Mataio 6:16 - Deduamiti

¹⁶ Anu ngeni yaka segekecma ikocngic yeneng angandae, ifi isoc mi ambisia. Yeni yakasege kecdae, naso imohai ngicngo yenenggecdeac kicnangengngina huringaiande. Foracngoc, ngic ifia yeni bungngina hafoangoc bic megec, imoc edengunuduae.

Yoak kekehagocac Dzadzahac gboria nga Mitiyegec

¹⁶ Anu ngeni yaka segekecma ikocngic yeneng angandae, ifi isoc mi ambisia. Yeni yakasege kecdae, naso imohai ngicngo yenenggecdeac kicnangengngina huringaiande. Foracngoc, ngic ifia yeni bungngina hafoangoc bic megec, imoc edengunuduae.

Mataio 6:16 ပူးပေါင်းရင်းမြစ်များ

Nehemia 1:4

Anu siduc imoc negenai naso imohai neng ubahodung negemma matacma kiarai. Ifi amma uameme goau ubahodunggoc yakasege amma kurumenggac Anutu numumiai.

Esta 4:16

“Ge kemma Yehuda ngicngac Susa taonnu kecdae, yeni sasawa kpedzucyununa uameme harebecac manau neac negensima yakasege amma hadzing nga toforec nenedoku monnec mi nebisia. Anu ngeni yakasege anggecde isoc ni uangacfocnagoc ifingoc annide. Ifi amma neng singyoac kpema ngictauaru kembade. Nga kpebucnugecdeac degecdeu, imoc naric homebesare.”

Mitiyegec 109:24

Ni yakasege kecma fafocna kuha kpac anu sicnasac anduae.

Mitiyegec 35:13

Anu yeneng hafei amma kecgec, imohai ni sifu ubamanganggac wamba torungo memea heima yakasege amma kpendzenggoc kecma ngonducnema yeneac amma numuai.

Mitiyegec 69:10

Ni kiacma yaka waba yeni detenic anenggec

Danicel 9:3

Ifi negemma yakasege amma toruwamba heiba kemeu hama nadzicma kicmesuna Kebu Anutuaru meremma yeac kpara kpacma kpacsambic ammima ubaherena hafoangoc ye numumiai.

Malecaki 3:14

Ifi dedaeac yofi deduae: Ngeni yofi dekecdae, ‘Neni Anutuac ua mekecdimbe amma imocac fora mong mi hengandimbe. Amma enara modacma yeac kicfu ifingoc ubahodung siric kecandimbe nga sifu gombung mong Kebuarunac mi meandimbe.

Mataio 6:1

“Ngeni ngicngac yeneng ngenemma dengerengunugecdeac yeneac kicfu faka gombunga mi angkecbisia, kpac. Ngeni ifi anggecdeu kurumeng Mangngina yearunac faka gombunggaac buma mong mi megecde. Ifi fingecbacac henghomema kecbisia.

Mataio 6:2

Imocac ngicngac makpekpea ubangerecac wiac yemmenec, imohai ngicngac yeneng trampet udumengtoayagoc geac amma fifigecdeac mi edeyunubesena. Ngic ikoha goa yeni kpekpeturang amau me singtoau ngicngac yeneng dengereyunugecdeac ifi angandae. Ni fora edengunuduae, ngic ifia yeni bungngina hafoangoc bic megec.

Mataio 6:5

Anu ngeni numubesonga dema ngic ikoha yeneng angandae, ngeni ifi isoc mi ambisia. Yeni kpekpeturang amau nga singtuturunnu numuma nanggec ngic yeneng yenemma dengereyunugecdeac songo negengandae. Foracngoc, yeni bungngina hafoangoc bic megec, imoc edengunuduae.

Mareko 2:18

Yohaneac medacfora nga farisaio yakasege kecandae, yenearunac goango hama Yesu kpesimigec, “Yohane nga farisaio medacfocngina yeni yakasege angandae. Nga geac medacfocga yeneng nocac yaka sege mi angandae?”

Ruka 18:12

Amma sondasoc uameme yohockang yakasege kecanduae nga wiac sasawa mekecduae, imoc 10nunac mocgu genganduae.’

Ruka 2:37

Homeu ye hotsec kecmanu kifaya 84 anec. Amma yeng womong mi wawa hadzing toforec yaka segekecma Anutu numumikefec.

Aposoro 10:30

Ifi deu Koneriongo yofi edeec, “Uameme 4 bic wisickemanu marai 3 kirocac ua memanu numubare ngic mong ngakpia kperagiagocngo nearu fingecma

Aposoro 14:23

Amma kpebung taong mocgu mocgu kecgec, yeneac enarafocngina meisingyunugec. Nga ngicngac Yesu negensinggegec, yeneac amma yakasege amma numuma kenecyunuma Kebuac hoannu faiyunuoc.

1 Korinti 7:5

Imocac eweeneng ngeri ngeraocngoc sebingira mi segereemebesera. Ngeri naso goausac numuecdeac uba mocgu amma naso dema naric segereemebesera. Nga ngeraoc sebingira garengemeecdeac kuc mi fengecmedeac Satangngo faitobannu faingurubacac ngeri naso wegenanecsac eng kecma monggoc ngerahafoc kecbesera.

2 Korinti 11:27

Ifi anenggec sifu ua esa kpendzenggoc mekefai. Mekecma naso homac gaugbori kecma nenedoku hoforai nga naso homac wambaac osima tentennuu kefai.

2 Korinti 6:5

Ngic yeni dzikacngo nunuandae nga witicamau fainunuandae amma neneac amma dzomugerec meficgeandae. Neni uatoa mekecma gaugbori kecma hereninaac homeandimbe.