Mataio 17:23 - Deduamiti

²³ Faigec yeneng ye mema kpegec homeude. Homema uameme harebec ammanu homecfunac monggoc gborima yarude.” ifi deu yeni ubaebic kuneng megec.

Yoak kekehagocac Dzadzahac gboria nga Mitiyegec

²³ Faigec yeneng ye mema kpegec homeude. Homema uameme harebec ammanu homecfunac monggoc gborima yarude.” ifi deu yeni ubaebic kuneng megec.

Mataio 17:23 ပူးပေါင်းရင်းမြစ်များ

Mitiyegec 16:10

Geng ubaongana homecamau naric mi wanade. Amma ge enac tofoc tofohongicga kisereu wana mi hoaeude.

Mitiyegec 22:15

Enang dzame dzameaac noboha kerenga fede, ni ifi isoc gbanggema kucna dzikema kpac andac. Nedzarannango kerengaima dumbennau mendanggeu ge homecac sendunnu fainuna feduae.

Danicel 9:26

Anu sonda 62 imoc wisickeu kerecdokungo nadzicmimia ye herecgegecde nga yeac wiac femiec imoc kpac anude. Amma ngictau monggac ngicngacareng yeneng hama taontoa nga kpetiac womong kpembarackema hesisickedacgecde. Anu dzikac fekemmanu wisic wisickea imoc dokutunggbaung haande, ifi isoc hama wiac kpedzamegecde imoc bic deserigec. Yoac imoc seria febesande.

Dzekarya 13:7

Kurumenggac wasaiareng habuya habuya yeneac Kebungo yofi dede, “Wasaibeang ge yacma ramagareng neac hoannu nande, ye ngaba ammima kpena. Kpena rama yeni ticpactohoma worabesandae. Woramagec ni ramamedacfora marinango mefacyunuma ngadeyunubesandua.”

Mataio 16:21

Naso imohai hanahema Yesungo medacfora yofi edeyunuec, “Ni Yerusalennu kemba yudangic enarafocngina nga womonggareng enara amma mitiac negen negengngic yeneng kpendzengtoau fainuma nuhomegecde. Anu uameme harebec ammanu monggoc gborima yacbesare.” Faka imoc fingerudeac deec.

Mataio 17:9

Anu tikiunac mama Yesungo deracyunuma yofi deec, “Ngeni onga hendau, imocac ngic mong mi edeyunubisia. Kecma Ngicac Medacngo homecfunac gborima yaruguc ine edeyunubisia.”

Mataio 20:19

Desima ye bangec monnunac ngic Anutu mi negemmidae, yeneac mariu faigecde. Faigec yeneng deendema ammima dzikacngo kpema sebia kpekperecge amma mariponnu kpegec homeude. Amma uameme harebec kemmanu homecfunac monggoc yarude.”

Mataio 27:63

degec, “Kunennina, ikocngic imocngo gbori kecmangoc, yoac mong deec, neni imoc negensidimbe, imoc edeguni negenna, ‘Ni homema wenac harebec ammanu Anutungo homecfunac megborinuu monggoc yacbade.’

Mareko 8:31

Anu Yesungo yofi edekpou ayemmeec, “Ngicac Medac ye kpendzeng homac kpebeso. Yudangic enarafocngina nga womonggareng enara amma mitiac negen negengngic yeneng ye ubango wama kpegec homebeso. Homeu uameme harebec ammanu monggoc gborima yacbeso.”

Mareko 9:30

Yesu nga medacfora yeni ama imoc wama yofi negemma Gariraia bangec ferecgema kenggec, “Ngicngac yeneng imoc mi negembisia.”

Yohane 16:6

Neng yoac yomoc edengunuduaac ine ngeni ubahodungngo mewakengunuude.

Yohane 2:19

Ifi degec Yesungo meremma yofi edeyunuec, “Ngeni womong yomoc hembarackegec ni uameme harebecfu imoc miacbade.”