Mataio 10:16 - Deduamiti

¹⁶ Negendae, rama yeneng katekasi yeneac botucfu kecdae, ni siriha imocacsoc suengunuduae. Imocac ngeni boidzoc isoc negen negentegecnginagoc kecbisia nga kebesac neng, yeni isoc manganangina kpac kecbisia.

Yoak kekehagocac Dzadzahac gboria nga Mitiyegec

¹⁶ Negendae, rama yeneng katekasi yeneac botucfu kecdae, ni siriha imocacsoc suengunuduae. Imocac ngeni boidzoc isoc negen negentegecnginagoc kecbisia nga kebesac neng, yeni isoc manganangina kpac kecbisia.

Mataio 10:16 ပူးပေါင်းရင်းမြစ်များ

Fingec fingec 3:1

Kebu Anutungo bangecac yang sasawa meficyunuec imoc yeneac botucfu boidzocngo negen negentegec ikoha amma faka manganau feracyunudarec. Anu yeng ngac yofi dema kpesimiec, “Ngeri uau ic sasawa nandacdae imocac fora mi nedarecde, Anutungo foracngoc ifi deec me?”

Fingec fingec 3:13

Ifi deu ngac yofi dema kpesimiec, “Ge noc faka andang?” Deu deec, “Boidzocngo ikoc anenu ic gbomea kpaeyagoc imoc nedua.”

Nehemia 4:13

Ifi anggec neng ngicngac arengnginasoc hendzicyunuma wasaibeang, tebe nga sangara yemmema, oda mi medzic medzickea imohai gareng nanggecdeac faiyunudarai.

Mataio 24:25

Negenggec, ni faka imoc fingerudeac bic edengunuba negendae.

Mataio 24:45

Wanacngic mongngo negen negentegehagoc kefec. Nga minginango ye wanacngic ogofora yeneac gareng amma yakangina nasoyau modacma yemmeudeac demiec.

Mataio 25:2

Yenearunac naroang 5 yeni mi irec ireckea nga 5 yeni negen negengnginagoc.

Mataio 25:4

Nga negen negengnginagoc, yeneng kifangina mema dokungina kirunnu kisima megec.

Mataio 25:9

Ifi degec naroang negen negenggoc, yeneng merengyemmema yofi edeyunugec, ‘Doku yomocngo nenanggacsoc kpac. Imocac ngeni ine kifadokuya faiandae, yenearu kemma bummegec.’

Ruka 10:3

Negenggec, ramamedahango katekasi yeneac botucfu kecdae, siriha imocacsoc suengunuba kembisia.

Aposoro 20:29

Ni yofi negenduae: Ni wangunuba katekasi enaragocngo ngenearu hama rama memanganengunubeso anggecde.

1 Korinti 14:20

Negen negensinggoc tosofocna, ngeni negen negentegecnginau nambarac isoc mi kecbisia. Ngeni angammeme manganau ine sabac isoc kecbisia nga negen negentegecnginau yada kecbisia.

2 Korinti 1:12

Ngicngac yeneac kicfu nga ngeneac kicfu amma Anutuac kicfu angammemenina gombunga nga kpetiac amma kongaha kecdimbe. Amma here negen negennina kpetiac bangec yomohai ifi kecma negenni engena angkecde. Nga uba eseaac negen negeng modacma botucnginau mi kecandimbe, kpac. Anutuac danggunucngo sing edzacnunuu kpetiac kekec kpetofohoma kecandimbe.

2 Korinti 11:14

Faka ifi anggecac ngeni mi kpidohobisia. Satang ye ifingoc yengena siriha heimerenu kperagiac angero, ifi isoc angande.

2 Korinti 11:3

Ngeneng Kristo hoanggema kongaha kecma heregoc yeac songo negendae. Nga boidzocngo Ewa ikoc ammima tobanggeec, ngic mongngo ifi isoc kekecngina kongaha nga Kristoac songo negendae imoc wangecngunubacac kengecnude.

2 Korinti 8:20

Nga hiedzo imoc dafi garenggekecdimbe, ngic mongngo imocac ngadeyoac debacac neni nenahafoc mekennideac songonina ande.

Firipi 2:15

Ifi amma ngeni, ngicngac mangac manganea nga sing sege segea kecdae, yeneac botucfu Anutuac nambarac amma kopocsicngina kpac kecma kpetiac nga kongaha nanggecde. Namma Anutuac yoac kekehagoc mekecma asomeng isoc bangectoa bangecfu mekperagiyemmegecde.

Kolosai 1:9

Anu hanahema ngeneac siduc negening, imohacnac ngeneac amma tatahoc numuma kpesi kpesi yofi kpesikecdimbe, Anutungo wiac negenu ngereede, negen negeng imocngo mewakengunuu Asu yengenaoc negen negeng gombunga nga negen negentegec ngemmebeso.

Kolosai 4:5

Ngeni ngicngac ngadeau kecdae, yeneac botucfu negen negentegecgoc kecma Kebuac sing edzacyunugecdeac nasongina mi ukubisia.

1 Tesaronike 2:10

Negen negensinggoc tosofocna, neni kpetiac nga dindingac amma kopocsiha kpac faka ifia mema ngenigoc kefing, ngeni imoc hemma negemmagec Anutungo ifingoc hepuc anemmeec.

1 Tesaronike 5:22

Amma ngeni mangana hania hania imoc hengkpatebisia.