Mataio 6:12 - Deduamiti

¹² Nga neni ngic yeneac kopocsic waandimbe, siriha ifingoc kopocsicninaac turunga wanemmena.

Yoak kekehagocac Dzadzahac gboria nga Mitiyegec

¹² Nga neni ngic yeneac kopocsic waandimbe, siriha ifingoc kopocsicninaac turunga wanemmena.

Mataio 6:12 ပူးပေါင်းရင်းမြစ်များ

Mitiyegec 130:4

Nga gearu sifu kopocsic wawa fedeac eweheiheigoc hoanggubesonga.

Mitiyegec 32:1

Ngic mong ye singyoac kpeu Kebungo ebiha wamima kopocsihaac ebic semeec, ye kenehagoc.

Makekeng 34:7

Amma ye yoac dzegema imoc modackefu imocngo tausenga tausenga yenigoc seria fekefude. Nga faka mangana ngicngac ayemmekecgec amma singyoac ferahegec amma turungnginagoc yeni kopocsicngina wayemmeude. Ye mangana megec imocac turunga eng mi wadarude. Ye imocac kpemeting imoc esamedacfocngina nga bangecfocngina yeneac fingecsahe arenga harebec nga neackpac yenearu imoc kpouyemmeude.”

Danicel 9:19

O Anutuna, taontoaga nga ngicngacfocga neni geac kpacga mekecdimbe, imocac ge kedzac kpema kopocsicnina wanemmena. Ge naso mi ukuna, faka mema meficnununa. O Kebu, imoc geanggaac amma ifi fingecbeso.”

Mataio 9:2

Kensikeu yeni ngic mong hanimaria homemea dzakeu faima tofohoma hagec. Hagec Yesungo negen negensingngina hemma ngic puringa yofi edeec, “Medacna, ge ubaga ngereeu, kopocsicga imoc bic wawaya.”

Mareko 11:25

Anu ngeni namma numuandae, imohai ngic monggac wiac me monggac ngaba mekecdaeu kopocsiha wabisia. Ifi anggec kurumeng Mangnginango ngeneac kopocsic ifingoc waude.

Ruka 11:4

Kopocsicnina wanemmena. Neni ifingoc ngic yeneac kopocsicnginaac turung kpoukpouac wayemmekecdimbe. Faitobannu mi fainunubesena.’ ”

Ruka 13:4

Nga Siroang amaherecngo barackema ngicngac 18 witinginau mama yunuhomeec. Imocac ngeni dafi negensidae, yeneac kopocsicngo Yerusalennu ngicngac sasawa kecdae, yeneac ferahade me?

Ruka 6:37

“Ge ngicngac mi demanganeyunubesena, yoac imoc modacnadeu ngic yeneng ifingoc mi demanganegugecde. Amma ge ngicngac mi isingyununa nga mi desiyunubesena, yoac imoc modacnadeu ngic yeneng ifingoc mi isinggugecde nga mi desigugecde. Nga ngicngac kopocsicngina wana. Ifi anna yeni ifingoc geac kopocsic wagecde.

Aposoro 13:38

Tosofocna yofi edengunuba negenggec: Kopocsic wawaya, imoc ngic yennoc meficgeec, dedekperagi yoac imocngo ngenearu haec.

Efeso 1:7

Yesu Kristoac danggunucac dzohong imoc wakema fedeac nenang yearu kpeketaheni ye sawango kirecgenunuu mangana meic meicke fingerec.

Efeso 4:32

Ngeni ruae nga wosoefac amma ubamangang angemema kecbisia. Anutungo Kristoaru kopocsicngina waec, ifi isoc ngeni ifingoc ngenaocngoc kopocsicngina waemebisia.

Kolosai 3:13

Amma ngeni ngicngac ogofocngina yeneac modzongina mi tiu kopocsicngina waemebisia. Kebungo ngeneac kopocsic bic wangemmeec, ifi isoc ngic mongngo ngic monggac yoac mekecdeu kopocsicngina waemekecbisia.