Malecaki 3:7 - Deduamiti

⁷ Amma ngeni kisicfocngina yeneac nasou kecerema yofinenggac dedeseriyoacna ngadehegec amma mi modacgec. Imocac nearu dzigenegec neng ngenearu dzigenema monggoc hoangngunubade. Ifi deba ngeneng yoac yofi deandae, ‘Neni dafi amma gearu monggoc dzigenenide?’

Malecaki 3:7 ပူးပေါင်းရင်းမြစ်များ

Nehemia 9:26

Anu yeneng ine ifi ammaguc yoacga kpema ngadegugec nga singyoacga uba ngadenginau faiandae. Amma faka wonongagoc eweheiheiya kpahac amma Profetefocga yeneng ubangina dzigeneudeac goroyoac edeyunugec, yeneng imoc kpebucyunudacgec.

Dzekarya 1:3

Imocac ge yehudangicngac yofi edeyununa, “Kurumenggac wasaiareng habuya habuya yeneac Kebu yeng yofi dede, ‘Ngeni dzigenema nearu hadacbisia, anu neng ifingoc dzigenema hoangngunubade.

Malecaki 1:6

Ni kurumenggac wasaiareng habuya habuya yeneac Kebungo womonggareng damoc yeneng neac kpacna denggbaringgeandae, ngeneac yoac yofi deduae, “Medacngo mama sesehekecde nga uangicngo ngickunenga goi heimikecde. Ifi isoc ni mangngina kecbai dede ngeni sesehenugec naric ambac nga kunengngina kecbaiu eweheinenggec ngereebac. Ifi deba ngeneng ine yofi deandae, ‘Neni siric dafiu kpacga denggbaringgeandimbe?’ Ifi degec

Malecaki 3:13

Amma monggoc torokpema yofi dede, “Ngeni neac ngadeyoac seria dekecdae. Ifi deba yofi dema kpesinengandae, ‘Neni geac ngadeyoac siriha dafi dekecdimbe?’

Mataio 23:27

Mitiac negen negengngic nga farisaio ngeni yofi negenggec, kicsere imoc homemea seucnginagoc nga sicngo wake wakea fede, imoc kibiagoc anudeac ngeni kicsereac simeng weroc nadzicandae. Nga ngeni ubaherenginau nga sebinginau siriha ifia amma kecdae.

Ruka 15:16

Kenu berec yeneng yaka sebera negec, imoc neudeac ammiec nga mongngo ine yaka mong mi gumegec.

Roma 10:21

Amma Isracel areng yeneac ine yofi deec, “Ngicngacareng mong yoacna mi tofohoandae nga yoac kpekpe kecdae, yeneng hagecdeac asoacfunac kemma tofocnac marina sineyemmekecduae.” (Yes 65:2)

Roma 10:3

Amma yeni yenaocngoc sing dindingac meficgegecdeac arenggema uaya mekecdae. Nga Anutungo sing mong bic meficgema ngicngac dindingac deyemmeande, sing imoc ine mi negendae. Ifi amma yeni Anutuarunac kekec dindingac fede, imocac bageau kecgecdeac waandae.

Roma 7:9

Ni warac dedeseriyoara kpac kecbare dedeseriyoacngo hau negenai. Negemba imohai ine kopocsicngo kekehagoc amma ua meu

Yakobo 4:8

Anu ngeni Anutuac hoannu kenggec yeng ifingoc ngeneac wegenac haude. Manganameme ngic, ngeni maringina dzuacgec nga ngicngac ubayohocgoc kecdae, ngeni ubaherengina dzuacmengere anggec kpetiac anu.