Mika 1:4 - Deduamiti

⁴ Anu tiki yeneng yeac hania bageu patatahegecde nga bangec tumea yeneng tohoma kendo kereha dzema sisingaiande isoc, sisingaima doku isoc fagannunac nedzima mabesandae.

Mika 1:4 ပူးပေါင်းရင်းမြစ်များ

Mitiyegec 46:6

Bangec monnunac ngicngac Anutu mi negemmidae, yeneng dzomugerec mekecdae nga bangecac eucerereng yeni goroc goroc amma mayunuude. Ye ubia miacma kparu bangectoa bangecngo sisingaima kpac andarude.

Mitiyegec 68:2

Firangngo hosuc mefiranggeu kengkecde, geng ifi isoc kporacyununa worama kendacbisia. Ngicngac Anutu ngadehema mangana megecdeac ayemmeande, yeni ge negemmana kerecngo gerec wegenahau tacma sisingaiande, yeni ifi isoc Anutuac kicfu sisingaima kpac ambisia.

Mitiyegec 97:5

Bangec sasawaac Kebu hau tiki yeni Kebuac kicfu pereckema kendo kereha sisingaiande, ifi isoc sisingaigecde.

Amosi 9:5

Kebu ye Kebu Kuctoa Mingina, yeng bangec kpesereu sisingaiande nga ihai damocngo kecdae yeni kiac ubahodung anggecde. Amma bangec sasawango Nilidoku isoc bounggegecde nga Aigita doku isoc kpedzima fegecde,

Nahum 1:5

Tiki yeni yeac kicfu kpemindzaeandae amma bangec buma buma yeni sisingaiandae nga bangec goa gboria monggoc yadima eremagec ngicngac nga wiac sasawa ihai kecdae yeni dzonong fedefede anggecde.

Dzekarya 14:4

Anu Oliwatiki imoc Yerusalaimgac hoangaubigeng wegenac wenac ere ereaubigennu tacde. Naso imohai Kebungo hania ihaibigeng tirima nambesande. Nammanu Oliwatikitoango tohoma yohockang ambesandape. Anu botucngirau uranggema keema tumiatoa amma nobohango wenac ere ereaubigennu kembesande nga nobohango wenac keme kemeaubigennu kembesande. Keemaec tiki nobohango fotockema notfubigeng kembesande nga nobohango fotockema sautfubigeng kembesande.

Yohaneac kpefing 20:11

Imocac witiau ngictau tatactoa kongac kongac mong henai. Nga imocac witiau tarec, yeac kiwaunac bangec nga sawakebanga woraec tatacngira mong mi feec.