Malecaki 4:1 - Deduamiti

¹ Kurumenggac wasaiareng habuya habuya yeneac Kebungo yoac yofi dede, “Negendae, naso hade imoc gerectoayagoc hade. Imocac ngic damoc yeni dehesi nga deengdema amma mangana meandae yeni naso imohai gerec seriango dzema yonohodacbesande. Imoc wiac mong dzuama harandanggeu gerecngo godeagoc sasawa dzemusunggeude ifi isoc yenearu fingecbesande.

Malecaki 4:1 ပူးပေါင်းရင်းမြစ်များ

Mitiyegec 119:119

Geng ngic Anutu ngadehema mangana megecdeac ayemmeande, yenenna seuc isoc angkecde, imocac amma ni dedekperagiyoacgaac songo negengkecduae.

Mitiyegec 37:9

Ngic Anutu ngadehema mangana megecdeac ayemmeande, yeng yeni meicyunuu kpac anggecde. Nga ngicngac Kebuac tomai kecandae, yeni bangecyombongngina mema mingina anggecde.

Makekeng 15:7

Kebu ge ngictau kucga engenango firang amma ngabafocga yunuhomenec. Ge herebugaac gerecborang mesima faina imocngo kemma kpindzingsiraac hania isoc yonohoec.

Yoele 2:1

Tsionnu trampet fifibisia, neac kpetiac tikiu esamubung gigigec. Bangecfu kecdae sasawa yeneng dzonong fedefede ambisia imoc yofiac kebuac nasotoango hade nga imocngo bic mewegenengunude.

Yoele 2:31

Kebuac nasotoa imocngo kpudamuyagoc mi fingecmanu wenackiwango meremma kundung kpedarude nga afongo sac anude.

Amosi 2:9

“Ammanu neng waraiyemmema Amoriareng memanganeyunudarai yeneac hereangina imoc sida ic isoc nga kucngina imoc saruc ic isoc. Yeneac forangina wi nga bangec manau godongina imoc memanganedarai.

Owadya 1:18

Anu Yacakowac areng yeneng gerec isoc anggecde amma Yosefac areng yeneng gerecborang isoc borang tigecde nga Esawac areng yeneng kpindzingmaria dzanggedzangea isoc ammagec Yacakow nga Yosefac areng yeneng dzemusungyunuma yonohodacgec mongngo mong komoc mi kpebesandae.

Nahum 1:10

Ngeni, minggongngic isoc kecdaeac amma hororochaseng heigec fema dzanggeu gerecngo faigec dzeande ifi isoc sasawa ngonohodarude.

Tsefanya 1:14

Kebuac nasotoa imoc wegenede nga bic mewegenenunude. Naso imoc ubaebigoc anude, dzikacac wasaingic yeni ebicfu emma arohoma winggema kiacbesandae.

Tsefanya 1:18

Kebuac herebuac nasou gol nga silwanginango naric mi onggongngunuude. Ngeni nga ngicngac bangeha bangeha kecdae naso imohai yeac herebuac gerecngo bangeha bangeha borang tima ngicngac sasawa bangecfu naso imohai kecgecde, ngeni sasawa ngonohodacbesande.

Dzekarya 14:1

Kic fima henggec Kebuac nasotoa hade naso imohai ngabafocngina yeneng hama hiedzongina wangecngunudacma botucnginau yenennammagec emekeng emeha ambesandae.

Malecaki 3:15

Amma ngic mangana nga ngic dehesi angkecdae yeneac negengngeree kecdimbe yeni mangana ammaguc ubangerec witiau kecandae ifi amma Anutu tobanggegec faka ifi me ifi mong mi fingecyemmeande.’ ”

Malecaki 3:18

Amma damoc yeneng kenecnginagoc imoc ngicngac dindingac me ngicngac mangana yeni Anutuac ua mekecdae me yeni yeac ua waandae ngeni imoc monggoc hensigecde.” Kurumenggac wasaiareng habuya habuya yeneac Kebungo yoac ifi dede.

Malecaki 3:2

Yeac sike sikenasou mongngo naric mi serima kecbesande nga yeng fingectegeru mongngo naric mi serima nambesande. Nocac yeac siriha imoc gerecngo silwa dzeu seuha isinggema meickeandae ifi isoc ande nga saifengo wamba dzuacgec kongac kpeande ye fakaya ifia mebesande.

Malecaki 3:3

Silwaac uangicngo silwa me gol gerecfu ohou seuha ereu meickeande ifi isocngoc siducdedengic ye Lewiac bangecfora dzuacyunuma isingyunuu yeni sese kereng kereng sing dindingacfu kebuaru mehama faibesandae.

Malecaki 4:5

Amma negendae, Kebuac nasotoa kpembibiagoc mi fingecmanungoc ni profete Eliya suengemmebesandua.

Mataio 3:12

Ye meic meicke saraha mariau mehama wit seuhagoc meic meicke sobennu feu imoc fima seuha meickeude. Meickema fora mekpedzuc amma ameau faima seuha wanggema gerec pisic pisickea kpac, imohai ukuu dzeude nga dzebesande.”

Ruka 19:43

Geac nasoga haude, imohai ngabafocga yeneng noboc noboc orongguma bangec usuma heiemma igocgugecde.

Ruka 21:20

Wasaingic habu yeneng hama Yerusaleng oronggegecde, naso imohai ngeni yofi bic negenggecde, taong manganeudeac naso bic hade.

Ruka 6:23

Ngeni naso deduaemoc, imohai ubangerec negemma yuengyuma amma sogaibisia, nocac kurumennu bungngina kuneng tomaingina fede. Nga ngic yeneac bangecfocnginango warac profete faka imocngoc profete ayemmegec.

2 Tesaronike 1:8

Ye gerec borangagoc mama Anutu mi hoanggegec nga Kebunina Yesuac siduc gombunggac yoara mi tofohoandae, yeni kopocsicnginaac turunga kpouyemmeude.

2 Petoro 3:7

Amma Anutungo yoac monggoc dema, bangec yomoc nga wiac sasawa sawau yofinenggac fedacde, imoc faiyunuu gerecac tomai fedae. Kecma ngicngac Anutu ngadehema kecdae, yeni yeac yoacfu turungngina mema manganegecde, naso imohai bangec nga wiac sawau fedacde, imoc gerecngo dzedacbesande.