Malecaki 1:4 - Deduamiti

⁴ “Yeni amabangecnina hembarackegec. Hembarackemagec neni amabaranina monggoc medzuacnide.” Edomngicngac yeni ifi degecdeu kurumenggac wasaiareng habuya habuya yeneac Kebungo yoac yofi dede, “Yeni amangina monggoc heigborigecdeu ni hembarackebadengoc.” Ifi ayemmeba yeneac yofi deyemmegecde, “Bangec imocac ngicngac yeneac fakangina mangacmanganea.” Amma monggoc “Kebuac herebungo bangec imocac mingina yenearu feeng kecbesande.”

Malecaki 1:4 ပူးပေါင်းရင်းမြစ်များ

Mitiyegec 127:1

Kebungo ama mi meudeu ngic yeneng uatoa mema ama mekecdae, imocngo memefihagoc mong mi anude, kpac. Kebungo amabangec mi garenggeudeu ama gareng yeni gaugbori anggec uangina sifu memefihagoc mi anude.

Mitiyegec 137:7

O Kebu, ngic yeneng Yerusalaim kpetotiegec, naso imohai Edomgac ngic yeneng degec, “Kpembarackegec, kpembarackegec mama seringau wisickeu.” Kebu ge imoc negenna febeso.

Mitiyegec 33:10

Bangec monnunac ngicngac Anutu mi negemmidae, yeneng negen negengngina arenggegec Kebungo imoc meu kemma kpac anude. Nga ngiha ngiha yeneng ua mong mebesonga arenggegec yeng singngina hedzickeu imoc naric mi megecde.

Amosi 1:11

Kebungo monggoc yofi dede, “Edomngo kopocsic homac meficgema sactosofocra Isracel yeneac ubamangangnga kpac wasaibeangngo yunukporac ayemmeec. Amma herebutoaya imocngo torokpeutorokpe fedeac amma ni mi onggonggebade.

Amosi 3:15

Ni kiafiranggac ama nga wenacnasoac ama yerahafoc kpedzameyurubade. Nga ama gombunga gombunga erefanggac ngirenggoc me-mengere angana, imoc memanganeyunubade amma amagerec kuneng kuneng kpedzacmedacbade.” Kebu yengenaoc ifi dekperagide.

Amosi 5:11

Anu ngeni makpekpea meentimemati ayemmema hodzinnu wit nga baliac takesi neterema meandae. Ifiac amma ngeni hocngo amagerecngina kuneng kuneng megec, imohai tacyac mi anggecde nga waing homecgec urubeacbeac feec, imohacnac waing foraac dokuya mi negecde.

Amosi 6:11

Anu Kebu yengenaoc dederecge ayemmeec. Amma amatoatoangina kpedzamedarude nga amabisicbisicngina ifingoc medzameu kpacandarude.

Amosi 6:2

Ngeni kemma Kalne taong henggec amma imohacnac Hamat taong kuneng ifingoc hemma ferecgema Perestiaac taong Gat, ihai kemebisia. Yeneng Yehuda nga Isracel ngeneac eucerereng ferahedae me yeneac bangecngo ngeneac ferahede, ec?

Owadya 1:1

Kebu kpara Kebungo edomngicngac yenearu noc faka fingecbesande imoc profete Owadya edzaheu hennegeng anec. Amma nenang Kebuac yoac imoc yofi negening ye siduc dedea sueu ngicngac bangec noboc noboc yenearu kemma yofi dekperagiyemmeec, “Ngeni efaima yacgec kemma edomngic yenigoc yare miacni.”

Owadya 1:10

Ngeni namafocngina Yacakowac bangecfora kpenggodzu hania hania ayemmegecac amma game witinginau takefude. Imocac kpacngina dzuacba monggoc mi febesande.

Malecaki 1:3

Esaw ine ubanango wama bangecfora edomngicngac yeneac sifec memanganeba kisi fingerec nga bangecfocngina bangec kecgec imoc katekasi yeneac amabangec anec.”

Mataio 12:30

“Ifi anu yofi edengunuba negenggec, ngic mong ye mi nanggenude ye ngadenuude. Nga mongngo nigoc mekpedzuc ua mi meude, yeng neac wiac megigi anu sinsararang kpeudeac ua meude.