Mareko 1:24 - Deduamiti

²⁴ “Yesu Nadzarete mingina, neneac wiac imoc geac mi ande. Ge memanganenununadeac hanec me? Ni gensiduaenoc, ge Anutuac kpetiac ngic.”

Yoak kekehagocac Dzadzahac gboria nga Mitiyegec

²⁴ “Yesu Nadzarete mingina, neneac wiac imoc geac mi ande. Ge memanganenununadeac hanec me? Ni gensiduaenoc, ge Anutuac kpetiac ngic.”

Mareko 1:24 ပူးပေါင်းရင်းမြစ်များ

Mitiyegec 16:10

Geng ubaongana homecamau naric mi wanade. Amma ge enac tofoc tofohongicga kisereu wana mi hoaeude.

Makekeng 14:12

Neni edi Aigitabangecfu yofinoc edeguing, ‘Ge meickena. Neni aigitangicngac yeneac wanacngic kecma uangina naric mekecdimbe.’ Neni yeneac wanacngic kecma uangina mema kecbing debac imocngo efaibac. Neni bangec kisi yomohai homenide.”

Danicel 9:24

Yoac yofi deserigec, geac taongga kpetiac nga ngicngacarengga yeneac ebicngina imoc sonda sewenti anu wisickeude. Imohai sing feraheandae imocac faka kpac ambeso nga kopocsicngina kpae faima kopocsicac ngaba meickebesandae. Amma dindingac kekec feengkefude imoc mehabesandae nga kpefinnu onga nga profeteyoac foraya fingecbeso amma kpetiac yeneac Kpetiac yombong kerecdoku nadzicmibesandae.

Mataio 2:23

Kemma taong mong kpara Nadzarete, ihai emma kecgec. Profete yeneng yoac yofi degec, “Ye nadzaretengic, ifi degecde.” imoc fora anudeac ifi fingerec.

Mataio 8:29

Nga yeri ihai namma kpacma deoc, “Anutuac Medac, neneac wiac imoc geac mi ande. Nasonina mi hamanu ge kpendzeng monnu mi fainunubesena.”

Mareko 1:23

Anu naso imohaingoc kpekpeturang amau ngic mong asu seuhagocngo tacma arohoec.

Mareko 1:25

Ifi deu Yesungo asu seuhagoc ngaba ammima yofi edeec, “Ge waickema ngicfunac erema kenna!”

Mareko 10:47

Derecgekefu Yesu Nadzarete taonnunac, yeng hama kende, yeni yoac ifi degec ye imoc negemma kucgoc kpacma deec, “Yesu, Dawidiac bangec, ge neacnec ubaga manganeu.”

Mareko 14:67

Hama henu Petoro ye gerec dzeunegemma taru kiwa yearu fima deec, “Ge ifingoc Yesu Nadzaretenac, yegoc kefoc.”

Mareko 16:6

Ifi anggec yeng yofi edeyunuec, “Ngeni mi kengecngunuu. Yesu Nadzaretenac mariponnu kpegecmoc, ngeni ye hembeso hadae nga ye bic gborima yacdac, yei mi fede. Faigec fedac, fefea imoc henggec.

Mareko 5:7

Makpema seriangoc arohoma deec, “Yesu Anutu engenatoaac Medac, neac wiac imoc geac mi ande. Ni Anutuac kicfu edeguduae, ge kpendzennu mi fainuna.”

Ruka 1:35

Ifi kpesimiu yofi deec, “Tiri Asungo gearu mau Engenatoaac kucngo geac nokumuc amma kperacguude. Imocac amma sabacga kpetiac fingerude, yeac kpara Anutuac Medac degecde.

Ruka 24:19

Ifi deu yeng deec, “Noc faka fingecdac?” Ifi deu yereng edeoc, “Yesu Nadzaretenac yearu faka fingerec. Ye profete mong amma Anutu nga ngic yeneac kicfu yoac deec nga faka sasawa meec, imoc kuhagoc yombong anec.

Ruka 4:34

“Ah, Yesu Nadzaretenac, neneac wiac imoc geac mi ande. Ge memanganenununadeac hanec me? Gensiduaenoc, ge Anutuac kpetiac ngic.”

Ruka 8:28

Ngic imocngo Yesu hemma seriangoc arohoma Yesuac hoannu makpema yofi kparec, “Yesu Anutu engenatoaac Medac, neac wiac imoc geac mi ande. Ni desambic anggenduae, ge kpendzennu mi fainubesena.”

Ruka 8:37

Ayemmegec gerasenengic yeneac amabangec, imocac ngicngac sasawango kengec homac yunuecac amma Yesungo wayunuudeac edegec. Edegec Yesungo dzigenema kenudeac gombau enec.

Yohane 6:69

Neni bic negentegecma negensinggudimbe, genoc Anutuac Kpetiacngic.”

Aposoro 2:27

Geng ubaongana homecamau naric mi wanade. Amma ge kpetiac ngicga kisereu wana mi hoaeude.

Aposoro 24:5

Ngic yomocac faka yofi hening, ye deendema anemmekecde, imoc yudangic bangecsoc kecdae, yeni sasawango ngaba sicsauc meficgeyemmeande amma Nadzarete mitiareng yeneac enaranoc kecde.

Aposoro 3:14

Yenoc ngic kpetiac nga faka dindingac mekecde nga ngeneng ine ye wagec. Amma godzungicngo ngic mong kpeu homeec, ngeni yenoc yungecngemmeudeac serima dema

Aposoro 4:27

Geac enac tofoc tofohoga kpetiac, imoc Yesu Kristo nga geng ye kerecdokungo nadzicminec. Nga taong yomohainoc Herode nga Pontio Pirato, yereng bangec monnunac ngic Anutu mi negemmidae, yeneng Isracel ngicngac yenigoc kpeturanggema ye keracmangang ammigec.

Yakobo 2:19

Amma Anutu ye mocgusac kecde, imoc bic negensinggenec, imoc gombunga. Nga asu mangana yeni ifingoc imoc negensinggema kengec amma dzonongngina fedekecdengoc.

1 Yohane 2:20

Kpetiac minginango Asuac dzimbongngo nadzicngemmeu ngeni sasawango yoac fora negendacdae.

Yohaneac kpefing 3:7

“Ge Firadefia kpebung yeneac angeroaru kibi yomoc ohoma faina kenu.” “Kpetiac kekec nga faka foraac mingina, yeng Dawidiac ki metacde. Ye nagu witiu ngic mongngo naric mi heiude nga nagu heiu mongngo naric mi witiude. Nga yeng ngeneac yofi dede,