Mataio 18:6 - Deduamiti

⁶ Nga nambarac kapia yenearunac mong ni negensinnude, ye mongngo ngombonggeu sing segeudeu faka yomocngo yearu ngereebac. Ye yagucnoc dzamandzingtoa ubiau ubahemima kondung keme kemeau ukugec kemebac.

Yoak kekehagocac Dzadzahac gboria nga Mitiyegec

⁶ Nga nambarac kapia yenearunac mong ni negensinnude, ye mongngo ngombonggeu sing segeudeu faka yomocngo yearu ngereebac. Ye yagucnoc dzamandzingtoa ubiau ubahemima kondung keme kemeau ukugec kemebac.

Mataio 18:6 ပူးပေါင်းရင်းမြစ်များ

Mitiyegec 105:15

yofi edeyunukefec, “Ni ngic meisinggema kerecdokungo nadzicyemmeai, ngeneng mi kpesereyunubisia nga profetefocna mangana mong mi ayemmebisia.”

Dzekarya 13:7

Kurumenggac wasaiareng habuya habuya yeneac Kebungo yofi dede, “Wasaibeang ge yacma ramagareng neac hoannu nande, ye ngaba ammima kpena. Kpena rama yeni ticpactohoma worabesandae. Woramagec ni ramamedacfora marinango mefacyunuma ngadeyunubesandua.”

Dzekarya 2:8

Kurumenggac wasaiareng habuya habuya yeneac Kebu yeng bangec damoc yeneng yehudangicngac iwaingina dzikacfu hamangec mema woragec yenearu suenuma yeneac yofi dede, “Mongngo yehudangicngac yunumeme ayemmeudeu ye neac kicgbomena kpede, ifi isoc ande.

Mataio 17:27

Nga yeni neranggac negemmangang mi anggecdeac amma geng ine dzohong tegiau kemma kondungyang memeac hawic mong ukuna. Ukuma kondungyang waraima menade, imocac enara mekpacgema silwadzo mong meficgenade. Meficgema dzo imoc mema neac nga geangga kpacfu takesimemengic yemmebesena.”

Mataio 18:10

Ngeni nambarac kapia, yenearunac mong ubango mi ukubisia. Ni edengunuba negenggec, nambarac yeneac angerofocngina kurumennu kecdae, yeni nasosoc Manna kurumennu kecde, yeac kicmesuya hengkecdae.

Mataio 18:14

Nga Mangngina kurumennu kecde, yeng ifi isocngoc areng kapia yomoc, yenearunac mongngo mi sufuudeac negemma kecde.

Mataio 18:5

Nga mong ye nambarac yenearunac mong yofia neac kpacfu hoanggeude, yeng ni hoannuude.

Mareko 9:42

“Amma nambarac kapia mongngo ni negensinnukecde, ngic mongngo nambarac ifia faka mangana kpoumibacac amma ye yagucnoc dzamandzingtoa ubeau ubahemima kondungtoau ukugec kemeu, imocngo ngic yearu ngereebac.

Aposoro 9:5

ifi deu Saurongo kpesimiec, “Kebu ge merac?” ifi deu deec, “Nukporac anengkecnec, Yesu ninoc.

Roma 14:21

Ge yakagango tosogaac ubea memanganema ammiu makpebacac geng yang me waingdoku segega kecnadeu imocngo ngereeude. Me faka nga angammemega mongngo tosoga ubaebic meficgemibacac fakaga imoc wana ngereeude.