Malecaki 3:1 - Deduamiti

¹ Kurumenggac wasaiareng habuya habuya yeneac Kebungo yoac yofi dede, “Negenggec, ni siduc dedena sueba yeng warainemma sinna memengere anudeac habesande.” Anu ngeni Kebu henggecdeac kicfifi anggec yennoc womongau piratac isoc bic habesande. Ngic imoc hembeso negengkecdae ye habesandenoc amma ye dzadzahacac siducdedengic ambesande.

Malecaki 3:1 ပူးပေါင်းရင်းမြစ်များ

Mitiyegec 110:1

Kebungo neac Kebuna yofi edeec, “Ge marifoinau tacmana ngabafocga hanigaac bageau faiyunuba yeni hanigaac tatac ambesandae.”

Makekeng 23:20

Negennec, ni angero mong sueba waraigemma sinnu garengguma bangec mengerema geac deai imohai faiguude.

Makekeng 23:21

Waraigenu ge yeac kicfu garengemema kecma yoara negentofoho ambesena nga yeac yoac mi kpebesena. Neac kpacna yeac ubaongea manau fekecdeac singyoara kpegecdeu yoackpekpengina imoc mi wangemmeude.

Haggai 1:13

Anu Haggai Kebuac siducdedengic yeng Kebuac yoac ngicngac edeyunuma deec, “Kebungo yofi dekperagide, ‘Ni neannaoc ngenigoc kecduae.’ ”

Malecaki 2:4

Ifi amba ngeni yofi negentegecbesandae, Dzadzahacna Lewiac kisicareng yenigoc meai imoc feengkecbesandeac goroyoacna imoc deduae.

Malecaki 2:7

Womonggareng ye neac negen negentegecac kpoukpou yoacna garenggebeso. Ammanu ngicngac yeni kpoukpouyoac imoc megecdeac yearu hagec ye imoc kpouyemmebeso. Nocac ye kurumenggac wasaiareng habuya habuya yeneac Kebu yeac siducdede ngicnoc ande.

Malecaki 4:5

Amma negendae, Kebuac nasotoa kpembibiagoc mi fingecmanungoc ni profete Eliya suengemmebesandua.

Mataio 11:14

Nga ngeni yoac yomoc hoanggebeso negengandae isoc yofi deduae, Eriango haudeac degec, imoc yenoc.

Ruka 1:76

Anu sabacna gennoc waraima Kebuac sing mengerema singa heitumeinadeac amma Engenatoa yeac profete, ifinoc kpacgugecde.

Ruka 19:47

Anu Yesungo wenacsoc womonnu kpoukpou ua meu womonggareng enara nga mitiac negen negengngic amma habu yeneac enarafocngina yeneng ye kpegecdeac nasoyombonga hofocma kecgec.

Ruka 2:38

Kecma naso imohaingoc yenigoc wegenac namma Anutu dengereec. Dengerema ngic Yerusalenggac tembuckekecngina fingerudeac tomai kecdacgec, yeni sabacac siduc dekperagiyemmeec.

Ruka 2:46

Uameme harebec wisickeu Anutuac womong manau emma Yesu meficgeoc. Meficgeec yeng kpoukpou yeneac botucfu womonnu tacma negengyemmema dekpesi ayemmeec.

Aposoro 19:4

Ifi degec Paurongo yofi edeyunuec, “Yohanengo ngic ubangina dzigeneudeac doku nadzicyemmema yofi edeyunuec, ‘Ngadenau hama kecde, ngeni ye negensinggebisia.’ ye yoac imoc Yesuac negemma deec.”

Aposoro 7:38

Amma yengngoc bangec hocsiragocfu kisicfocnina yeneac kpebunggoc kpeturanggema kecma Sinai tikiu emma angeroac enacfunac yoac kekehagoc negemma mama edenunuec.”