Malecaki 2:10 - Deduamiti

¹⁰ Nenang sasawa mannina mocgu amma Anutu mocgu yennoc deu fingecdaring. Ammanu yeac dzadzahac kpema dedzege ikoha ogofocninagoc angemekecdimbe imoc mi ngereede.

Malecaki 2:10 ပူးပေါင်းရင်းမြစ်များ

Nehemia 13:29

O Anutuna, yeni womonggarenggac ama nga womonggareng ua amma Lewiareng yenigoc dzadzahac menec imoc marisako megec, imoc negensibesena.

Mitiyegec 100:3

Kebu ye Anutu, ngeni imoc negembisia. Yennoc meficnunuma menunuu nenang yeac ngicngacareng andimbe. Nga yeac ngicngacareng amma yeac rama habufora amma yeac oda manau kecdimbe.

Makekeng 19:4

‘Ni Aigita faka ayemmeai, imoc henggec, ni hasaukpesac neng kpegangaac witiau tofohongunuba nearu hadau, imoc ngeni hendacdau.

Makekeng 19:5

Imocac amma yoacna negentofoho amma dzadzahacna mema kecgecdeu ngicngacareng yeneac botucfu segerengunuba neac ngicngacfocna yombong anggecde. Bangectoa bangec imoc neac.

Makekeng 24:3

Ifi deu Mose ye ngicngacareng yenearu kemma Kebuac yoac nga dedesiyoac sasawa edeyunudarec. Edeyunuu ngicngacareng hafoangoc yeni sasawa uba mocgu amma dendzerenggema degec, “Kebungo yoac sasawa edegudac imoc tofohodacnide.”

Makekeng 24:7

Ifi amma dzadzahac kibi mema ngicngacareng osoyemmeu negemma degec, “Kebungo edegudac yoac imoc sasawa tofohodacma modacdacnide.”

Malecaki 1:6

Ni kurumenggac wasaiareng habuya habuya yeneac Kebungo womonggareng damoc yeneng neac kpacna denggbaringgeandae, ngeneac yoac yofi deduae, “Medacngo mama sesehekecde nga uangicngo ngickunenga goi heimikecde. Ifi isoc ni mangngina kecbai dede ngeni sesehenugec naric ambac nga kunengngina kecbaiu eweheinenggec ngereebac. Ifi deba ngeneng ine yofi deandae, ‘Neni siric dafiu kpacga denggbaringgeandimbe?’ Ifi degec

Malecaki 2:11

Yehudangicngac yeni Kebugoc dedzegengina feec imoc kpegec. Ifi anggec Isracel bangectoau nga Yerusalaim taunnu faka manganango sokodacma feec. Imoc Kebungo womonga hengsongo anec, yeni imoc seuc heigec. Yeni bangec monggac nemu yeac naroanggoc memeturang anggec.

Malecaki 2:8

Ammanu womonggareng ngeni sing fora imoc ngadehegec nga edekpounginango ngicngac fuseyunuu sing segegec. Amma Lewi nga kisicfora yenigoc dzadzahac anai dzadzahacna imoc ngenennoc kpegec.

Mataio 10:21

Imohai dara mongngo munea enara yeneac mariu faiu yeneng ye homecfu faigecde nga manggac mongngo faka imocngoc medahaac anude. Nga nambarac yeneng nonggomangfocngina deengdema ayemmema homecfu faiyunugecde.

Mataio 22:16

Ifi amma medacfocngina nga Herodeac areng goa Yesuaru sueyunugec kemma degec, “Kpoukpou, ge yoac fora dekecnec, imoc negendimbe. Nga Anutuac sing dindingac ngicngac edekpou anemmekecnec amma ngic monggac me monggac songo mi negemma engena mamea socfungoc anemmeannec.

Mataio 3:9

Nga ge geanggaac yofi mi negengemebesena, ‘Abrahang ye bangecna.’ Anutungo hoc yomoc naric deu Abrahanggac bangecfora fingecgecdenoc, imoc edengunuduae.

