Mataio 10:2 - Deduamiti

² Aposoro 12, yeneac kpacngina yofi, Simong kpara mong Petoro nga munea Anderea amma Sebedaioac medachora Yakobo nga munea Yohane.

Yoak kekehagocac Dzadzahac gboria nga Mitiyegec

² Aposoro 12, yeneac kpacngina yofi, Simong kpara mong Petoro nga munea Anderea amma Sebedaioac medahora Yakobo nga munea Yohane.

Mataio 10:2 ပူးပေါင်းရင်းမြစ်များ

Mataio 17:1

Uameme 6 wisickemanu Yesungo Petoro nga Yakobo amma munea Yohane hesicyunuu tikitoa herea monnu emma tembucngina kecgec.

Mataio 20:20

Anu Dzebedaioac medachora nonggongirango meyuruu Yesuaru hagec. Hama Yesu fafoc heimima deec, “Ni wiac monggac naric kpesigembai me?”

Mataio 26:37

Ifi dema Petoro nga Dzebedaio medachora meyunuu kenggec. Kemma Yesungo ubaebictoa yombong memanu dzonoma fedeu

Mataio 4:18

Yesungo ifi kpouyemmema kemma Gariraia dzohong tegiau kensikema dacmunac yohockang uficngira dzohonnu ukuma nanec yerenec. Imoc Simong, kpara mong Petoro degec nga munea Anderea. Yeri kondungyang memengic kefoc.

Mataio 4:21

Anu imohacnac kemma monggoc dacmunac yohockang, Dzebedaioac medachora, Yohane nga munea Yakobo yerenec. Yerenu yeri mangngira Dzebedaiogoc gombau uficngina memengere amma kecmagec kpacyuruec.

Mareko 1:29

Anu yeni kpekpeturang amaunac mama Yakobo nga Yohane yerigoc Simong nga Anderea yereac amau kenggec.

Mareko 13:3

Yesungo Oliwatikiu Anutuac womong kiwa dindingacfu tacmanu Petoro nga Yakobo amma Yohane nga Anderea, yeneng yegoc tembucfu kecma kpesimigec,

Mareko 6:30

Aposoro yeni monggoc Yesuaru kpeturangge hama wiac sasawa anggec megec nga edekpou ayemmegec, imocac siduc ammigec.

Ruka 11:49

Ngeneac amma Anutuac negen negentegecngo bicngoc yofi deec, ‘Ni profete nga aposoro yenearu sueyunuba yeneng goa yunuhomegecde nga goa yunukporac ayemmegecde.’

Ruka 22:14

Anu yakanene naso hau Yesungo medacfora yenigoc yaka nebeso tacma

Ruka 22:8

Yesungo Petoro nga Yohane yofi dema sueyuruec, “Nenang makekenggac ramamedaha nenideac ngeri kemma wiac mengereec.”

Ruka 5:10

Nga Sebedaioac medachora, Yakobo nga Yohane, yeri Simonggoc kondungyang mema kecma ifingoc imoc hemma negenec wiac engena yombong anec. Nga Yesungo Simong edeec, “Ge mi kengecguu. Ge kondungyang meme nga yaguc ngicmeme annade.”

Ruka 9:10

Anu aposoro yeni dzigenema ua megec, imocac siduc Yesu ammidacgec. Ammigec yeng meyunuma meickema tembuha tacbesonga taong mong kpara Betsaida, imohaigeng kenggec.

Yohane 12:22

Ifi degec Firipongo hama Anderea edeu yerahafoc kemma Yesu edeoc.

Yohane 13:23

Nga medacfora yeneac botucfunac songomedaha yeng Yesuac hoannu tarec.

Yohane 20:2

Ifi hemma monggoc nedzikemma Simong Petoro nga medac mong, Yesuac songomedaha, yeri edeyuruec, “Yeni Kebu kicsereunac meickema dahaigeng faidau, imoc mi negendimbe.”

Yohane 21:2

Simong Petoro nga Toma Tombosonga dekecgec amma Natanae Gariraia bangecfu Kanang taonnunac nga Dzebedaioac medachora amma Yesuac medacfora yenearunac ngic yohockang, yeni yenahafoc tacgec.

Yohane 21:20

Yesungo ifi deu, Petorongo dzigenema Yesuac songomedaha henu yeng yeri modacyuruec. Ngic modacyuruec, yeng warac yaka negec, naso imohai Yesuac mondacfu heima merang doc meudeac kpesimiec.

