Mataio 5:39 - Deduamiti

³⁹ Neng ine yofi edengunuduae, ngicngac mangana angemmegec ngeni turunga mong mi merengyemmebisia. Mongngo munggungga foiu kpeudeu geng munggungga kanau ifingoc sinemibesena.

Yoak kekehagocac Dzadzahac gboria nga Mitiyegec

³⁹ Neng ine yofi edengunuduae, ngicngac mangana angemmegec ngeni turunga mong mi merengyemmebisia. Mongngo munggungga foiu kpeudeu geng munggungga kanau ifingoc sinemibesena.

Mataio 5:39 ပူးပေါင်းရင်းမြစ်များ

Mika 5:1

Yerusalaim, ngaba yeneng Isracelac dzikacac oruhafocnina fifiricngo munggungnginau yunugecdeac bic tidzicnunudae. Imocac kucga tifininggema wasaingicfocga kpedzucyununa mocgu anggec.

Mataio 5:40

Nga mongngo yoacfu faigubesonga ngakpiga mana meudeu ge ngakpiga witiau ifingoc wamibesena.

Ruka 22:64

kiwa kporucngo biranggema degec, “Merang gudac, geng imocac kpefingyoac dena.”

Ruka 6:7

Nga Yesungo sabata nasou hafeigoc memengerecua mong meu yeni haniaya mong meficgema yoacfu faigecdeac miti negen negengngic nga farisaio, yeni garemmema nanggec.

Yohane 18:23

Ifi deu Yesungo yofi meremmiec, “Ni yoac mong mangana deduae, imoc dekperagina me fora deduaeu nocac nudang?”

1 Korinti 6:7

Ngeni yoacfu faiemeandae, faka imocngo edzacngunuude ngeni firang mi andae. Nga tosofocngina yeneng ikocfu yoacngina dema me wiacngina wangecngunuandae, ngeni imoc eng wagec feu ngereebac.

1 Tesaronike 5:15

Manganaac turunga kpouemebauac ngeni garengemema kecbisia. Nga ngeni nasosoc ngenang botucfu nga ngicngac sasawa yenigoc faka gombunga anggecdeac uatoa mema kecbisia.

Hebiraio 12:4

Anu ngeni ine kopocsic tidzamegecdeac eweyombonggegec amma sac hetic hetinggeaac nadunnu mi emma kecdae.

Yakobo 5:6

Ngeni ngic dindingac yoacfu faima kopocsihagoc dema kpebucgegec nga yeng ngaba mong mi mekefec.

1 Petoro 3:9

Ngicngac yeni mangana angemmegec ngeni turunga manganangoc mi merengyemmebisia nga yeni desofoc angemmegec ngeni turunga desofocngoc mi ayemmebisia, kpac. Ngeni eucererenggac kenec imoc megecdeac kpacngunungunuya, imocac yeni ifingoc kenecyoac edeyunubisia.