Mataio 10:8 - Deduamiti

⁸ Ifi dekperagiyemmemma ngicngac hafeigoc mengereyunuma homemea megboriyunubisia nga kukuserigoc sebingina ngereeudeac mengereyunuma hadehade nga yafing kporacyunubisia. Ni kuc imoc ubangerecac nga buma kpac ngemmedua, imocac amma ngeni ubangerecac nga buma kpac memefic imoc yemmebisia.

Yoak kekehagocac Dzadzahac gboria nga Mitiyegec

⁸ Ifi dekperagiyemmemma ngicngac hafeigoc mengereyunuma homemea megboriyunubisia nga kukuserigoc sebingina ngereeudeac mengereyunuma hadehade nga yafing kporacyunubisia. Ni kuc imoc ubangerecac nga buma kpac ngemmedua, imocac amma ngeni ubangerecac nga buma kpac memefic imoc yemmebisia.

Mataio 10:8 ပူးပေါင်းရင်းမြစ်များ

Bangec kisiu 18:7

Amma ge nga medacfocga ngenengsac ine womonggareng uangina mema aratau nga kporucamaac mana kpetiac kporuc manau fede, imocac ua sasawa mema kecbisia. Womonggarenggac ua imoc sese isoc ngeni ngemmeduae. Anu ngic mongngo ua imoc mi meudeac dedea, yeng dederecgeyoacna ferahema ua imoc meudeac haudeu ye homecfu faibeso.”

Mataio 10:1

Yesungo medacfora 12 kpacyunuu hagec ngicngac yenearunac asu seuhagoc kporacyemmegecdeac uayoac yemmeec nga hafei hania hania amma ngicngac kucmamanginagoc sasawa mengereyunugecdeac uayoac kuhagoc yemmeec.

Mataio 10:7

Ngeni kemma yofi dekperagiyemmebisia, kurumenggac eucerereng imoc bic mewegenengunude.

Mataio 10:9

Ngeni dzo gol nga silwa nga kopango memea, imoc mi meficgebisia nga wiac ifia fadeng nabehau mi faima mekecbisia.

Mareko 16:18

Ngeni boidzoc maringo megecde nga doku hodungagoc ngic memanganeyunuande, ngeni imoc negecdeu, imocngo mi memanganengunuude. Nga ngeni ngicngac hafeigoc yenearu mari faigec, yeni ngereegecde.”

Ruka 10:9

Ngeni taong imohai ngicngac hafeinginagoc mengereyunuma yofi edeyunubisia, ‘Anutuac eucererengngo ngenearu bic mewegenengunuma hama fede.’

Aposoro 3:6

Yeremmanu Petorongo yofi edeec, “Ni hiedzona kpac nga wiac mocgu fenende, imoc ine gemba mena! Yesu Kristo Nadzaretenac, yeac kpacfu yacma kenna.”

Aposoro 4:30

Demina mariga sinena sebiu ngerec ngeree nga negensinggegecdeac faka kuhagoc nga faka mi hehena kpetiac enac tofoc tofohoga Yesu, yeac kpacfu fingeckembeso.”