Mareko 3:2 - Deduamiti

² Nga ngic goa yeni Yesu yoacfu faigecdeac negensigec amma ngic imoc sabata nasou mengereude me kpac, imocac hembikecgec.

Yoak kekehagocac Dzadzahac gboria nga Mitiyegec

² Nga ngic goa yeni Yesu yoacfu faigecdeac negensigec amma ngic imoc sabata nasou mengereude me kpac, imocac hembikecgec.

Mareko 3:2 ပူးပေါင်းရင်းမြစ်များ

Mitiyegec 37:32

Ngic Anutu ngadehema mangana megecdeac ayemmeande, yeni ngic dindingac yeneac kicfifi kecma kpebucyunubeso anggec

Danicel 6:4

Anu Danicel ye eucererenggac ua mekecfu eucererenggac ngickuneng tosea nga satrap yeni yofi negemma yeac uaya piti hennegeng angkecma degec, “Ye uaya gombunga mi meudeu ye yoacfu fainide.” Anu ye yoac modac modacngic yombong amma uaya mong mi memanganeec nga yeac uaac mongngo modzotitiyoac mong mi degecac ngic yeni yoacfu faigecdeac hania obohogec.

Mataio 12:10

Enu ngic mong maria mong homemeango ihaingoc tarec. Taru ngic yeni Yesungo dafi deu negemma yoacfu faigecdeac kpesimigec, “Sabata nasou ngic mengec mengere ua naric mebesonga me kpac?”

Mareko 3:3

Hembikecgec Yesungo ngic marimangang yofi edeec, “Ge yacma botucninau nanna.”

Ruka 14:1

Yesungo sabata naso monnu farisaio yeneac enarameme monggac amau yaka neudeac enu farisaio yeneng yeac haifaka hennegeng amma tacgec.

Ruka 20:20

Anu yeni Yesu hembima ngicfocngina sueyunugec, yeneng yoara negendimbe siric yearu kenggec. Kemma noc yoac dafi deu negemma ine provinsiac desi desingic yeac mariu faigecdeac negenggec.

Ruka 6:7

Nga Yesungo sabata nasou hafeigoc memengerecua mong meu yeni haniaya mong meficgema yoacfu faigecdeac miti negen negengngic nga farisaio, yeni garemmema nanggec.

Yohane 8:6

Yeni Yesungo yoac mong dafi deu negemma yoacfu faini dema faitobang ammigec. Ifi ammigec Yesungo ngonducnema gbongango bangecfu kibi ohoec.

Yohane 9:16

Ifi deu farisaio goango degec, “Ngic imoc ye sabata tatacninaac sing mi modacde, imocac ye Anutuarunac kpac.” Ifi degec goango degec, “Ngic kopocsihagocngo dafi faka kuhagoc ifia mebac?” Ifi dema yenaocngoc tohogec.