Mataio 2:12 - Deduamiti

¹² Nga Anutungo yeni Herodearu sing mi dzigenegecdeac gauu goro dema dederecge ayemmeu yeni sing monnu sing bangecnginau dzigenegec.

Yoak kekehagocac Dzadzahac gboria nga Mitiyegec

¹² Nga Anutungo yeni Herodearu sing mi dzigenegecdeac gauu goro dema dederecge ayemmeu yeni sing monnu sing bangecnginau dzigenegec.

Mataio 2:12 ပူးပေါင်းရင်းမြစ်များ

Fingec fingec 31:24

Anu Anutungo ine aramngic Lawan tofocnac gaukpefinnu fingecmima yofi dema edeec, “Ge fakaga garenggema Yacakow yoac kucgoc mi debesena me mangana mong mi ammibesena.”

Makekeng 1:17

Ifi deu yeri Anutuac damuyuruu Aigita ngictaungo yoac dederecge ayecmeec, imoc wama mi tofohoocac amma medac fingecgec yeni ine homecfu mi faiyunuoc.

Danicel 2:19

Anu tofocnac imohaingoc Danicel ye kpefing mong henu wiac sufu sufuya imocac dedekperagi haec. Hau Danicel ye kurumenga kurumengaac Anutu kenehema deafehe ammima

Mataio 1:20

Ye imocac negen negengua mema kecmanu Kebuac angero mongngo ine gauu fingecmima yofi edeec, “Yosefe, Dawidiac kisicfunac, ge enembingecga Maria menadeac mi kengecgubeso. Sabac hereau tacde, ye imoc Tiri Asuarunac.

Mataio 2:13

Dzigenema kenggec Kebuac angero mongngo Yosefe gauu fingecmima yofi edeec, “Ge yacma sabac nonggeagoc meyuruma worama Aigita bangecfu kemma kecgec. Kecmagec neng edengunubaguc monggoc habisia, nocac Herodengo sabac hofocma meficgema kpehomeudeac dede.”

Mataio 2:19

Anu Herode homemanuguc Anutuac angero mongngo Yosefe gauu fingecmima yofi edeec,

Mataio 2:22

Kemma Yosefengo yoacsiduc yomoc meficgeec, “Akelaongo mama Herodeac tatac mema Yudaia provins, imocac ngictau anec.” Yosefengo imoc meficgema ihai kecbeso kengec kpeec. Nga ye gauu goroyoac negenecac Gariraia provinsiu kenec.

Mataio 27:19

Nga Pirato ye desi desi tatahau tacmanu enemango yearu yoac yofi faiu kenec, “Ge ngic kpetiac yomocac yoac mi kpeserena, imoc wana. Ni tofocnac fema gaukpefing hemma yeac amma ubaebic homac medua.”

Ruka 2:26

Nga Asungo warac yofi deficgema edeec, “Ge mi homemana Anutuac Messia fingeru hennade.”

Aposoro 10:22

Ifi deu ngic yeneng yofi degec, “Wasaingic gareng Konerio ye Anutu eweheimima faka gombunga modackecde. Nga yudangic sasawa yeni yeac negenggec ngereeande, yenoc angero kpetiac mongngo fingecmima ameau heitaiguma enacgaunac yoac negenudeac edeec.”

Aposoro 4:19

Ifi degec Petoro nga Yohane yereng yoac yofi merengyemmeoc, “Wiac kicninango hening amma kedzacninango negening, imoc busic naric mi kpenide. Ngeni ngenaoc negenghenggec, ngeneac yoac me Anutuac yoac tofohobesonga. Damocngo Anutuac kicfu ngereede?”

Aposoro 5:29

Ifi degec Petoro nga aposoro goa yeneng yoac yofi merengyemmegec, “Anutuac yoac wama ngicyoac tofoc tofoho, imoc naric mi ambesonga.

1 Korinti 3:19

Bangec yomocac negen negentegec imoc Anutuac kicfu ubasufuyagoc. Imocac yoac yofi oho ohoya fede, “Ye ngic negen negentegecnginagoc yeneac yoac dzegema yenang botacfu faiyunuude.” (Yop 5:13)

Hebiraio 11:7

Ngicngac yeni dokutoa haudeac ebic mi hemmagec Anutungo Noa goroyoac edeu yeng yoara negensinggema eweheimima wagetoa mong meec. Ifi mema yengena arengfora ebicfunac onggongyunuec. Yeac negen negensingngo bangectoa bangecac faka mangana mekperagiu Anutuac yoacfu kenggec. Yeng ine Anutuac yoac negensinggeu Anutungo ye ngic dindingac demiu foraya henec.

Hebiraio 8:5

Mosengo kporucwomong mema miacbeso anu Anutungo goroyoac dema yofi edeec, “Ni tikiu onga edzacguai, ge siriha imoc yombong modacma wiac sasawa medacnadeac henghomema mebesena.” (Mke 25:40) Nga ngic yaguc womonnu ua meandae, yeni Mose isoc kurumenggac onga modacma uangina mekecdae.