Mataio 13:3 - Deduamiti

³ Nanggec yeng yoac heima yoac homac edeyunuma yofi deec, “Gbome kpegi kpegingic mongngo gbome kpegiudeac uau kenec.

Yoak kekehagocac Dzadzahac gboria nga Mitiyegec

³ Nanggec yeng yoac heima yoac homac edeyunuma yofi deec, “Gbome kpegi kpegingic mongngo gbome kpegiudeac uau kenec.

Mataio 13:3 ပူးပေါင်းရင်းမြစ်များ

Mitiyegec 49:4

Ngic yeni yoac heima degec ni kedzac kpema imoc negembade. Ni gita kpema udumeng gombunga negemma yoac heiheiac hania deireckebade.

Mitiyegec 78:2

Ni yoac heima deba, imoc enacnaunac maudeac ande nga wiac warac kundunnu sufu sufuya feec nga wiac ngade fingecbesande, imocac yoac debade.

Mika 2:4

Anu naso imohai ngicngac yeneng songgong yegecfu de-denggbaringgac yegec yofi heingemmegec: ‘Neni manganedacdimbe; Kebungo ngicngacfocna kekecnina sasawa imoc mema areng goa yemmede. Ye wiac sasawa nearunac meickedacde! Amma ye heikpenec sobennina mema benukererengic yemmeu tigec ende.’ ”

Mataio 13:4

Kemma gbome kpegiu gbome goango mama sinnu heiu neng yeneng hama nedacgec.

Mataio 13:53

Yesungo yoac heima imoc dedacma amabangec imoc wama

Mataio 22:1

Yesungo yoac mong heima torokpema yofi edeyunuec,

Mataio 24:32

Fig icngo haniaya edekpou angemmeu ngeni imoc negembisia. Fawa firitickema besaiu ngicngac yofi negengandae, wenac naso ande.

Mareko 12:1

Yesungo monggoc yoac heima yofi edeyunuec, “Ngic mongngo waing ua gboria mong homecma oda dzegeec. Dzegema waing tidzoc tidzohoac teng usuma gareng yeneac kicfifiac amaherec meec. Meu wisickeu waing ua garenggegecdeac ngic meficyunuma yenigoc yoac dedzege anggec nga yengenaoc ine bangec hereau kenec.

Mareko 12:12

Nga Yesungo enara yeneac negemma yoac imoc heima deec, yeni imoc bic negenggec. Nga yeneng ye mendanggegecdeac sing ine hofocgec. Nocac yeni ngicngac yeneac kengecyunuu wama kenggec.

Mareko 3:23

Ifi degec Yesungo kpacyunuma yoac heima yofi edeyunuec, “Satang yengenaocngoc dafi kporacemeude?

Mareko 4:13

Anu Yesungo yofi edeyunuec, “Ni yoac heima deduae, ngeni imocac hania mi negendaeu yoac heiheiac hania goa monggoc deba imoc ifingoc dafi negentegecgecde.

Mareko 4:33

Yesungo yoac heima yoac ifia homac dema ngicngac negen negengnginaac sirihau Kebuac yoac edeyunuec.

Ruka 12:41

Anu Petorongo deec, “Kebu, ge yoac heima dedammoc, imoc neneac me ngicngac sasawa yeneac denec?”

Ruka 8:10

yofi merengyemmeec, “Anutuac eucererenggac negen negeng sufu sufuya, imoc ngeneng negentegecgecdeac bic ngemmengemmea. Amma goa yeni kicngina fikecma mi henggecde nga kedzacnginango negengkecma naric mi negentegecgecde, imocac yoac heiheiausing yoac sasawa yemmeyemmea.”

Yohane 16:25

Ni yoac heima yoac edengunukefai. Kecma nasoya hau ni yoac heima ngenearu monggoc mi debade, kpac. Ni didiu yombong Manggacac wiac dekperagibade.