Mika 2:9 - Deduamiti

⁹ Ngeni ngicngacfocna yenearunac ngachotsec songo amanginaunac meicyunuandae. Amma ngeni ngachotsec yeneac nambaracfocngina yeneac kenecngina yemmeai, imoc wangecyunuandae.”

Mika 2:9 ပူးပေါင်းရင်းမြစ်များ

Mitiyegec 72:19

Yeac kpac kuneng imoc kuc nga kibikperagiagoc, imocac nasoya nasoya ye kenehebesonga. Yeac kuc nga kibikperagiango bangeha bangeha sokodacbeso. Imoc fora nga fora yombong.

Yoele 3:6

Amma ngeni Yehuda nga Yerusalaim ngicngac meicyunuma Grik yenearu sueyunugec, yenang amabangecngina wama agac kenggec!

Amosi 2:7

Ammanu kpedaha kecdae yeni sendunnu tipetangyunuma ngic kucmamaya yeneac yoacngina foraya dedeac busickpekecgec. Nga mangmedac yerahafocngo ngacnaroang mocgu yearungoc kengandape, ifi amma kpetiac kpacna ohoandae.

Mika 2:2

Ngeni keracmangang amma ngic yeneac heikpenec nadung nga amagerecngina imoc engsac kucgoc wangecyunuma mingina angandae. Amma ngeni ikocfu kerereyunuma amabangecngina nga maridzomingngina hamangec mema tigec engande.

Dzekarya 2:5

Imocac Kebungo yofi dede, ‘Ni neannaoc gerecborang isoc dzema taongnginaac oda ambesandua amma neanaoc ihai kecma fingectegecma kibikerengngina ambesandua.’ ”

Mataio 23:13

Mitiac negen negengngic nga farisaio, ngeni kurumeng eucererenggac nagu kpebung yeneac kicnginau heiandae. Ngeneng imohai enggecdeac segeandae nga kpebung yeneng embesonga ammagec kpae ifingoc heiyemmekecdae. Ngeni ikocfakangina ifia mekecdaeac ngeni sowecnginagoc.

Mareko 12:40

Amma yeni ine ngachotsec ewefocngina homemea yeneac ama wangecyunuandae. Amma negen ngereengunugecdeac nunumu herea here numuandae. Yeni ikocfaka ifia angandaeac turunga ebiriangoc megecde.”

Ruka 20:47

Amma yeni ngachotsec ewefocngina homemea yeneac amangina wangecyunuandae. Amma yeneac negengngeree fingerudeac nunumu hereangoc numuandae. Yeni ikocfaka ifia angandaeac turunga ebiriangoc megecde.”

2 Korinti 3:18

Nga nenang sasawa kicmesunina kperaha kpac kecni Kebuac kuc kibikperagingo kicninau wiking isoc heimerenu yeac onga annide. Amma yeac kperagingo kekecninau yadima saheude. Kebu ye Asu amma Asungo uaya meu faka imoc fingerude.

2 Korinti 4:6

Anutungo yofi deec, “Kundununac kperagi fingecna.” (Fing 1:3) Anutu yennoc ubaherenina mekperagikecde. Amma Kristo ye Anutuac kuc nga kibikperagia negentegecde, negen negentegec imocngo yeac kicmesuyaunac hama ubaherenina mekperagiude.