Malecaki 3:6 - Deduamiti

⁶ “Ni Kebu ni kechayai siriha imocngoc yaguc kecduae imocac Yacakowac bangecfora ngeni mi kpac anggec.

Malecaki 3:6 ပူးပေါင်းရင်းမြစ်များ

Fingec fingec 15:18

Wenac imohai Kebuac yofi dema Awranggoc dzadzahac anec, “Aigita doku imohacnac hanahema kengkecma Perat dokutoauwisickede bangec imoc bangecfocga yemmebesanduaeac deseriduae.

Fingec fingec 15:7

Amma yofi edeec, “Ni Kebu, neng bangec yomoc gemba ge imocac mingina annadeac dema Kased bangecfu Ur amaunac wangecguba hanec.”

Fingec fingec 22:16

“Kebungo yofi dede, ‘Ge medacyombongga mocgu mi segerema desima faka imoc andang. Imocac amma ni neanna kpacfu deseriduae

Mitiyegec 102:26

Wiac imoc sasawa yeni kpac andacbesandae nga ge ine kecengkecbesannec. Yeni ngakpi isoc esea amma kuha maude nga wamba hesikpe amma ukuandimbe, siriha ifi isoc bangec nga kurumenga kurumenga yeni meicyununa kpac anggec gboria faiyunubesannec.

Mitiyegec 102:27

Nga geng nasosoc siric mocgungoc kecnade nga kecbesannec amma geac kifa kpetega imoc wisic wisickea kpac.

Mitiyegec 102:28

Geac kingang ngicfocga yeneac nambaracfocngina, yeneng geac hoannu kecgec geng esamedacfocngina hoanggau faiyununa yeneng gegoc serima kecgecde.

Mitiyegec 103:17

Nga Kebungo sifu yoac dedzege amma imoc modarude. Ngicngac yeneng eweheihei ammigec yeng nasoya nasoya hoangyunuma kecengkefude, fakaya dindingac imocngo nambarac nga esamedacfocngina fingecgecdesoc, yenearu fekefude.

Mitiyegec 78:38

Yeni kopocsicnginagoc kecgec, forangoc, nga yeng sifu yeneac ubea manganeu manganangina wama mi kpetotieyunuec. Ye naso homac ngabaya dzegema herebuya erebacac imoc kpetarimiec.

Mitiyegec 78:57

Yeni mangesafocngina warac angkecgec, ifi isoc Anutu wama ye mi negensinggegec. Ngic yeni tebe gbaring gbaring kpesaigec dindingac mi kengande, yeni ifi isoc ihai nga ihai kenggec.

Danicel 6:26

Ni kibi yomoc ngemmema yoacseria mong yofi faiduae, ngicngac neac eucererennu noboc noboc kecdacdae ngeni Danicelac Anutuya yeac kicfu dzonong fedefede nga damugoc kecbisia, Yennoc Anutu kekehagoc ye kecengkefude nga kecbesande. Yeac eucerereng imoc naric mi kpetotiebesandae. Yeng Ngictaungina amma ngicngac garengyunuma kecde, faka imoc nasoya nasoya fekengkecbesande.

Bangec kisiu 23:19

Anutu ye bangecngic kpac, imocac ikoc mong naric mi anude. Ye bangecngicac medac mi ande, imocac ye monde mondeya mong mi fede. Yeng yoac mong dema faka imoc meude. Ye yoac dema ua imoc mesiude.

Roma 5:10

Nga nenang Anutuac ngabafora kecmina Medahaac homecngo ngaba meickeu Anutugoc ruae fingecnemmeec. Ruae fingecnemmeu nenang ifingoc Medahaac kekecac amma komoc kpebesandimbe, imocnoc negenserima kecdimbe.

Firipi 1:6

Amma yofi negensinggeduae, Anutungo ua gombunga ubaherenginau hanahema imoc torokpema mekengkefu Yesu Kristoac nasotoa hau, imohai uaya imoc mesidacbesande.

Hebiraio 13:8

Yesu Kristo ye worang nga yaguc amma nasosoc siric mocgungoc kecengkefude nga kecbesande.

Hebiraio 6:18

Ye ifi dema yoac seria yohockang meficgenemmeec. Yoac yohockang ifi feecac yoara ikoc naric mi anude. Fakaya ifia negenni imocngo ebiriangoc meserinunuu bangecac wiac naric wama wiac ngade menideac deec, imoc seria mekecnide.

Yakobo 1:17

Anutu ye kurumeng kperagiac manggac amma yearu kundung mong mi kpeude, kpac. Yearu kperagia feec nga fede amma fekengkecbesande. Nga yeng wihacnac wiac gombunga nga soronga suenemmeu maude. Ye ubangereha ifi nemmekecde.

Yohaneac kpefing 1:8

Kebu Anutu ye kefec nga kecdenoc amma kecma habesande, ye Kucseri minginango yofi dede, “Ni neannaoc A nga Y, hanac hanahea nga wisic wisickea.”