Yohane 21:24

Medaha imoc ninoc. Ni wiac yomocac hepuc amma dekperagima ohoai. Nga yoacna imoc fora, imoc negendimbe.

Yohane 6:67

Kenggec Yesungo medacfora 12 yofi kpesiyemmeec, “Ngeni ifingoc wanuma kembeso angemmede me?”

Yohane 6:70

Ifi deu Yesungo yofi deec, “Neng medac 12 meisingngunuai nga ngenearunac ine mongngo hadehade ande.”

Yohane 6:71

Ye yoac imoc Simong, Karioto taonnunac yeac medaha Yudaac negemma deec. Ngic imocngo medac 12 yenearunac amma yeng Yesu doc meudeac anec.

Yohane 6:8

Ifi deu medacfora yeneac botucfunac Anderea, Simong Petoroac muneango deec,

Aposoro 1:13

Yerusalennu kemma ama tacyac angkecgec, imohai emma tacgec. Tacgec, yeneac kpac yofi: Petoro nga Yohane amma Yakobo, Anderea nga Firipo amma Toma, Batoromaio nga Mataio amma Yakobo Arifaioac medac, Simong Dzerote nga Yuda Yakoboac medac.

Aposoro 1:26

Ifi dema numuma meisinggeudeac kpeing kpegec Matia heficgeu aposoro 11 yenearu torokpegec.

Aposoro 12:2

Amma yeng deu Yohane dara Yakobo wasaibeangngo kpehomegec.

Aposoro 3:1

Wenac monnu 3 kiroc marai nunumunaso anu Petoro nga Yohane yeri Anutuac womonnu enoc.

1 Korinti 15:7

Ye imocac ngadeau Yakobo fingecmima aposoro sasawa fingecyemmeec.

Efeso 4:11

Amma yennoc ua yofi denemmeec, goa aposoro nga goa profete amma goa siduc gombung dedekperagi areng nga goa kpebung yeneac gareng amma goa miti kpoukpou, ifi denemmeec.

Hebiraio 3:1

Kpetiac tosofocna, kurumenggac kpakpacngo ngenearu ifingoc haec. Imocac ngeni negen negengngina Yesuaru faibisia. Yenoc aposoro nga womonggarengtoanina nga nenang yeac kpara deficgekecdimbe.

1 Petoro 1:1

Ni Petoro, Yesu Kristoac aposorongo meisingfora Ponto nga Garatia amma Kapadokia nga Asia amma Bitinia bangectoau israengicngac singsararang kpema kuric kecdae, ngeneac kibi yomoc ohoduae.

2 Petoro 1:1

Ni Simong Petoro, Yesu Kristoac wanacngic nga aposorongo kibi yomoc ohoduae. Nenang Anutu nga memengerecnina Yesu Kristo, yeri dindingac, imocac amma ngeni nigoc negen negensinggac nadunga mocgu meficgenemmeoc. Imoc wiac engena yombong. Kibi yomoc ngenearu kende.

2 Yohane 1:1

Nenggac meising isingguya, ge nga nambaracfocga ngenearu yadanginango kibi yomoc ohongemmeduae. Ni yoac foraac amma ngeneac heresongo negenduae. Nga nisac kpac, ngicngac sasawa yoac fora negendae, yeneng ifingoc heregoc ngeneac songo negendae.

3 Yohane 1:1

Gaio songo tosona, ni yadanginango yoac forau geac songo negemma kibi yomoc ohogenduae.

Yohaneac kpefing 1:1

Yoac yomoc Yesu Kristoac memekperagi. Yeac wanacngicngacfora yeni wiac bic fingerudeac edzacyunubeso imoc Anutungo Yesu miec. Amma angeroya mong sueu yearusing yoara dekperagima wanacngiha ni Yohane, yoac imoc edenuec.

Yohaneac kpefing 1:9

Ni Yohanengo Anutuac yoacac nga Yesuac dedekperagiac amma Patmos nucfu kefai. Ngeneac dacngina, ngeni nga ni nenahafoc Yesugoc kpeketahema kpendzeng nga eucerereng mekecma modzotitia kpac seria kecdimbe.

Yohaneac kpefing 18:20

Anutungo ngeneac turunga yeac witiu faiecac amma kurumeng nga kpetiac areng kecdae nga aposoro amma profete, ngeni yeac amma sogaibisia.”

Yohaneac kpefing 22:8

Ni Yohanengo wiac yomoc hennegeng anai. Nga hemba wisickeu angerongo wiac edzacnuec, yeac haniau numumibadeac makpeba