Malecaki 3:16 - Deduamiti

¹⁶ Nga ngicngac Kebu seseheandae yeni yenaocngoc denegeng anggec. Anu Kebu ye imoc kedzac kpema negengyemmeec. Amma Kebu sesehema kparaac eweheihei angandae, yeneac negensima yeac kicfu kpacarengngina kibiu ohogec fede.

Malecaki 3:16 ပူးပေါင်းရင်းမြစ်များ

Fingec fingec 22:12

Ifi deu yofi meremmiec, “Ge medacgaaru mariga mi sinena nga wiac mong mi ammina. Ge medacga mocgu ye mi segerenendanggac amma ge Anutuac yoac modacma eweheihei ammiannec imoc yaguc negengguduae.”

Nehemia 1:11

O Kebu, ge kedzac gombunga kpema uangicfocga geac kpac eweheiheigoc negensinggeandae yeneac nunumu negenna. Amma uangicga neac nunumungo foragoc anudeac negemma meficnumana garengngo wosoefac anembeso, ifi numugenduae.” Ni naso imohai ngictauac waing kpakenecfu mekemma mikefai.

Esta 2:23

Anu yoac imocac hania mesigec fora anu nagu gareng yohockang imoc yeri icfu gbedicyurugec homeoc. Ifi amma faka imocac siduc imoc ngictauac siduc kibiu ohogec.

Esta 6:1

Anu tofocnac imohai ngictaungo gaufefea kpetereu yengena siduha siduckibiu ohoohoya feec, imoc mehama osomigecdeac edeyunuec.

Mitiyegec 10:4

Ngic Anutu ngadehema mangana meudeac ammiande, ye sebia meemma deude, “Anutu ye wiac imocac mi kpesinenude.” Amma yofi negensima kecde, “Anutu mong mi kecde, kpac.”

Mitiyegec 104:33

Ni kekecna kecbadesoc Kebu yegec heimibade. Ni kekecna kecma Anutu dengerekecbadengoc.

Mitiyegec 111:10

Kebu eweheihei ammima ye hoanggebesonga. Faka imoc negen negentegecac hania ande. Ye eweheiheigoc hoanggeandae, yeni negen negengngina irec ireckea. Yeac eriendzong, imoc nasoya nasoya feengkecbesande.

Mitiyegec 115:13

ngicngac Kebu eweheiheigoc hoanggeandae amma ngicngac kuneng nga kapia kenecyunuude.

Mitiyegec 119:63

Ngicngac geac eweheihei angandae nga dederecgeyoacga modacandae, yeneac ogongina.

Mitiyegec 139:4

O Kebu, ni yoac debesonga enac mi anggebareng geng yoac imoc bic negendacnec.

Mitiyegec 147:11

Ngicngac ye eweheiheigoc hoangeandae, yeng yenemma nengenu ngereeude. Yeng yoac dedzege amma imoc modarude. Nga ngicngac yeneng imocac negensima fora fingerudeac tomai kecandae, ye yeneac negenu ngereeu sogaiude.

Mitiyegec 16:3

Bangecfu ngicngac kpetiac yeni ngicngac eweheiheinginagoc, yeneac negemba ngereede.

Mitiyegec 20:7

Ngic goa yeni dzikacac keretac negenggec wiac engena anu yoac homac osogecde. Nga goa yeni becosiac negenggec wiac engena anu yoac homac osogecde. Nga nenang Kebu Anutuninaac kpac kuneng negenserima negenni wiac engena ande.

Mitiyegec 33:18

Foracngoc, ngicngac yeneng Kebuac ewea heiandae, Kebungo yeni kiwango yenenude. Yeng yoac dedzege amma imoc modackefude nga ngicngac yeneng imoc negensima fora fingerudeac tomai kecandae, ye kiwango yeninoc yenenude.

Mitiyegec 34:15

Kebungo kiwa ngicngac dindingac yenearu fima kedzac kpema kiacngina negenude.

Mitiyegec 56:8

Yeni nukporac anenggec wenac dafiguc ama heidac kefai imocac kpetea osoma medacnec. Amma kickumana bic osoma kibigau ohonec fede, imocac kpetea negensibesena.

Mitiyegec 56:9

Anutungo nigoc kecde, imoc negenduae. Yeng ni meficnuudeac kpacba imohai ngabafocna dzigenema woragecde.

Mitiyegec 66:16

Ngicngac Anutu eweheiheigoc hoanggeandae, ngeni hama yoacna negembisia. Yeng nearu ua meec, imoc edengunuba.

Mitiyegec 94:19

Herenau negengyohoc homac mekecba geng meserinuma ubaonganaac ubangerec meficgenennec.

Makekeng 32:32

Nga ge sifu kopocsicngina wana nga kopocsicngina mi wanadeu kekecac kibigaunac neac kpacna ohonecmoc dzuacna.”

