Mika 3:11 - Deduamiti

¹¹ Ammanu enara ngeni ngicngac yeneac desidesi ua gombunga megecdeac dzongo kererengunuandae amma womonggareng ngeni bummengunugecdeac dederecge ayemmeandae nga profete ngeni hiedzo ngemmegecdeac negemma wiac ngade fingerudeac edeyunukecdae. Ifi ammaguc ineKebuacmemeficarugeng fima yofi deandae, “Kebungo nenang botucfu kecmanu ebicngo naric mi hanemmebesande.”

Mika 3:11 ပူးပေါင်းရင်းမြစ်များ

Amosi 5:14

Amma ngeni faka mangana mi modacbisia, faka gombunga amma naso herea kecgecde. Ifi ammagec Kebu Anutu Kuctoa Minginango ngenigoc kecde deande, yeng ngenigoc kecfude.

Amosi 9:10

Isracel ngicngacfocna yeneac botucfu damocngo kopocsic meficgemaguc yofi deandae, “Ebictoango feracnunuma naric mi mewegenenunuude,” imoc yeni ngabafocngina yeneac wasaibeannu homedacgecde.

Mika 3:5

Kebungo yofi dede: “Profete yeni ngicngacfocna ikocfu wangecyunuandae amma mongngo semeng gumecyunude, yeac witiu ruae dekperagiandae. Nga mongngo imoc mi anudeu ine yare fingecyemmeudeac dekengec ayemmeandae.

Mika 7:3

Yeni mangana megecdeac maringina miacgec efaiande. Ngic oruha nga desidesingic yeneng ngic ikocfu demekiri ayemmema kerereyunumagec hiedzo yemmegec ebicngina meandae. Amma ngickucnginagoc yeni songonginaac areng yoac dindingac imoc membaickema desiandae.

Tsefanya 3:3

Enarafocngina yeni laionyangngo yakaac homema arohoandae ifi isoc nga katekasi yeneng tofocnac yang kpema tusuc nedacgec asoac yacma henna kpac anude, desi desingicfocngina yeni katekasi yeneac faka imocnoc modacandae.

Tsefanya 3:4

Profetefora yeni ikoc amma nendefeyoac dema goiheiheingina kpac kecandae. Amma womonggarengfora yeni wiac kpetiac imoc seuc heima dedeseriyoac kpeandae.

Malecaki 1:10

Ngeni aratanau eng kpedzongemema sese ohobauac ngenearunac mongngo sesewomonggac nagu heiu ngereebac. Ni ngeneac mi negen ngereeduaeac amma modzona tiu sesengina faiandae imoc waanduae.’

Malecaki 2:9

Amma neac sing wama sing siriha mong mong ifi edekpou ayemmekecgecac neng ngenearu faka meba Isracel ngicngac sasawa yeneng ngeneac deengdema angemmegec yeneac kicfu gamekpekpe witiau kecgecde.”

Bangec kisiu 16:15

Ifi degec Mose ye yoac imoc negemma herea buyombonggeu Kebuyofi edeec, “Ge sesenginaac negenna mi ngereebeso. Ni yenearunac donggi mocgu mong mi meai amma ebic mong mi meficgeyemmeai.”

Bangec kisiu 22:7

Anu Mocaw yeneac ngicenarafocngina nga Midyan yeneac ngicenarafocngina yeni kpefingyoacac bung maringinau mema Bilecam yearu kensikema Balakac yoac imoc edegec.

Mataio 3:9

Nga ge geanggaac yofi mi negengemebesena, ‘Abrahang ye bangecna.’ Anutungo hoc yomoc naric deu Abrahanggac bangecfora fingecgecdenoc, imoc edengunuduae.

1 Timoteo 3:3

Ye waing doku nema ubasufu ngic mi kecbeso amma ye herebungic kecdeu mi ngereeude. Ye ngic yumea amma ruaegoc kecbeso nga hiedzoac songou negen negenga mi febeso.

Tito 1:11

Ngic ifia yeneac enac medzickebesonga. Yenennoc dzofinactoa ikocfu meficgegecdeac yoac dedesifucgoc edekpou ayemmegecde. Ayemmegec ama areng goa hafoangoc tohoma manganegecde.

1 Petoro 5:2

Anutuac habungo ngeneac botucfu kecdae, ngeni yeni gombunga garengyunuma ubaebicfu ua mi mebisia, ngeni ubangerecgoc ua megec Anutungo negenu ngereeude. Amma ngeni hiedzonginagoc anggecdeac ua imoc mi mebisia. Ngeni uangina imoc mamangkima mekecbisia.

Yuda 1:11

Yeni Kainggac sing modacma hiedzongina fingerudeac Bireanggac sicsauc faka imocngo wangecyunuu yeni sing imoc bic kenggec. Amma Korango yoackpekpe anec, ifi isoc yeni bic yoackpekpe anggec, imocngo ebiriangoc memanganeyunuec. Imocac yeni sowecnginagoc.