Malecaki 1:14 - Deduamiti

¹⁴ Ngic mongngo ramaburumakafora yenearunac ngiwa mocgu neac sese faiudeac deseriec imoc herandzima rama me burumaka sebia mangana mong faiudemoc ye sowehagoc. Nocac ni ngictau engenatoa nga bangeha bangeha ngicngac yeneng eweheinengkecdae, ni kurumenggac wasaiareng habuya habuya yeneac Kebungo yoac ifinoc deduae.’ ”

Malecaki 1:14 ပူးပေါင်းရင်းမြစ်များ

Fingec fingec 27:12

Anu manggacngo kpeserenuma negenudeu ni yeac kicfu faitobangngic amba kenecac turunga sowec mebade.”

Mitiyegec 102:16

Kebungo Tsion ama monggoc mema heigboriu kuc kibikperagiagoc fingectegeru henggecde.

Mitiyegec 47:2

Kebu Engenatoa ye bibiagoc, ye bangectoa bangec imocac ngictautoa.

Mitiyegec 47:3

Ye ngiha ngiha memayunuma nenang bageu faiyunuec. Ye bangec monnunac ngicngac hanininaac bageau faiyunuec.

Mitiyegec 47:8

Anutu ye ngictau amma bangec monnunac ngicngacareng kucgoc garengyunuma kecde. Ye ngictau tataha kpetiacfu tacde.

Mitiyegec 48:2

Tiki imoc herea nga gombunga yombong amma bangectoa bangec sogac sogai meficgeyemmeude. Imoc Tsiontiki, imoc not bigeng yombong tacde amma imoc ngictau Engenatoa, yeac taong.

Mitiyegec 68:35

O Anutu, ge damu damugagoc amma ge kpetiac womonggau kecnec. Isracelac Anutu ye ngicngacfora gareng anggecdeac kuc nga sebinginaac kuc yemmeude. Anutu keneheni, hallelu Yac.

Mitiyegec 76:12

Nocac yeng ngictau medacfocngina yeneac onganginaac kuc meickema bangecac ngictau kengectoa meficgeyemmeude.

Mitiyegec 95:3

Kebu ye Anutu engena yombong, ye anutu sasawa yeneac ngictau engenatoa.

Danicel 4:37

Imocac amma Newukadnetsar neng yaguc kurumenggac Ngictau engena dengerema afehema eweheihei ammiduae. Yeng wiac sasawa ande amma mede imoc fora. Amma yeac sing sasawa imoc yoacfu faka dindingac. Anu goa yeni sebiengeng kecdaeu, ye yeni mamea anggecdeac ayemmeudeacsoc ande.

Danicel 9:4

Amma ni neanna nga ngicngacfocna yeneac kopocsicngina deficgema Kebu Anutunaac numuma yofi deai, “Kebu Anutu Engenatoa ge damugagoc. Nga ngicngac ge songogoc hoangguandae nga geac dederecgeyoac modacma kecandae ge yenigoc dzadzahacga menec imoc modacma kecnec amma ge wosoefac ayemmeannec.

Tsefanya 2:11

Imocac amma Kebungo yenearu kucfakaya bibiagoc mebesande. Amma bangeha bangehaac nemuongafocngina imoc hembarackedacma meickeu kpac ambesande. Ammanu kondunga kondunga nga nuha nuha yeni ifingoc bangecnginasoc kecma Kebu eweheimibesandae.

Dzekarya 14:9

Anu Kebu yengenaoc bangeha bangehaac ngictau amma kecbesande. Naso imohai Kebu mocgungosac kecbesande amma ye mocgu kpara Kebunoc.

Malecaki 1:11

Ni kurumenggac wasaiareng habuya habuya yeneac Kebungo yoac yofi deduae, ‘Bangec sasawa wenac ere ereaunac kengkecma wenac keme kemeau kpac kunennango sokodacbesande nga amea amea yeneng hosuc homung gombung heinemma kpetiac sesena faigec kpac kunennango yadima kendacbeso.

Malecaki 1:8

Ngeni sese ohogecdeac ramaburumaka kicpisic me hanimangang me hafeiagoc ifia faigecdeu imoc sing sege segea ande. Ngeni ramaburumaka ifia gawananginaac faigecdeu ye imocac songo mong mi negenude amma imocac ubangerec mong naric mi dengemmeude.

Malecaki 2:1

Kurumenggac wasaiareng habuya habuya yeneac Kebungo womonggareng ngeneac negemma goroyoac yofi dede,

Malecaki 3:9

Amma yehudangicngac hafoangoc ngeni neac wiac hamangec mekecdae imocac amma neac sowecngo Yehuda ngenearu sokongunudacma fefea feude.

Mataio 24:51

Hama wanacngic imoc kpema herec kperecge heima ngic ikoha yenigoc faiude. Nga yeni ihai kiacma enacngina kisaranggema kecgecde.”

Mataio 5:35

Nga bangec, imoc Anutuac fetec, imocac ngeni yoacngina deserigecdeac bangec mi kpacbisia. Nga ngeni Yerusaleng imoc ifingoc deserima mi kpacbisia nocac imoc Ngictautoa, yeac taong.

Mareko 14:8

Ngac yomocngo sebina doku homunagocngo nadzicmiu ngeni farenna tonggogecde, imocacnoc yeng hanahema meefainude. Meefainuma yeac uaareng fede, imoc bic mesiude.

Ruka 12:46

Ifi anudeu wanacngic ye tomai mi kecma minginaac uamemenaso nga auaya mi negemmanu minginango haude. Hama uamedac imoc herecge meickeu kemema negen negensingngina kpac, yenigoc kefude.

2 Korinti 8:12

Nga ngeni efaima kucngina fengemmedesoc sese faigec, imoc Anutuac kicfu ngereede. Nga kucngina mi fengemmedeu imoc yoara kpac.

1 Timoteo 6:15

Nga Anutu yengenaoc nasoya negende, imoc fingecbesande. Anutu ye kenehagoc ye tembuha Kuctoa mingina nga yeng ngictau yeneac Ngictau nga kebu yeneac Kebu.

Hebiraio 12:29

Foracngoc, Anutunina ye gerecborang amma wiac sasawa dzeu kpac andarude. (Dser 4:24)

Yohaneac kpefing 15:4

Kebu ge kpetiac, imocac amma sasawango geac damuyunuu kpacga afehebisia. Amma geac faka dindingac didiu fingerecac bangeha bangeha ngicngac yeneng hama geac kicfu numugenggecde.”

Yohaneac kpefing 21:8

Anu ngic karoha nga negen negensingngina kpac amma fakangina mangana wonongagoc nga ngickpekpe amma serongic nga mosocfaka angandae amma nemu numuyemmeandae nga ikocngic sasawa, yeni ine kondung gerec nga sarafa dzema kecde, imohai torokpegecde. Yomocngo homec kpetea yohockang anude.”