Ruka 3:8

Imocac ngeni doku nadzicma ubamerenggac siricfu fora meficgebisia. Nga ngeni yofinenggac ngenanggac yofi mi negengemebisia, ‘Abrahang ye bangecnina.’ Anutungo hoc yomoc yenearu faka meu yenearunac Abrahanggac bangecfora naric fingecgecde.

Yohane 8:39

Ifi deu degec, “Neneac mannina Abrahang.” degec Yesungo yofi merengyemmeec, “Ngeni Abrahanggac nambaracfora ambau debac yeac kekec nga faka modacbau.

Yohane 8:41

Ngeni ine mangnginaac kekec nga faka modacandae.” Ifi deu yeneng degec, “Neni sicsaucfunac mong mi fingering, kpac yombong. Mannina mocgu Anutu.”

Yohane 8:53

Anu ge kisicnina Abrahanggac engena mi annec. Ye homeec nga profete yeni ifingoc homegec. Amma ge geanggaac negenna engena ande, imocngo naric mi ande.”

Yohane 8:56

Bangecngina Abrahang ye neac naso fingeru imoc hembeso negemma songotoa femiec. Femiu hemma songo negenec.”

Aposoro 17:24

Anutu yennoc bangectoa bangec nga wiac sasawa ihai fede, imoc meficgema witiau wiac sasawa faidarec, yeng bangec nga kurumeng imocac mingina kecde. Ye womong ngic maringo memea, imohai tacyac mi angkecde.

Aposoro 17:25

Amma wiac mong hoforu ngicngo ua mema meficgemiande, imoc mi fede, kpac. Ye yengenaoc kekec nga asu amma wiac sasawa ngic yemmekecde.

Aposoro 17:26

Amma ngic mocgu meficgema deu yearunac ngic bangeha bangeha nga habuya habuya fingecsahe kecgecdeac deec. Amma naso nga kpete, imoc yengngoc deyemmeec.

Aposoro 7:2

Ifi deu Stefanongo yofi deec, “Mangfocna nga sactosofocna, yoac deba negenggec: Kisicnina Abrahang ye Harang taonnu mi kemma Mesopotamia bangecfu kecmanu Anutu kuc nga kibikperagi mingina, yennoc fingecmima yofi edeec,

Aposoro 7:26

Anu wereckengau monggoc kemma israengic yohockang eng eweec meficyuruma demefac ayecmema yofi edeyuruec, ‘Ngihoc waec, ngeri areng mocgungo ewedape, imoc naric kpac.’ ”

Roma 4:1

Kisicnina Abrahang yeac hania henni.

Roma 9:10

Nga imocsac kpac, Bangecnina Isaka ye Rebekagoc feu yeng fora tombosonga kpenangyuruec.

1 Korinti 8:6

Ifi kecmagec Anutunina ye mocgusacnoc. Yearunac wiac sasawa fingecdarec amma ye imocac mama nga nenang yeac amma kecdimbe. Kebunina Yesu Kristo ye mocgu nga yeac witiu wiac sasawa nga nenang kecdimbe.

Efeso 4:25

Amma nenang sebi mocguac oruc kickedzac nga hanimaria kecma meficemema kecdimbeac ngeni sasawa faka ikoha wadacma yoac fora tosofocngina yenigoc denegeng amma kecbisia.

Efeso 4:6

Anutu mocgu, yeng Manggac urecnina mocgu amma engenatoanina. Amma yeng ngicngac sasawa botucninau nga ubahereninasoc kecde.

1 Tesaronike 4:6

Ngeni sebiugenggac songoac amma tosofocngina yeneac enengfocngina yenigoc sero mi ambisia. Kebungo kopocsic ifia negemma turunga yemmeude, neni imocac gorongina seria kpema bic edengunuing.

Hebiraio 12:9

Amma bangecfu mangfocninango metinnunugec nenang fakangina ifia negensima ewengina heiing. Nga asu yeneac Manggacngo metinnuu yeac yoara monggoc yombong tofohoma kekec mebisina.