Malecaki 1:13 - Deduamiti

¹³ Ifi faima yoac yofi deandae, “Ua imoc gebehagoc ande.” Ifi dema dehesi amma ramaburumaka kateac yangngo kpekpea me hanimangang me hafeiagoc ifiango neac sese dema faikecdae, fakangina ikoha imocac naric mi negeng ngereengemmebade.

Malecaki 1:13 ပူးပေါင်းရင်းမြစ်များ

Amosi 8:5

Amma yofi deandae, “Afo gboriaac nesogai nasotoango noc nasoac wisickeu neni wit balinina suenide nga noc nasoac Sabatango wisickeu neni witnina naric emenecfu suenide?” Anu ngeni kemma ikocfu wiacngina kapianec hederema sigeriu faima kpetea efeanec, imoc hemmaguc buma imoc meemma sueandae.

Mika 6:3

Ngicngacfocna, Ni noc wiac angemmeai? Nga Ni dafi amma herefagung meficgengemmeai? Imoc degec negemba!

Malecaki 1:10

Ngeni aratanau eng kpedzongemema sese ohobauac ngenearunac mongngo sesewomonggac nagu heiu ngereebac. Ni ngeneac mi negen ngereeduaeac amma modzona tiu sesengina faiandae imoc waanduae.’

Malecaki 2:12

Ngicngac engena mameango faka ifia angkecdae, yeni kurumenggac wasaiareng habuya habuya yeneac Kebungo Yacakowac arennunac meicyunudacbesande. Amma yeni yeac sese sing segema faiandae yeni ifingoc meicyunudacbesande.

Malecaki 2:13

Ammanu faka mong yofi angkecdae, Ngeni sese faiandae imoc Kebungo songogoc mi hoanggeande imocac kiac ubahodungnginaac kickumanginango yeac aratau sokodacma feande.

Mataio 6:16

Anu ngeni yaka segekecma ikocngic yeneng angandae, ifi isoc mi ambisia. Yeni yakasege kecdae, naso imohai ngicngo yenenggecdeac kicnangengngina huringaiande. Foracngoc, ngic ifia yeni bungngina hafoangoc bic megec, imoc edengunuduae.

Mataio 6:5

Anu ngeni numubesonga dema ngic ikoha yeneng angandae, ngeni ifi isoc mi ambisia. Yeni kpekpeturang amau nga singtuturunnu numuma nanggec ngic yeneng yenemma dengereyunugecdeac songo negengandae. Foracngoc, yeni bungngina hafoangoc bic megec, imoc edengunuduae.