Mareko 4:31 - Deduamiti

^31-32 Anutuac eucerereng imoc mastet gbomea isoc. Mastet gbomea imoc gbome sasawa yeneac kapiangina. Nga imoc bangecfu faini erema yadima semeng uaac mondzang feracyunuma fawa kuneng angande. Nga sawau neng yeneng imocac nokumucfu hama faec heima tacgecde.”

Yoak kekehagocac Dzadzahac gboria nga Mitiyegec

^31-32 Anutuac eucerereng imoc mastet gbomea isoc. Mastet gbomea imoc gbome sasawa yeneac kapiangina. Nga imoc bangecfu faini erema yadima semeng uaac mondzang feracyunuma fawa kuneng angande. Nga sawau neng yeneng imocac nokumucfu hama faec heima tacgecde.”

Mareko 4:31 ပူးပေါင်းရင်းမြစ်များ

Dzekarya 12:8

Kecma Kebungo nasoya debesande, naso ihai ye ngicngac Yerusalaim taontoau kecdae, yeni kaso kpeyunuu komoc kpebesandae. Anu yeni kucmama kecdae, naso imohai yeneng kucnginagoc Dawid isoc ambesandae amma Dawidac kisic yeni Anutu isoc anggecde. Amma Kebuac angerongo yehudangicngac waraiyemmec, ye isoc yombong amma waraiyemmebesandae.

Dzekarya 2:11

Naso imohai bangec homacngo kebuaru hama ngicngacforakecbesandae. Anu yeng botucnginau kecbesande. Naso imohai Kurumenggac wasaiareng habuya habuya yeneac Kebu yengenaocni suenuec imoc hentegecbesandae.

Malecaki 1:11

Ni kurumenggac wasaiareng habuya habuya yeneac Kebungo yoac yofi deduae, ‘Bangec sasawa wenac ere ereaunac kengkecma wenac keme kemeau kpac kunennango sokodacbesande nga amea amea yeneng hosuc homung gombung heinemma kpetiac sesena faigec kpac kunennango yadima kendacbeso.

Mareko 4:30

Yesungo monggoc yofi deec, “Nenang Anutuac eucererenggac siriha yofi heima deni naric anude.

Ruka 17:6

Ifi degec Kebungo yofi merengyemmeec, “Negen negensingngina kapia mastet gbomea isoc fengemmeudeu ngeni fig ic yomoc ye yengenaoc godeagoc fukema kondunnu kemema nanudeac edegec ye enacngina tofohoma naric kemema nanude.”

Aposoro 19:20

Nga yeni ifi anggec Kebuac yoacsiducngo kucgoc fingectegecma noboc noboc sokoma kenec.

Aposoro 2:41

Anu wenac ihai ngicngac 3 tauseng yeni Petoroac yoac negensinggema doku nadzicma Yesuac habuu torokpegec.

Aposoro 21:20

Paurongo yoacsiduc ayemmeu Anutu afehegec wisickeu Pauro yofi edegec, “Tosonina, ge yudangic tauseng dafiguc ferahema habunoc efeango Yesu negensinggema kecdae. Nga yeni sasawango Moseac dedeseriyoac seria mekecandae.

Aposoro 4:4

Anu habutoango Petoro yoac deu negenggec, yenearunac homacngo imoc negensinggema Yesuac habuu torokpegec. Anu ngicngac imoc kpetengina 5 tauseng anec.

Aposoro 5:14

Ifi anggecac ngicngac homac yeni Kebu negensinggema yenearu kentorokpe anggec Yesuac habu yadiec.

Yohaneac kpefing 11:15

Anu angero wisic wisickeango trampeha fifiu kurumennunac enacudumengtoa mong fingecma yofi degec, “Kebunina nga yeac danggunucngic Kristo yeri yaguc bangectoa bangec sasawaac mingina andape. Amma Kebuninango ngictau kecde nga kecengkecma kecbesande.”