Malecaki 4:6 - Deduamiti

⁶ Amma bangec yomoc soweckebaiac mangfocngina yeni ubamereng amma nambaracfocngina hoangyunugecdeac amma nambaracfocngina yeni ifingoc ubamereng amma mangfocngina hoangyunugecdeac Eliyango ua imoc mebesande.”

Malecaki 4:6 ပူးပေါင်းရင်းမြစ်များ

Danicel 9:11

Isracel sasawa neni geac singyoac ferahema imoc wama monnu kening. Neni geac ubaudumenggac kedzac mi kpema kopocsic meficgeinggac amma enactofoc tofohongicga Mosengo sowecyoac deserima dedeseri kibiu ohoec, imocngo witininau hetinggegec enec.

Dzekarya 11:6

Kebungo yofi dede, “Ni bangec yomocac mingina yeneac ubamangang monggoc mi ambade. Negenggec, ni ngeneac tosofocngina nga ngictaufocngina yeneac mariu enggecdeac faingunubade, faingunuba yeneng amabangecngina memanganemagec yeneac mariunac mi mesingunubade.”

Dzekarya 13:8

Kebungo yofi dede, “Bangec yomocac witiau guruamasoc ngicngac kpetengina kpadzi yohockanggacsoc kecdae imoc meicyunuba kpac ambesandae. Kpadzi mocguac ngicngac yenengsac kecbesandae.

Dzekarya 14:12

Anu ngiha ngiha Yerusalaim imohai dzikac kpegecdeac hagecde yeni Kebungo ebic yofi yemmebesande. Yeni gbori nammagecngoc fusingina hoaebesande amma kicngina tatahaungoc tacma hoaebesande nga nedzarangngina fefeaungoc fema hoaebesande.

Dzekarya 14:2

Ni, bangeha bangeha Yerusalaim taontoau hama dzikac kpegecdeac heitaiyunubesandua. Heitaiyunuba yeni hama taongngina oronggema mema amangina manau emma iwaingina sicsauc mema ngacfocngina kaiserofaka ayemmema memanganeyunubesandae. Nga Yerusalaimgac mingina areng noboha meyunuma kemma bangec monnu faiyunubesandae. Nga areng noboha yeni wayunugec amabangecnginaungoc kecbesandae.

Dzekarya 5:3

Ifi deba yofi edenuec, “Sowecyoac kibi yomocac manau oho ohoya fede, sowecyoac imoc bangeha bangeha kendarudeacnoc dede. Kibi nobohau yoac yofi fede, ‘Seng hamangec angkecdae, yeni Kebungo bangec yomohacnac meicyunuma ukuyunuu kendacgecde.’ Amma kibi imocac nobohau yoac yofi fede, ‘Ikocyoacngina yoacfu meseriandae, yeni ifingoc Kebungo bangec yomohacnac meicyunuma ukuyunuu kendacgecde.’ ”

Mataio 22:7

Ifi anggec ngictau ye imoc negemma herebu amma wasaifora sueyunuu kemma ngickpekpengic imoc yunuma taongngina faigec dzeec.

Mareko 11:21

Nanu Petorongo imoc hemma negensima Yesu edeec, “Kpoukpou ge henna, ge fig ic soweckedang, imoc bic ururuema nande.”

Ruka 1:76

Anu sabacna gennoc waraima Kebuac sing mengerema singa heitumeinadeac amma Engenatoa yeac profete, ifinoc kpacgugecde.

Hebiraio 6:8

Nga bangec mong medzac medzameango ine witic waeagoc nga tebanghaseng meficgeudeu bangec imocngo uaya kpac amma sowehagoc anu naso wegeneu gerecngo dzeu kpac anude.

Yohaneac kpefing 19:15

Nga enaraunac wasai beang mong enaragoc ereec, ye imocngo bangeha bangeha imocac ngicngac yunuude nga ye aiengyasungo garengyunuude. Amma ye Anutu kuctoa mingina yeac ngaba nga herebuac waing tidzoc tidzohoac hoctoau tidzohoude.

Yohaneac kpefing 22:3

Nga sowec sasawa kpac andarude. Anutu nga ramamedahaac ngictau tatacngira imohai taru wanacarengfora ye kingang kpemigecde.