Mataio 22:5 - Deduamiti

⁵ Ifi deu kemma edeyunugec, yeneng ine yoac monggoc hau imoc negemma modzongina tiu eng wama kengha anggec. Mong ye uayau kenec nga mongngo kpounec uayau kenec.

Yoak kekehagocac Dzadzahac gboria nga Mitiyegec

⁵ Ifi deu kemma edeyunugec, yeneng ine yoac monggoc hau imoc negemma modzongina tiu eng wama kengha anggec. Mong ye uayau kenec nga mongngo kpounec uayau kenec.

Mataio 22:5 ပူးပေါင်းရင်းမြစ်များ

Fingec fingec 19:14

Ifi deec, Lot ye kemema ngic naroanghora meyurubeso anoc yeri yofi dema edeyuruec, “Kebungo bangec yomoc kpetotiebeso andeac ngeri yacma bangec yomoc wama woraec.” Ifi deu yeri negenec ye tenic ande dema ioc baoc amma waoc.

Fingec fingec 25:34

Deseriu Yacakow ye icsogong nga lentilbesec sacsac oho ohoya imoc miec. Miu ye nenedoku imoc nema yacma kenec. Nga Esaw ye ifi amma warac fingec fingecac wiac yeac dedea imocac negenu wiac mamea isoc anu wama muniaac desimiec.

Mataio 13:22

Nga gbomea hasennu heiec, imoc ngic mong ye eucererenggac yoac negemma kefude, ye isoc. Ye yoac negenu kekecac negengyohoc nga dzofinacac faitobangfaka imocngo yadima yoac imoc heihomeu fora mong mi fingerude.

Mataio 22:4

Wagec ngictaungo wanacngicfora goa monggoc sueyunuma yofi deec, ‘Ngeni kemma ngic bic heitaiyunuai, yeni edeyunugec, “Negendae, burumakana ngiwa nga yang kerectoayagoc imoc bic kpeoho amma yakatoa mengeredacdua. Ni wiac sasawa bic memockedua, imocac ngeni hagec.” ’

Mataio 22:6

Nga ngicngac tosea yeneng ngictauac wanacngicfora ngaba ayemmema yunuhomegec.

Yohane 2:16

Heimeremma ngic kebesacneng suegec, yeni yofi edeyunuec, “Ngeni wiacngina imoc meickegec! Ngeni Mannaac ama anggec emekpesi ama mi ambeso.”

Aposoro 2:13

Goango ine yeneac deendema amma yofi degec, “Yeni waingdoku homac nedauac ubangina sufude.”

Aposoro 24:25

Negemmaec yofi edeyuruec, “Faka dindingac modacbesonga nga ubasebi garenggema faka mangana wabesonga amma desidesi nasoya haude.” Ifi deu Feriki kengec kpeu Pauro yofi edema sueec, “Naric kenna, kecma naso monnu titing mong fingecnenu monggoc kpacguba habesena.”

Roma 2:4

Anutungo faka yumea yombong anggemma modzotitia kpac tomaiga naso herea kecande, imoc ngadehenadeu naric mi ande. Nga ubaga merennadeac Anutungo yumea anggende, ge sifu imoc negentegecbesena.

Roma 8:6

Anu uba eseaac negen negeng imoc homehagoc nga Asuac negen negeng imoc kekehagoc amma ruaeagoc.

2 Timoteo 3:4

Yeni kererengunuma angammemengina sicsauc anggecde amma sebingina meenggecde. Bangec nga sebiac songo yeneac kekecnginau yadiu Anutuac songo ine wagecde.

Hebiraio 2:3

Anu Kebungo monggoc memengerecac sing mong kuha engena yombong edenunuec. Yeng imoc hanaheu yoara negenggec yeneng imocac hepuc amma edenunugec. Anu Anutu yengenaoc yoara meserima negensinggegecdeac kucfaka nga faka kiwa morora mema songoya modacma Tiri Asuac wosoefacac kuc nemmekefec. Ye ifi anecac nenang memengerecac sing kpenideu turungaac naric mi woranide.

2 Petoro 2:3

Anu kpoukpou imoc yeni ngeneac dzofinac hensongo amma ikocyoac dema hodzinggema wangecngunugecde. Nga Anutungo faka ifia bicngoc ngadeheec amma yofinenggac yoacfu faiyunuma memanganeyunuude.