Malecaki 2:14 - Deduamiti

¹⁴ Ifi ammagec, “Ye nocac sesenina mi hoangeande.” Ngeni yoac ifi dema ngenaocngoc kpesiemeandae. Imocac yofi deduae, “Ge sebigbori kecnec naso imohai Kebungo gemmanu ngac menec. Ge ngac yegoc dedeseri anna yeng ogo memeficga kefec. Ammanu ge sifu dedeseri imoc kpema enengga wanec.

Malecaki 2:14 ပူးပေါင်းရင်းမြစ်များ

Fingec fingec 2:18

Ifi edeu wisickeu ye yofi negemma deec, “Ngic ye tembuha kefu naric mi andeac ni memefiha mong meba yeac ogea ambeso.”

Fingec fingec 31:50

Nga ge naroanghocna sisic ayecmenade me mi negembare ngac goa monggoc meyununadeu ine yofi negembesena. Ngic mongngo mi genude gedang anu Anutungo hepucnira amma genudenoc.”

Mika 1:2

Ngiha ngiha ngeni sasawango yoac yomoc negenggec, nga bangec amma damocngo bangecfu kecdae, ngeni kedzac kpegec. Kebu Kpembibiagocngo kpetiac womongngau tacma manganangina heficgema haniangina mekperagima yoacfu faingunubesande.

Malecaki 2:15

Anu Kebungo ngacgoc meturangnguruu mocgu bic anoc, i. Ye ifi anecac ngeri asu nga sebi mocgu anoc. Amma ngeri yeac nambaracfora kpeficyunuecdeac yeng meturangnguruu mocgu anoc. Imocac asuu garengemema enengga sebigbori kecma menec amma dedeseri denec imoc mi kpebesena.”

Malecaki 3:5

Ye yofi dede, “Ni fakangina isinggema desibadeac mewegenengunuduae. Dzinac areng nga kaisero areng amma yoac ikocac hepucareng nga uangicfocngina yeneac uabungngina nobohasac yemmeandae amma hotsecbeging gombunga mi ayemmema memayunuandae nga kuricngicngac yeneac yoacngina ikoc ikoc sicsaucfu demengere angkecdae amma ni mi sesehenuandae, ni bic hama ngeneac hakongina kpebesandua.”

Malecaki 3:8

Ifi dedaeac yoac yofi deduae, ‘Ngic mongngo Anutuarunac wiac hamangec mekecde imoc mi ngereede ammanu ngeni sifu nearunac wiac hamangec meandae.’ Ifi deba yoac yofi deandae, ‘Neni dafiu gearunac wiac imoc hamangec meing.’ Ifi degecac yofi deduae, ‘Ngeni dzofinac tennunac mocgu amma sesegerec hafoangoc neac sese mi faiandae.