Malecaki 2:4 - Deduamiti

⁴ Ifi amba ngeni yofi negentegecbesandae, Dzadzahacna Lewiac kisicareng yenigoc meai imoc feengkecbesandeac goroyoacna imoc deduae.

Malecaki 2:4 ပူးပေါင်းရင်းမြစ်များ

Nehemia 13:29

O Anutuna, yeni womonggarenggac ama nga womonggareng ua amma Lewiareng yenigoc dzadzahac menec imoc marisako megec, imoc negensibesena.

Malecaki 3:1

Kurumenggac wasaiareng habuya habuya yeneac Kebungo yoac yofi dede, “Negenggec, ni siduc dedena sueba yeng warainemma sinna memengere anudeac habesande.” Anu ngeni Kebu henggecdeac kicfifi anggec yennoc womongau piratac isoc bic habesande. Ngic imoc hembeso negengkecdae ye habesandenoc amma ye dzadzahacac siducdedengic ambesande.

Bangec kisiu 18:2

Anu dacmunafocga Lewiac kisicfunac, imoc geac manggacac kisicfunac, yeni ifingoc heitaiyununa yeni naric hama ge nga medacfocga ngenigoc torokpema Kebungo wiac heigboringemmekecduaeac kporucamaac naguyau geac enactofoc tofoho ua mebisia.

Bangec kisiu 18:21

Amma Isracel yeni sese sasawa tennunac mocgu faigecde imoc Lewiac fingecsahe yeneac hendzic hendzira anudeac yemmeduae. Wiac imocngo yeni Kebugoc ewacemeemeac kporucamaac uaya mekecdae, uangina imocac uabung ambeso.

Bangec kisiu 25:12

Imocac yofi edebesena, ‘Ni yegoc ruaeac dzadzahacna mebade.

Bangec kisiu 3:11

Anu Kebungo Mose yoac yofi edeec,

Bangec kisiu 3:12

“Negennec, ni Isracelngicngac yeneac botucfunac nenggac herenginaunac warac warac fingecgec sasawa, morocmedacfocnginanoc, yeneac turunga kpougecdeac Lewiac kisicarengfora segereyunuma meisingyunuai. Yeni neac areng yombong.

Bangec kisiu 3:45

“Ge Isracelngicngac morocmedacfocngina sasawa yeneac turunga Lewingic segereyunuma meisingyununa yeni Kebu neac areng yombong amma kecbisia. Nga ramaburumakafocngina yeneac turunga Lewingicngac yeneac ramaburumaka imoc neac ifingoc anggecde. Lewingic yeni neac areng amma kecbisia. Ni Kebunoc.

Mataio 3:12

Ye meic meicke saraha mariau mehama wit seuhagoc meic meicke sobennu feu imoc fima seuha meickeude. Meickema fora mekpedzuc amma ameau faima seuha wanggema gerec pisic pisickea kpac, imohai ukuu dzeude nga dzebesande.”

Ruka 10:11

‘Taongnginaac yubengo hanininau mendanggedac, neni imoc ifingoc kpeni mama imocngo manganangina edzacngunubeso. Nga ngeni ine yofi negembisia. Anutuac eucererengngo yei bic mewegenengunuma hama fede.’

Yohane 15:2

Ic fawa goa nearu fema fora mi angkecgec ye imoc sasawa kperecgema ukuyunuude. Nga fawa fora angandae, imoc sasawa foraya homac anudeac ye imoc kperecgema memengere anude.