Mataio 5:5 - Deduamiti

⁵ Nga ngicngac memaemema kecandae, yeni kenecnginagoc, nocac bangec yomocngo yeneac yombong anude.

Yoak kekehagocac Dzadzahac gboria nga Mitiyegec

⁵ Nga ngicngac memaemema kecandae, yeni kenecnginagoc, nocac bangec yomocngo yeneac maridzoming anude.

Mataio 5:5 ပူးပေါင်းရင်းမြစ်များ

Mitiyegec 147:6

Ngic yeneng ngicngac ogofocngina memayunugec Kebungo monggoc miacyunuma nanggeyunuude. Nga ngic Anutu ngadehema mangana megecdeac ayemmeande, yeni ine meyunuma bangecfu ukuyunuude.

Mitiyegec 149:4

Kebungo ubangerecgoc ngicngacfora ngeneac negenu ngereeude. Yeng ngicngac yumia ebicfunac mesingunuu imocngo wiacngina sirihau anu heingemmeu kemeude.

Mitiyegec 22:26

Ngicngac makpekpea yeni nema gebecyunuude nga ngicngac Kebu hofocandae, yeneng ye dengeregecde. O, ngeni herengina nasoya nasoya fekecbeso.

Mitiyegec 25:13

Amma ngic imoc ye kekeha ngereeu wiac monggac mi obohoude nga yeac esamedacfora yeni bangec mema mingina yombong anggecde.

Mitiyegec 25:9

Ye ngicngac yumia faka dindingac modacma hesicyunuma yengena sing edekpou ayemmeude.

Mitiyegec 37:11

Anu ngicngac yumia yeni bangecyombongngina mema mingina anggecde. Yeni finac hania hania efea kpac mekecma ubangerecgoc kecgecde.

Mitiyegec 37:22

Ngicngac Kebuac kenecgoc kecdae, yeneng bangecyombongngina mema mingina anggecde. Nga ngicngac Kebuac sowec bageau kecgec Kebungo meicyunuu kpac anggecde.

Mitiyegec 37:29

Ngicngac dindingac yeneng bangecyombongngina mema mingina amma naso wisic wisickea kpac imohai kecgecde.

Mitiyegec 37:34

Ge Kebuac tomai kecma yeac sing modacbesena. Ge ifi anna yeng miacguma bangecyombongga genu mingina annade. Nga yeni geac kicfu ngic Anutu ngadehema mangana megecdeac ayemmeande, meicyunugec kpac anggecde.

Mitiyegec 37:9

Ngic Anutu ngadehema mangana megecdeac ayemmeande, yeng yeni meicyunuu kpac anggecde. Nga ngicngac Kebuac tomai kecandae, yeni bangecyombongngina mema mingina anggecde.

Mitiyegec 69:32

Ngic yeni ogofocngina ebicfu faiyunugec yeneng ubaebicgoc andae, yeninoc imoc hemma ubangerec negembisia. Ngicngac Anutu hofocandae, ngeni herengina kekecgoc monggoc anude.

Tsefanya 2:3

Imocac amma Kebuac nasongo mi hamanungoc, memaemema dedeseri yoara modacma kecandae, ngeni kebuaru kpeketahebisia. Amma kpetiac kekec nga memaemema kekec imoc hafoangoc mebisia. Faka imocngo Kebuac herebuac nasou ngeneac debang gedang angemmebesande.

Bangec kisiu 12:3

Nga Mose ye bangectoa bangecac witiau ngicareng imoc sasawa kecgec, yeni feracyunuma memaemema yumia yombong kefec.

Mataio 11:29

Ngeni hama tofona miacma tofohoma negen negeng nearunac megec. Ni wosonomang nga memaemema kecduae. Ifi anu ubaonganginango kecnegeng meficgeude.

Mataio 21:5

“Ge Sionggac ngicngac yofi edeyunubesena, ‘Henggec, ngictaugnina ngenearu habesande. Ye donggi witiau tacdenoc, ye donggi medahau hade nga ye fakaya memaemeemea.’ ” (Dzek 9:9)

Roma 4:13

Anutungo Abrahang nga bangecfora yenigoc yoac yofi dedzege anec, bangec nga kurumeng imoc ngeneac anudeac desingemmebade. Nga imoc Abrahangngo dedeseriyoac modarecac mi deec, kpac. Yeni negensinggegec nga Anutungo negengyemmema dindingac deyemmeec, imocac witiau yoac dedzege anec.

Garata 5:23

nga wosoefacgoc kekec amma faka nomana. Dedeseriyoacngo faka ifia sasawa kpae mong mi heiude.

Efeso 4:2

Ngeni yumea amma wosonomang hafoangoc kecma faka yumea mekecma ubangerecfu modzotitia kpac tomai kecma heresongogoc hoangemema nanggeemebisia.

Kolosai 3:12

Anutungo heresongogoc hoangngunuma meisingngunuu yeac kpataning areng kecdaeac ngeni ubaherenginango ngicngac yeneac ubamangang negemma wosoefac ayemmebisia. Amma memaemema yumea kecma ngicngac ogofocngina yeneac modzongina mi tibeso. Ngeni faka imoc sasawa wamba isoc heigec kemeu mekecbisia.

1 Timoteo 6:11

Anutuac ngic, ge faka imoc hemma ngadehema woramibesena. Kekec dindingac modacma Anutuac faka nga sing kekecgau seriudeac mamangkima Yesu negensinggema Anutu nga ngicngac heresongogoc hoangyunuma modzotitia kpac kecma kekec yumea mekecbesena.

2 Timoteo 2:25

Nga ngic goa yeni mangana minginaac botacfu tacma yeac negen negeng nga songo modacandae, yeni Kebuac wanacngic yeac yoac kpeandae, ifi ammagec yeng yenigoc yumeau kecma dederecgeyoac edekpou ayemmebeso. Ayemmeu Anutungo ubangina merenggecdeac kuc yemmeu gedang yeni ubangina ireckeu yoac fora negenghomema mangana minginaac botacfunac fotockema woragecde.

Tito 3:2

Amma yeni ngic me ngac mong demanganegecde, imoc mi ngereeude, kpac. Yeni deendema mi amma yumea kecma ngicngac yeneac ebic negentegecma ubangerec faka ayemmedacbisia.

Yakobo 1:21

Imocac amma ngeni faka seuhagoc nga faka mangana ifia homac fede, imoc sasawa meickedacbisia. Amma ngeni yumea kecmagec yoac herenginau homec homera, imocac kucngo ubaongangina ebicfunac mesiu komoc kpegecde.

Yakobo 3:13

Ngenearunac ngic mongngo negen negentegec nga negen negenga irec ireckea mekecdeu, ye yumea kecma negen negentegecgoc fakaya gombunga edzacngunubeso.

1 Petoro 3:15

Kebu Kristo ye kpetiac, ngeni negen negeng imoc ubaherenginau mekecbisia. Amma gombungangina ngade haude, imocac hania goriangoc kpesingemmegec turunga merenggecdeac nasosoc efaima kecbisia.

1 Petoro 3:4

Nga ongaasungina yumea nga ruaegoc ubaherengina manau sufu sufuya fede, imocngo siric kerengngina meficgebeso. Imocac kibi kuha mi maande nga imocngo fekengkefude nocac imoc Anutuac kicfu wiac engena ande.