Danicel 12:1

Anu ngickunengtoa Mikacel, ye geac bangecarenggac kunengngina amma kasongina amma nangkecde, yeng naso imohai yacma nanude. Anu medacfocngina yenigoc nammanu ebictoaac naso mong warac ngicngac hanac hanaheaunac bangecfu fingeceregec kecma naso imohai ebictoa ifia mong mi fingerec, ebictoa mong ifiangonoc fingecbesande. Anu naso imohai geac ngicngacarennunac ngicngac kibi kpoukpouyau kpacngina oho ohoya fede yeni sasawa onggongyunudacgec komoc kpegecde.

Danicel 7:10

Anu yeac hoannunac gerecngo erema doku hakecde, ifi isoc haec. Tausenga tausenga yeneng yeac enactofoc tofoho ua megec. Millionga millionga yeni yeac kicfu nanggec. Anu yoac desi desinaso fingeru yoac isinggegecdeac kibi homac kparatiegec.

Malecaki 3:5

Ye yofi dede, “Ni fakangina isinggema desibadeac mewegenengunuduae. Dzinac areng nga kaisero areng amma yoac ikocac hepucareng nga uangicfocngina yeneac uabungngina nobohasac yemmeandae amma hotsecbeging gombunga mi ayemmema memayunuandae nga kuricngicngac yeneac yoacngina ikoc ikoc sicsaucfu demengere angkecdae amma ni mi sesehenuandae, ni bic hama ngeneac hakongina kpebesandua.”

Malecaki 4:2

Anu kpacna eweheimiandae ngenearu dindingac kekec wenac isoc ereu memengerec meficgeyemmeude. Ifi anu burumakamedaha yeneng amanginaunac mesiyunugec bangecfu mama sogac sogai yuengyuma kengkecdae ngeni ifi isoc ambesandae.

Ruka 2:38

Kecma naso imohaingoc yenigoc wegenac namma Anutu dengereec. Dengerema ngic Yerusalenggac tembuckekecngina fingerudeac tomai kecdacgec, yeni sabacac siduc dekperagiyemmeec.

Aposoro 1:13

Yerusalennu kemma ama tacyac angkecgec, imohai emma tacgec. Tacgec, yeneac kpac yofi: Petoro nga Yohane amma Yakobo, Anderea nga Firipo amma Toma, Batoromaio nga Mataio amma Yakobo Arifaioac medac, Simong Dzerote nga Yuda Yakoboac medac.

Aposoro 10:2

Ye yengena nga arengfora sasawa, yeneng heregoc Anutuac songo negemma eweheimima kecgec. Konerio ye ubangereac wiac homac ngicngac makpekpea yemmekefec amma Anutu wenacsoc numumikefec.

Aposoro 2:1

Pentekos tacyacac naso wegenemanu yenahafoc ama mocguu kpedzucnema engensicfu tacgec.

Aposoro 9:31

Anu kpebung Yudaia nga Gariraia amma Samaria bangecfu kecgec, yenearu ruae fingerec. Fingeru ruaegoc kecgec kpetengina kuneng anu serima kecma Kebu eweheimima ubango hoanggema afehegec. Anu Tiri Asungo ubaebicngina meickema meseriyunuec.

Efeso 5:19

Yegec mitikibiu fede nga Tiri Asungo yegec ngemmeude, ngeni imoc heima ubaemenegeng ambisia. Amma ngeni yegec heima musi kpema Kebu ubaherengo dengerebisia.

1 Tesaronike 5:11

Imocac amma ngeni yofinenggac demeseri angemema meyadiemeandae, ifi isoc monggoc torokpema ambisia.

1 Tesaronike 5:14

Negen negensinggoc tosofocnina, neni gorongina kpema yofi edengunudimbe, ngicngac ua wama sicsauha kecdae, ngeni yeni nono edeyunubisia. Nga ubangina mamea kecdae, ngeni demeseri ayemmebisia amma ngicngac goa sebiugeng hafei nga kucmama kecdae, ngeni yeni meficyunubisia. Ifi amma modzotitia kpac yumeau ebicngina tofohobisia.

Hebiraio 10:24

Amma songo nga angammeme gombunga botucninau feudeac nenang henggareng angemema meseriemekecbisina.

Hebiraio 12:15

Ngenearunac mongngo Anutuac wosoefacfunac mangunubacac henghomema kecbisia. Nga botucnginaunac wiac herebu nga ubaebic imocngo sera mi kpebeso. Imocngo sera kpema ebic meficgengemmeu wosohodung isoc homac memanganengunuude.

Hebiraio 3:13

Mitikibingo “yaguc” ifi demanu ngeni uamemesoc ubaherengina midiemebisia. Kopocsicngo ngenearunac goa ikoc ayemmeu herengina dzegebauac ngeni ifi ambisia.

Yohaneac kpefing 15:4

Kebu ge kpetiac, imocac amma sasawango geac damuyunuu kpacga afehebisia. Amma geac faka dindingac didiu fingerecac bangeha bangeha ngicngac yeneng hama geac kicfu numugenggecde.”

Yohaneac kpefing 20:12

Nga ngicngac kuneng kapia bic homegec yenenai. Yenemba yeni Anutuac kicfu nammagec kibi homac mesima kibi mong kpara Kekecac kibi mesigec, kibi imohai homegec yeneac angammemengina oho ohoya fede. Nga yeni imoc hemma yoacngina desigec.