebesande.

Dzekarya 2:11

Naso imohai bangec homacngo kebuaru hama ngicngacforakecbesandae. Anu yeng botucnginau kecbesande. Naso imohai Kurumenggac wasaiareng habuya habuya yeneac Kebu yengenaocni suenuec imoc hentegecbesandae.

Dzekarya 8:3

Imocac ni monggoc Tsionnu dzigenema Yerusalaimgac botuhau tacbesandua. Ihai tacba yeni Yerusalaimgac kpara, “Yoac foraac taong,” ifi debesandae amma kurumenggac wasaiareng habuya habuya yeneac Kebu neac tikiac kpara, “Kpetiac tiki,” ifi debesandae.

Malecaki 1:11

Ni kurumenggac wasaiareng habuya habuya yeneac Kebungo yoac yofi deduae, ‘Bangec sasawa wenac ere ereaunac kengkecma wenac keme kemeau kpac kunennango sokodacbesande nga amea amea yeneng hosuc homung gombung heinemma kpetiac sesena faigec kpac kunennango yadima kendacbeso.

Aposoro 2:17

‘Anutungo yofi dede, “Naso wisickebeso ammanu ni Asuna kpakeba mau ngicngac sasawango medacbesandae. Amma naroang medacfocngina yeni profeteyoac degecde nga sebigborifocngina onga henggecde amma yadafocngina gaukpefing henggecde.

Hebiraio 1:2

Nga yofinenggac naso wisic wisickeau ye yoara Medahaac enacfu faiu yeng yoac edenunuec. Bangecfu nga sawau amma kurumennu wiac sasawa fekende, imoc Anutu medahaarusing yegoc meficgeoc nga wiac imoc sasawa medahango meudeac desimiec.

2 Petoro 3:3

Ngeni yofinoc negenghomebisia. Naso wisic wisickeau desusuic ngicngac goa yeneng fingecma yenang faka manganaac hereyacyac modacma desusuic angemmema

Yohaneac kpefing 11:15

Anu angero wisic wisickeango trampeha fifiu kurumennunac enacudumengtoa mong fingecma yofi degec, “Kebunina nga yeac danggunucngic Kristo yeri yaguc bangectoa bangec sasawaac mingina andape. Amma Kebuninango ngictau kecde nga kecengkecma kecbesande.”

Yohaneac kpefing 15:4

Kebu ge kpetiac, imocac amma sasawango geac damuyunuu kpacga afehebisia. Amma geac faka dindingac didiu fingerecac bangeha bangeha ngicngac yeneng hama geac kicfu numugenggecde.”

Yohaneac kpefing 20:4

Anu ni ngictau tatac homac henai. Ngictau tatac imocac witiau tacgec, yeni ngicngac yoacfu faiyunugecdeac uayoac yemmeyemmea. Amma wasaipusi nga ongea mi numumima kibia mesunginau me maringinau mi megec yeneng Yesuac dedekperagi amma Anutuac yoac dekperagigec. Imocac amma ngic yeneng ubangina herecgegec, yeneac ubaongangina henai. Hemba yeni sasawango kifa 1 tausenggacsoc Kristogoc kecma ngicngac garengyunugecdeac ua megec.