Mataio 19:4 - Deduamiti

⁴ Ifi degec Yesungo meremma yofi edeyunuec, “Fingec fingec minginango hanahema deu ngic nga ngac anecde, ifi meficyuruec. Ngeni imocnoc osonegeng angandae.

Yoak kekehagocac Dzadzahac gboria nga Mitiyegec

⁴ Ifi degec Yesungo meremma yofi edeyunuec, “Fingec fingec minginango hanahema deu ngic nga ngac anecde, ifi meficyuruec. Ngeni imocnoc osonegeng angandae. (Fingec fingec 1:27, 5:2)

Mataio 19:4 ပူးပေါင်းရင်းမြစ်များ

Fingec fingec 1:27

Ifi dema ye ngicngac yengena siric isoc meficyuruec. Ye ngic nga ngac meficyuruu yengena siric anoc.

Fingec fingec 2:18

Ifi edeu wisickeu ye yofi negemma deec, “Ngic ye tembuha kefu naric mi andeac ni memefiha mong meba yeac ogea ambeso.”

Fingec fingec 2:23

Wangecmakenu ngicngo ngac imoc hemma yofi deec, “Yomoc yeac sic imocneac sicnango memea nga fusia imoc neac fusinango memea. Yengicarunac memeaac kpara ngac g kpacbesonga.”

Fingec fingec 5:2

Ye ngic nga ngac meficyuruma kpacngira ngicngac, ifi kpacyuruma kenecyuruec.

Malecaki 2:15

Anu Kebungo ngacgoc meturangnguruu mocgu bic anoc, i. Ye ifi anecac ngeri asu nga sebi mocgu anoc. Amma ngeri yeac nambaracfora kpeficyunuecdeac yeng meturangnguruu mocgu anoc. Imocac asuu garengemema enengga sebigbori kecma menec amma dedeseri denec imoc mi kpebesena.”

Mataio 12:3

Ifi degec Yesungo yofi edeyunuec, “Dawidi nga uamedacfora yeni herenginaac homema faka anggec, ngeni imoc osonegeng mi angandae gedang.

Mataio 21:42

Ifi degec Yesungo yofi deec, “Mitikibiu yoac yofi oho ohoya fede, ‘Amameme ngic yeneng hoc mong mangana dema ukugec. Nga hoc imocngo amaac hoc wotung amma seria nanude nga nambesande. Kebu yengenaoc faka imoc meu imocngo nenang kicfu wiac bibiagoc ande.’ (Myeg 118:22-23) Ngeni kibi imoc osonegeng mi angandae gedang.

Mataio 21:6

Nga medac yeri kemma Yesungo edeyuruec, ifi isoc anoc.

Mataio 22:31

Nga homecfunac yacyac dema Anutungo yofi bic edengunuec,

Mareko 12:10

Mitikibiu yoac yofi oho ohoya fede, ‘Amameme ngic yeneng hoc mong mangana dema ukugec. Nga hoc imocngo amaac hoc wotung amma seria nanude nga nambesande.

Mareko 12:26

Nga homecfunac yacyac deba, ngeni yoac yomoc Moseac kibiu imoc osoandae, Mosengo icfu gerecborang fingeru hemma ihai kenu Anutungo yofi edeec, ‘Ni Abrahang nga Isaka amma Yakobo, yeneac Anutu.’ (Mke 3:2, 6)

Mareko 2:25

Ifi degec Yesungo yofi merengyemmeec, “Dawidi nga uamedacfora yeni yakaac obohoma herenginaac homema faka anggec, ngeni imoc osonegeng mi angandae gedang.

Ruka 10:26

Ifi deu Yesungo yofi meremmiec, “Dedeseriyoacfu yoac oho ohoya fede, ge kibi imohai dafi osonegeng angannec?”

Ruka 6:3

Kpesiyemmegec Yesungo yofi merengyemmeec, “Dawidingo uamedacforagoc herenginaac homema faka anggec, ngeni imoc mi osonegeng angandae gedang.