Mataio 2:11 - Deduamiti

¹¹ Taru yeni amau emma sabac nga nonggea Maria yerenggec. Yeremma fafoc heima ngonducnema ye afehegec. Amma finachienginaunac ubangerecac wiac yofi widicma migec, gol nga hosuc homungkerengagoc amma icsopea homuna gombunga kpara mira.

Yoak kekehagocac Dzadzahac gboria nga Mitiyegec

¹¹ Taru yeni amau emma sabac nga nonggea Maria yerenggec. Yeremma fafoc heima ngonducnema ye afehegec. Amma finachienginaunac ubangerecac wiac yofi widicma migec, gol nga hosuc homungkerengagoc amma icsopea homuna gombunga kpara mira.

Mataio 2:11 ပူးပေါင်းရင်းမြစ်များ

Fingec fingec 43:11

Ifi deu mangngina Isracelngo yofi dema edeyunuec, “Ifi ambesonga dedaeu ine yofi ambisia, bangec yomohai wiac goa fingecande imohacnac wiac goa gombunga gombunga meisinggema torunginau banima mema kemma ngic imoc mibisia. Imoc kerec homuna gombunga, hani, icsopea homuna gombunga, mandari icac sopea homuna gombunga amma pistakio nga almond icgbomea mekembisia.

Mitiyegec 2:12

Medac ye herebu bic angkecde. Yeng ngaba angemmeu ngeni sinnu manganema kpac ambauac haniau ngonducnema titikokoc ammibisia. Ngicngac yeac hoannu sufuma kecdae, yeni kenecnginagoc.

Mitiyegec 45:8

Ngicngac yeni wambagau mira nga aloe amma kassia heigec homuna gombunga gombunga fiande. Yeni erefang yanggac baihango wiac gombunga gombunga mema ngictauamagau faigec siriha gombunga anude. Yeni imohai gitakurere kpema udumeng gombunga meficgegenggec ubangerec negengannec.

Mitiyegec 72:10

Tarsis bangec nga nuha nuha bangecngina fekendae, imocac ngictau yeneng yeac ubangerec wiac mehama ye mibisia. Arabiaac Saba bangec nga Etiopiaac Seba bangecac ngictau yeneng ifingoc ubangerec wiac mehama ye mibisia.

Mitiyegec 72:15

Ngictau ye naso hereangoc kecbeso. Arabiaac Seba bangecfunac ngicngac yeneng gol mema ye mibisia. Yeac tatahoc numuma asoacnac kemma marai ye kenehebesonga.

Mitiyegec 95:6

Hagec ngonducnema numumini. Kebungo meficnunuec, nenang yeac kicfu fafoc heimini.

Makekeng 30:23

“Ge wiac songeagoc homuna gombunga yombong yakau faiandae nga sebinginau hosoandae imoc mebesena, imoc yofi, Mira dokuya shekelkpete 500 nga mosoki homuna gombunga shekelkpete imocac noboha, imoc shekelkpete 250 amma kalmus homuna gombunga shekelkpete 250 mebesena.

Makekeng 30:34

Anu Kebungo Mose yofi edeec, “Ge wiac homuna gombunga yomoc mena, stakt, h oniha, i galbanum amma frankinsens k gombunga. Mema wiac imohacnac kpetea socfungoc mema

Malecaki 1:11

Ni kurumenggac wasaiareng habuya habuya yeneac Kebungo yoac yofi deduae, ‘Bangec sasawa wenac ere ereaunac kengkecma wenac keme kemeau kpac kunennango sokodacbesande nga amea amea yeneng hosuc homung gombung heinemma kpetiac sesena faigec kpac kunennango yadima kendacbeso.

Bangec kisiu 7:14

Amma ye sokoc mong golngo memea faiec, imocac ebiha shekelkpete ten anec nga imoc hosuc homuna gombungaac kerecngo wakema tarec.

Bangec kisiu 7:86

Amma sokoc twelf golngo memea hosuc homungkerenggac sopogoc wake wakea tacgec, mocgu mocgu sasawa imocac ebicngina imoc shekelkpete ten anec. Sokoc golngo memea sasawa yeneac ebicngina imoc kpeturanggema shekelkpete 120 anec. Imoc kpetiac amaac shekelkpete feec, imocacsoc megec.

Mataio 1:18

Yomoc Yesu Kristoac fingec fingecac siduc. Maria nga Yosefe yeri eweeneng anecdeac yoac dedzege bic anoc nga Maria yeng ine Yosefegoc feyac mi ammaec Tiri Asuarunac medac kpenanggeec.

Mataio 12:46

Yesungo ngicngac yoac edeyunumanu nonggo munafora yeneng hama ngadeau namma yegoc yoac denegeng anggecdeac degec enec.

Mataio 14:33

Anu gombau tacgec, yeneng Yesu dengerema yofi degec, “Foracngoc, ge Anutuac Medac.”

Mataio 2:2

yofi degec, “Yudangic ngeneac ngictau fingecdac, ye dahai? Neni wenac ere ereau tacma yeac asomeng ereu hemma ye eweheiminideac hadimbe.”

Ruka 2:16

Ifi dema yeni bic kemma Maria nga Yosefe amma sabac oto manau feec, yeni meficyunuma yenenggec.

Ruka 2:38

Kecma naso imohaingoc yenigoc wegenac namma Anutu dengereec. Dengerema ngic Yerusalenggac tembuckekecngina fingerudeac tomai kecdacgec, yeni sabacac siduc dekperagiyemmeec.

Yohane 19:39

Nga Nikodemo, ye warac tofocnac Yesugoc yoacyoac anoc, yeng ic sopea homuna gombunga ebiha 30 kiroacsoc, imoc mehaec. Sopo yereac kpacngira mira nga aloe, imocngo yerec yerecgea.

Yohaneac kpefing 19:10

Ifi deu ye numumibadeac haniau makpeai. Makpeba yeng yofi edenuec, “Ifi mi anna! Ni ge nga tosofocga Yesuac dedekperagi metacdae, ngeneac wanac ogongina. Yesuac dedekperagi imoc profeteyoacac asu. Imocac amma ge Anutu numumina.”

Yohaneac kpefing 5:8

Kibi imoc memanu kekecnginagoc 4 nga ngicenara 24 yeneng yeac kicfu makpegec. Yeni sasawa tembuc tembuc gita kurerenganoc nga sokoc golngo memea metacgec. Sokoc imohacnac hosuc homuna gombunga ereec. Wiac hosuhagoc sokocfu feec, imoc ngicngac kpetiac yeneac nunumungina, imocngo sokocnginau wake wakea feec.