Malecaki 3:2 - Deduamiti

² Yeac sike sikenasou mongngo naric mi serima kecbesande nga yeng fingectegeru mongngo naric mi serima nambesande. Nocac yeac siriha imoc gerecngo silwa dzeu seuha isinggema meickeandae ifi isoc ande nga saifengo wamba dzuacgec kongac kpeande ye fakaya ifia mebesande.

Malecaki 3:2 ပူးပေါင်းရင်းမြစ်များ

Fingec fingec 19:28

Kemma kic fiu Sedom nga Amora taong taroc bangec tumia imohai kemeu henu bangecfunac gerec dubuhegec dzeande hosuctoa siriha ifia yombong ereec.

Mitiyegec 130:3

O Kebu, ge kopocsicnina kicgau arenggema negenna febacfu ngic mongngo serima naric mi kecbac.

Mitiyegec 2:7

Kebungo yoac desima neac deec, imoc dekperagiba, yofi edenuec, “Ni yagucnoc megudua. Ge medacna nga ni geac Mangga.

Mitiyegec 76:7

Geac kengectoa negembesonga. Ge herebu negemmana ngic mongngo geac kicfu nanudeacsoc mi ande, imoc kpac yombong.

Danicel 11:35

Amma negen negen irec ireckeagoc goa yeni ifingoc mayunuude. Mayunuu meisingyunugec yacgec dzuac dzuac ua seria meyemmegec kecma naso wisic wisickea hau kongaha nga goctopoha kpac anggecde. Nga nasotoa faifaia imoc febesandengoc.

Yoele 2:11

Anu Kebungo wasaifora kpetengina kpac yenigoc waraiyemmema parandanggemanu wasaihabu yeac dederecgea modacgecac amma yeni kuctoanginagoc. Ifi anu Kebu nasotoa imocngo kuneng nga bibiagoc ammanu naso imohai merang naric serima nanude?

Nahum 1:6

Amma yeac heregerec fingeru mongngo naric mi serima nanude. Nga kimbengaac borangngo timanu mongngo yeac wegenac naric mi kefude. Amma yengenaoc harongang wegenac kenu yeni tohoma dzindzururung kpegecde.

Dzekarya 13:9

Nga ngicngac kpetengina kpadzi mocguacsoc, yeni silwa dzuacgecdeac gerecfu faigec dzeu seuha isinggeandae me gol tobanggegecdeac gerecfu faigec dzeu isinggeandae ifi isocngoc ngicngacfocna gerecfu yonohoma isingyunubesandua. Anu yeni kpacna kpacbesandae, yeni turunga merengyemmebesandua. Amma ngicngacfocna deyemmeba yeneng yofi debesandae, ‘Kebu ye anutunina.’ ” Kebu ye Anutunina.

Malecaki 4:1

Kurumenggac wasaiareng habuya habuya yeneac Kebungo yoac yofi dede, “Negendae, naso hade imoc gerectoayagoc hade. Imocac ngic damoc yeni dehesi nga deengdema amma mangana meandae yeni naso imohai gerec seriango dzema yonohodacbesande. Imoc wiac mong dzuama harandanggeu gerecngo godeagoc sasawa dzemusunggeude ifi isoc yenearu fingecbesande.

Mataio 25:10

Ifi degec, yeni kifadoku bummebesonga kemmagec memeturang ngicngo haec. Hau naroang efaigecmoc, yeni yegoc memeturanggac amau enggec. Emma nagu ukugec kpeu imohai nenesemeng nesogai amma tacgec.

Mareko 9:3

Ngakpia hereha kperagima kongac koporarac yombong anec. Bangecfu ngic mongngo wamba kongac kongac ifia naric mi meficgeude.

Ruka 2:34

Nga Simeongngo kenecyunuma sabac nonggea Maria yofi edeec, “Negenna, Israengic homacngo medac yomocac amma mayunuude nga homacngo yeac amma yacma nanggecde, ifi fingerudeac Anutungo meisinggeec. Nga ngic homac yeni ye hemma yeac ngaba amma deendema ammigecde.

Ruka 21:36

Imocac ngeni nasosoc garengemema kecma nunumu ua mekecbisia. Mekecma wiac sasawa yomoc fingecbeso ande, imohacnac woragecdeac kuc mema Ngicac Medac, yeac kicfu serima nambesandae.”

Ruka 3:17

Ye meic meicke saraha mariau mehama wit seuhagoc meic meicke sobengau feu, imoc fima seuha meickema fora mekpedzuc amma ameau faiude. Faima seuha wanggema gerec pisic pisickea kpac, imohai ukuu dzeude nga dzebesande.”

Ruka 3:9

Naka ye bic ic haniau tacdeac ic goa fora gombunga mi anggecde, imoc sasawa heiu kpeu gerecfu ukuyunuude.”

Ruka 7:23

Nga mongngo neac amma negemmangang mi angande, ye kenehagoc.”

Yohane 8:55

Ngeneng mi negemmidae, neannaoc ine ye negemmiduae. Neng ye mi negemmiduae debadeu, ngic ikoha amma ngeni isoc ambade. Ni negemmiduaengo yoara mekecduae.

Hebiraio 12:25

Imocac ngeni ngic yoac edengunukecde, ye ngadehebauac garengngina mema kecbisia. Imoc yofiac, Mosengo bangecfu kecma ngicngac goroyoac seria edeyunuu yeni yeac yoac negenggecdeac wama kecma kopocsicac turunga, imohacnac naric mi woragec. Nga yeng kurumenga kurumenga imohacnac mama goroyoac edenunumanu yoara ngadehenideu kopocsicac turung imohacnac ifingoc naric mi woranide.

Yohaneac kpefing 19:8

Ifi anu wambaya gombunga kongaha nga kibikperagiagoc heiudeac migec. Wambaya gombunga imoc ngicngac kpetiac yeneac angammeme dindingac.”

Yohaneac kpefing 2:23

Nga ni yeac nambaracfora kpebucyunuba kpebung sasawango yofi negentegecgecde, ni ubaherenginaac hengisingngic. Ni ngic tembuc tembuc angammemeaac sirihau turung kpoumibade.

Yohaneac kpefing 6:17

Yereac ngabaac nasotoa bic hadacac neni naric mi serima nannide.”

Yohaneac kpefing 7:14

Kpesinenu merenai, “Kunenna, ge geanggaoc negennec.” ifi deba yeng yofi edenuec, “Ngic yomoc yeni kpendzengtoaunac hama ngakpingina ramamedahaac sawango dzuacgec kongac kongac ande.