Malecaki 2:6 - Deduamiti

⁶ Ye enacbibihango yoac forasac edekpou amma nedzarangango yoac sege segea mong mi dekefec. Ye nearu kpeketahema kecma ngicngac homac kopocsicac sinnunac meyunuec.

Malecaki 2:6 ပူးပေါင်းရင်းမြစ်များ

Fingec fingec 17:1

Anu Awram ye kifaya 99 ammanu Kebungo fingecmima yofi dema edeec, “Ni Anutu Kuctoa Mingina, ge neac kicfu kecengkecma hafoangoc ngic dindingac kecbesena.

Fingec fingec 6:9

Yomoc Noaac siduc. Ye dindingac nga kopocsiha kpac ngicngac botucnginau kefec amma ye Anutugoc wegenac kefoc.

Mitiyegec 119:142

Geac dindingac kekec imocngo nasoya nasoya fefeseri feude nga febesande amma geac dedeseriyoac, imocngo fora.

Mitiyegec 119:151

O Kebu, geng sifu neac wegenac kecnecngoc. Geac nonoyoac imoc sasawa fora ande.

Mitiyegec 37:30

Ngic dindingac ye enarango yoac negen negentegecgoc deude nga nedzarangango sing dindingac modacnideac yoac deude.

Mitiyegec 37:37

Ngic kopocsic mong mi meficgeande, ngeni ye hentegecbisia. Ngic mong ye ikoc nga hamangeha kpac kecande, ye hembisia. Ngic ruaegoc kecande, yeng arengfora yenigoc naso herea kefude.

Danicel 12:3

Anu negen negengngina irec ireckea yeni sawaac kperagia isoc kperagiagoc anggecde. Nga goa yeni ngicngac homac dindingackekecac sinnu faiyunugec, imoc yeni asomeng isoc kperaginginagoc amma nasoya nasoya feengkecgecde. Yoac imoc fora.

Mataio 22:16

Ifi amma medacfocngina nga Herodeac areng goa Yesuaru sueyunugec kemma degec, “Kpoukpou, ge yoac fora dekecnec, imoc negendimbe. Nga Anutuac sing dindingac ngicngac edekpou anemmekecnec amma ngic monggac me monggac songo mi negemma engena mamea socfungoc anemmeannec.

Mareko 12:14

yeneng Yesuaru hama degec, “Kpoukpou, yoac fora dema ngic engena me mamea yeneac mi negensiannec. Ge ngicngacareng socfungoc ayemmekecnec, imoc negendimbe. Nga ge Anutuac sing dindingac edekpou anemmekecnec. Ifi anu ngictau Sisa takesi mibesonga me mi mibesonga, singngo dafi dede? Nenang ngictau Sisa takesi naric minide me kpac?”

Ruka 1:6

Ngicngahoc imoc yeri Anutuac kicfu dindingac yombong kecma dedeseriyoac nga singyoac sasawa modacma ikocngira kpac amma kpetiac kefoc.

Ruka 20:21

Nga ngic imoc yeneng Yesuac degec, “Kpoukpou, ge yoac denec nga wiac kpounemmenec, imoc fora sasawa. Amma ge Anutuac sing ngicngac edekpou ayemmema yoac monde monde mi angkecnec, geac ifi negendimbe.

Aposoro 26:18

Amma ni yenearu sueguba ge kemma ngicngac kicngina merecgena kundung ngadehema kperagiu kembisia. Amma Satanggac kuc herecgena yeni Anutuaru kembisia. Ifi amma yeni Anutuarunac kopocsic wawa megecde. Mema kpetiac kekec yemmeyemmea nga Kebu ni negensinnudae, yeneac habuu torokpegecde.’

Yohaneac kpefing 14:5

Amma enacnginaunac ikoc mong mi ereu yeni kpetiac nga manganangina kpac kecgec.