Mataio 16:18 - Deduamiti

¹⁸ Neng ifingoc edeguba negenna, ge Petoro, anu hoc yomocac witiau kpebungtoana faibade. Nga imocngo serima nanu homecamaac nagungo naric mi hepatanggeude.

Yoak kekehagocac Dzadzahac gboria nga Mitiyegec

¹⁸ Neng ifingoc edeguba negenna, ge Petoro, anu hoc yomocac witiau kpebungtoana faibade. Nga imocngo serima nanu homec amaac nagungo naric mi hepatanggeude.

Mataio 16:18 ပူးပေါင်းရင်းမြစ်များ

Fingec fingec 22:17

ni kenecguyombonggema bangecfocga homac yombong mesaheyunuba sawau asomeng tackendae nga kondunnu sangi fekende ifi isoc ambesande. Nga bangecfocga yeni ngabafocngina feracyunuma yeneac amabangec mema mingina ambesande.

Mitiyegec 107:18

yaka negecdeac mi ayemmeu yaka sasawa wama homecac naguu heima fegec.

Mitiyegec 127:5

Ngic mong ye medacfora ifia homac kpedzucyunuma meyunukecde, ye kenehagoc. Ngabafora taong naguu yoacfu nangandae, yeng imohai yenigoc nanu yeneng game kpekpeu naric mi faigecde.

Mitiyegec 129:2

“Ni sebigborinaungoc kecbareng ngic yeneng ebic kunennu fainukecma firang mong mi anggec.

Mitiyegec 69:12

Ngicngac yeni taonggac sobennu tacma ni dedzomoc anenggec ngic doku seria neandae, yeni neac kiki kpema yegec heiandae.

Mitiyegec 9:13

O Kebu, ngabafocna yeneng ngadenuma kpendzeng nga ebic nenggec kecduae. Ge neac ubaga manganeu meficnuna. O Kebu, ni homecac naguu febare geng miacnuna monggoc imohacnac erebade.

Yona 2:6

Ni tiki yeneac haninginau yombong kemedua. Kemeba bangec imocac kpaeyango ngadenau bic tacma monggoc dzigec dzigeneac sinna hedzickeu nasoya nasoya ihai kecbesandua. Ammanu geng ni teng keme kemeaunac kekecnagoc menu eredang. O, Kebu neac Anutuna.

Mataio 10:2

Aposoro 12, yeneac kpacngina yofi, Simong kpara mong Petoro nga munea Anderea amma Sebedaioac medachora Yakobo nga munea Yohane.

Mataio 11:23

Nga Kafanaung taong, yeni kurumennu miacgugec ennadeac ifi negengannec, imoc kpac yombong. Yeni homecac amau megu keme kemeac siric annec. Faka kuhagoc gearu fingerec, imocngo Sodong taonnu fingecbac dede Sodong ye naso yofinenggac febacngoc.

Mataio 18:17

Nga ye yoacngina mi negenudeu ngeni ine kemma kpebung edeyunubisia. Edeyunugec yeng kpebung yeneac yoac ifingoc waudeu ine ngic imoc henggec ye ngic Anutu mi negemmidae nga takesimemengic, yeni isoc ambeso.

Mataio 4:18

Yesungo ifi kpouyemmema kemma Gariraia dzohong tegiau kensikema dacmunac yohockang uficngira dzohonnu ukuma nanec yerenec. Imoc Simong, kpara mong Petoro degec nga munea Anderea. Yeri kondungyang memengic kefoc.

Mataio 7:24

Ngic mong ye yoacna yomoc negemma tofohoande, yeng ngic irec ireckea nga ngic amea peperandzi witiau meec, ye isoc.

Yohane 1:42

Ifi dema Simong hesickeu Yesuaru kenec Yesungo ye hemma yofi deec, “Ge Simong Yohaneac medac, geac kpacga Kefa debesonga.” (Imocac titiha hoc amma grikyoacfu Petros.)

Aposoro 2:47

Ifi amma Anutu dengerema kecgec ngicngac habutoango yeneng dzidziema eweheihei ayemmegec. Anu Kebungo wenaha wenaha ngicngac kopocsicfunac mesiyunuu komoc kpegec yengena arennu torokpeyunuec.

Aposoro 20:28

Ngeni ngenang garengemema Anutuac kpebung gombunga garengyunudacbisia. Ye yengena sacngo bummengunuec nga Tiri Asungo kpebung yeneac enarafocngina kecgecdeac meisingngunuecac ngeni ramagareng isoc Kebuac kpebungfora yenenggareng ambisia.

Aposoro 8:1

So, naso imohaingoc Yerusalennu kpebung kecgec, yeni hanahema yunukporac ayemmegec. Ayemmegec ticpac tehema Yudaia nga Samaria bangectoau kendacgec aposoro yeneng ine tacgec.

1 Korinti 15:55

“Homec ge firang monggoc mi annade, waega imoc kpac anec.” (Hos 13:14)

Garata 2:9

Anu kpebunggac ngic wotunga degec, Yakobo nga Kefa amma Yohane, yeni Anutuac danggunuc fenenec, imoc hentegecma yeni ni nga Banaba nerigoc uba mocgu amma marinira mema yofi degec, “Ngeri bangec monnunac ngicngac Anutu mi negemmidae, yenearu siduc gombung dekperagibesera nga neneng ngic sebi tosangina herec herecgea, yenearu siduc gombung dekperaginide.”

Efeso 3:10

Ye negen negentegectoaya imocac hania imoc bicngoc Yesu Kristo Kebunina yearu arenggeu yaguc fora ande. Gareng areng nga areng kuctoanginagoc sawau kecdae, yeni imoc negentegecgecdeac Anutuac kpebungforango imoc dekperagiyemmebisia.

Efeso 5:32

Anu negen negeng sufu sufuya yomoc kpeu keme kemea ande. Imoc Kristo nga kpebungfora ngeneac negemma deduae.

Kolosai 1:18

Ye kpebunggac oruha nga kpebungngo yeac forakebanga. Amma ye warac warac tatacfu tarudeac warainemmema homecfunac yacma fingerec. Fingecma kpebunggac hanac hanahea kecde.

1 Timoteo 3:15

Nga uango dzegenuu bic mi habade isoc kpebunnu yeni sing dafiu kecbisia, imoc negembesena, imocac amma kibi yomoc ohoduae. Kpebung yeni Anutu kekehagoc, yeac ama nga yoac foraac karu amma wotung seria.

1 Timoteo 3:5

Imoc yofiac, ngic mong ye enemmedacfora garengyunuudeac sing mi negendeu yeng Anutuac kpebung garengyunuudeac sing siriha ifingoc mi negenude.

Hebiraio 12:28

Nga eucerereng mong ifi nemmeu mekecdimbe, imoc kpemic kpemindzahenasou naric mong mi manganeude. Imocac amma nenang Anutu ubangerec negemmima yeng negenu ngereeude, sing imohai yeac bageau memaemema eweheimibisina.

Yohaneac kpefing 11:15

Anu angero wisic wisickeango trampeha fifiu kurumennunac enacudumengtoa mong fingecma yofi degec, “Kebunina nga yeac danggunucngic Kristo yeri yaguc bangectoa bangec sasawaac mingina andape. Amma Kebuninango ngictau kecde nga kecengkecma kecbesande.”

Yohaneac kpefing 21:14

Taongtoaac oda imoc hocngo memea nga imocac titiseria 12. Amma titiseria 12 imohai ramamedahaac aposoro 12 yeneac kpacngina oho ohoya nanec.