Mataio 22:30 - Deduamiti

³⁰ Yacyac nasou ngicngac yeni monggoc mi meemegecde amma manggac mongngo yofi mi deude, ‘Ni naroanna ngic mibade.’ Imohai ngicngac yeni ine kurumenggac angero, yeni isoc anggecde.

Yoak kekehagocac Dzadzahac gboria nga Mitiyegec

³⁰ Yacyac nasou ngicngac yeni monggoc mi meemegecde amma manggac mongngo yofi mi deude, ‘Ni naroanna ngic mibade.’ Imohai ngicngac yeni ine kurumenggac angero, yeni isoc anggecde.

Mataio 22:30 ပူးပေါင်းရင်းမြစ်များ

Mitiyegec 103:20

O Kebuac angero, ngeni ye kenehebisia. Yeac areng kucnginagocngo yeac yoac negengkecma yoara tofohoma ua mekecdae nga yeac ubaudumeng negenggecdeac kedzac kpeandae, ngeni ye kenehebisia.

Dzekarya 3:7

“Kurumenggac wasaiareng habuya habuya yeneac Kebu yeng yofi dede, ‘Ge neac sing modacma uayoac genggena imoc menadeu neac womonnaac gareng faiguba womonnaac manau wiac sasawa fedacde imocac gareng kecnade. Amma kurumenggac areng yoc nandae, yeneac botucfu geac kengha ifingoc feude.

Mataio 13:43

Nga ngicngac kpetiac yeni Mangnginaac eucererennu wenackiwa isoc kperagima kecbesandae. Kedzahagoc yeng yoac yomoc negembeso.”

Mataio 18:10

Ngeni nambarac kapia, yenearunac mong ubango mi ukubisia. Ni edengunuba negenggec, nambarac yeneac angerofocngina kurumennu kecdae, yeni nasosoc Manna kurumennu kecde, yeac kicmesuya hengkecdae.

Mataio 22:31

Nga homecfunac yacyac dema Anutungo yofi bic edengunuec,

Mataio 24:38

Kiatunggbaung mi hamanu ngicngac yeneng nenedoku nema ngic yeni ngacfu kenggec nga manggac yeneng yofi degec, ‘Ni naroanna ngic mibade.’ ifi angkecmagec Noango wageu enec.

Ruka 17:27

Ngicngac yeni nenedoku nema ngic ngacfu kenggec nga manggac yeneng degec, ‘Ni naroanna ngic mibade.’ Ifi angkecmagec Noango wageu enu doku yadima wiac sasawa semedaru manganema kpac andarec.

Yohaneac kpefing 19:10

Ifi deu ye numumibadeac haniau makpeai. Makpeba yeng yofi edenuec, “Ifi mi anna! Ni ge nga tosofocga Yesuac dedekperagi metacdae, ngeneac wanac ogongina. Yesuac dedekperagi imoc profeteyoacac asu. Imocac amma ge Anutu numumina.”