Malecaki 1:6 - Deduamiti

⁶ Ni kurumenggac wasaiareng habuya habuya yeneac Kebungo womonggareng damoc yeneng neac kpacna denggbaringgeandae, ngeneac yoac yofi deduae, “Medacngo mama sesehekecde nga uangicngo ngickunenga goi heimikecde. Ifi isoc ni mangngina kecbai dede ngeni sesehenugec naric ambac nga kunengngina kecbaiu eweheinenggec ngereebac. Ifi deba ngeneng ine yofi deandae, ‘Neni siric dafiu kpacga denggbaringgeandimbe?’ Ifi degec

Malecaki 1:6 ပူးပေါင်းရင်းမြစ်များ

Mitiyegec 123:2

Kingang ngic yeneng ngic kunengnginaac negeung kecandae nga kingang naroang yeni ngac kunengnginaac negeung kecma kic fiandae. Negenna, nenang ifi isocngoc kicnina Kebu Anutunina, yearu fikecmina yeng nenanggac ubea manganebeso.

Makekeng 20:12

Anutungo bangec gemma faiguude, imohai naso herea kechereenadeac nonggomanghocga seseheyurubesena.

Tsefanya 3:4

Profetefora yeni ikoc amma nendefeyoac dema goiheiheingina kpac kecandae. Amma womonggarengfora yeni wiac kpetiac imoc seuc heima dedeseriyoac kpeandae.

Malecaki 2:1

Kurumenggac wasaiareng habuya habuya yeneac Kebungo womonggareng ngeneac negemma goroyoac yofi dede,

Malecaki 2:10

Nenang sasawa mannina mocgu amma Anutu mocgu yennoc deu fingecdaring. Ammanu yeac dzadzahac kpema dedzege ikoha ogofocninagoc angemekecdimbe imoc mi ngereede.

Malecaki 2:8

Ammanu womonggareng ngeni sing fora imoc ngadehegec nga edekpounginango ngicngac fuseyunuu sing segegec. Amma Lewi nga kisicfora yenigoc dzadzahac anai dzadzahacna imoc ngenennoc kpegec.

Malecaki 3:5

Ye yofi dede, “Ni fakangina isinggema desibadeac mewegenengunuduae. Dzinac areng nga kaisero areng amma yoac ikocac hepucareng nga uangicfocngina yeneac uabungngina nobohasac yemmeandae amma hotsecbeging gombunga mi ayemmema memayunuandae nga kuricngicngac yeneac yoacngina ikoc ikoc sicsaucfu demengere angkecdae amma ni mi sesehenuandae, ni bic hama ngeneac hakongina kpebesandua.”

Mataio 15:4

Anutungo yofi dede, “Ge nonggomanghocga seseheyurubesena.” Nga “Ngic mong nonggea me mamaac sowecyoac deude, ye homebeso.” (Mke 20:12; 21:17; Dser 5:16)

Mataio 15:6

Ye ifi dema nonggomanghora mi seseheyuruude. Ifi amma ngeni singyoacngina kpabanggema Anutuac yoac semegecde.

Mataio 19:19

Ge nonggomanghocga seseyurubesena amma geangga anggengande, siriha imocngoc ogofocga heresongogoc hoangyunubesena.” (Mke 20:12-16; Dser 5:17-20)

Mataio 6:9

Ifi anu ngeni yofi numubisia, ‘Kurumeng Mannina, geac kpac kpetiac febeso.

Mataio 7:21

‘Ngicngac Kebuna, Kebuna.’ ifi denengandae, yenearunac sasawango kurumenggac eucererennu naric mi enggecde. Manna kurumennu kecde nga ngicngac yeac songo nga negen negeng modacma kecdae, yeneng ihai embesandae.

Mareko 10:19

Ge dedeseriyoac bic negennec, ‘Ge ngicngac mi yunuhomebesena, kaisero mi ambesena, hamangec mi mebesena, enacfu faifai mi ambesena, ngic yeneac wiac mong mi wangecyunubesena, nonggomanghocga seseheyurubesena.’ ” (Mke 20:12-16; Dser 5:16-20)

Mareko 7:10

Mosengo yoac mong yofi deec, ‘Ge nonggomanghocga seseheyurubesena.’ nga ‘Ngic mong ye nonggea me mamaac sowecyoac deude, ye homebeso.’ ” (Mke 20:12; 21:17; Sese 20:9; Dser 5:16)

Ruka 10:29

Nga ngic ye Yesungo yeac ngic dindingac debeso, ifi negemma kpesimiec, “Nga ngicngac neac wegenac kecdae, imoc merac yombong?”

Ruka 18:20

Ge dedeseriyoac yomoc bic negennec, ‘Ge kaisero mi ambesena, ngicngac mi yunuhomebesena, hamangec mi mebesena, enacfu faifai mi ambesena nga nonggomanghocga seseheyurubesena.’ ” (Mke 20:12-16; Dser 5:16-20)

Ruka 6:36

Mangnginango ngicngac wosoefac ayemmekecde, ngeneng ifi isocngoc wosoefac ayemmebisia.”

Ruka 6:46

Ngeni nocac Kebuna Kebuna kpacnuandae nga yoacna wama mi modacnugecde?

Efeso 6:2

“Ge nonggomanghocga seseheyurubesena.” Dedeseriyoac imocngo wiac ngemmeudeac waracyoac ande, imoc torokpema yofi dedea,

1 Petoro 1:17

Anutu ye monde mondea mi femide nga yeng ngicngac tembuc tembuc angammemenginaac sirihau yoacngina desiude. Nga ngeni ye “Manggac” kpacandaeu, ngeni yei kurickekecac nasonginau eweheimima kecbisia.