Malecaki 1:11 - Deduamiti

¹¹ Ni kurumenggac wasaiareng habuya habuya yeneac Kebungo yoac yofi deduae, ‘Bangec sasawa wenac ere ereaunac kengkecma wenac keme kemeau kpac kunennango sokodacbesande nga amea amea yeneng hosuc homung gombung heinemma kpetiac sesena faigec kpac kunennango yadima kendacbeso.

Malecaki 1:11 ပူးပေါင်းရင်းမြစ်များ

Mitiyegec 111:9

Yeng wiacfora sueyunuu yeneng ngicngacfora yungecyunugec. Ye dzadzaha feengkecbesandeac yoac seria edeyunuec. Yeac kpac imoc kpetiac nga bibiagoc.

Mitiyegec 113:3

Wenac ere ereaunac kengkecma wenac keme kemeau wisickede, imohai Kebuac kpac kuneng heiwayong memigec.

Mitiyegec 138:5

Kebuac kuc nga kibikperagitoa, imoc wiac engena. Yeni imocac Kebuac sing fekende, imocac yegec heigecde.

Mitiyegec 141:2

Nunumunango geac kicfu hama hosuc homuna gombunga, ifi isoc ambeso nga marina gearu miacba imocngo maraiac sese gombunga, ifi isoc ambeso.

Mitiyegec 45:17

Fingecsahenina fekecdesoc, yeneac kicfu geac kpac kuneng miacba yeneng afegugecde. Ngicngacareng sasawa yeneng wisic wisickea kpac eriendzong megenggecde.

Mitiyegec 48:10

O Anutu, geac kpac kuneng nga geac eriendzong imocngo bangec tegia fekendaemoc kpesereyunuu negendacgecde. Ge marifoigango firang angkecnecac mariga imocngo wakede.

Mitiyegec 48:11

Tsiontiki ye ubangerec negembeso nga ge wiac foraya deannecac Yehudaac amafora yeni sogaibisia.

Mitiyegec 50:1

Anutu Kuctoa mingina, Kebu yeng yoac dema bangec kparu wenac ere ereaunac kengkecma wenac keme kemeau wisickeude.

Mitiyegec 65:9

Ge bangec yugucke kia mima bangec kerehagoc yombong anudeac amminade nga Anutuac doku, imohai doku efea kpac fede. Ge bangec ifi mengerema ngicngac semengngina meficgeyemmenade.

Mitiyegec 67:2

Ifi anna ngicngac bangecfu kecdae, yeni geac haniaga negembisia nga ge ebicfunac mesiyununadeac kuc fegende, bangec monnunac ngicngac botucnginau kecdae, yeni imoc negembisia.

Mitiyegec 86:9

O Kebu, ge bangeha bangeha ngicngacareng meficyununec, yeneng gearu hadacma kicgau fafoc heigemma hama geac kpac kuneng heiwayong memigecde.

Mitiyegec 96:8

Kebuac kpac kuneng imoc kuhagoc nga kibikperagiagoc. Imoc eweheiheigoc hoanggebesonga. Ngeni sese mema yeac amawomongau hama meembisia.

Danicel 2:45

Amma hoc mong tikiunac mesi mesia imoc maringo mi memea, imoc ukuma aieng nga aieng sacsac, enangbangec, silwa nga gol sasawa hetackedarec, imoc hennec. Noc faka yomocac ngadeau fingecbesande imoc Anutu Engenatoango ngictau ge dekperagigenec. Gaukpefing imoc fora nga imocac hania deireckedua imoc ifingoc fora andeac ge imoc naric negensinggenade.”

Amosi 9:12

Anu yeni Edomgac bangec tosea mema bangec nga ngicngac damoc neanna bingec meisingyunuai yeneac bangec tosea ifingoc megecde.” Kebu wiac sasawa yomoc meude, yeng ifi dekperagide.

Mika 5:4

Anu ye Kebuac kucfu namma habufora garengyunuude nga Kebu Anutuyaac kpackunengnga eweheiheiagoc didiu mekperagiyemmeude. Anu yeni kengeha kpac kecmagec kpackunengngango bangec tegiau kendacbesande.

Tsefanya 2:11

Imocac amma Kebungo yenearu kucfakaya bibiagoc mebesande. Amma bangeha bangehaac nemuongafocngina imoc hembarackedacma meickeu kpac ambesande. Ammanu kondunga kondunga nga nuha nuha yeni ifingoc bangecnginasoc kecma Kebu eweheimibesandae.

Tsefanya 3:9

Naso imohai ngic habuya habuya yeneng Kebu neac kpacna kpacma deafehe nga kpacsambic amma uba mocgu namma heitofoho anemma sasawango kingang kpenengdacbesandaeac amma enacbibicngina dzuacma meremba yoac kongahasac debesandae.

Dzekarya 8:7

Amma ngicngacfocna bangecnginaunac miacyunuba wenac ere ereau nga keme kemeau singsararang kpema kecdae yeni ihacnac monggoc meyunuma bangecnginaungoc komoc kpeyemmebesandua.

Malecaki 1:14

Ngic mongngo ramaburumakafora yenearunac ngiwa mocgu neac sese faiudeac deseriec imoc herandzima rama me burumaka sebia mangana mong faiudemoc ye sowehagoc. Nocac ni ngictau engenatoa nga bangeha bangeha ngicngac yeneng eweheinengkecdae, ni kurumenggac wasaiareng habuya habuya yeneac Kebungo yoac ifinoc deduae.’ ”

Malecaki 3:3

Silwaac uangicngo silwa me gol gerecfu ohou seuha ereu meickeande ifi isocngoc siducdedengic ye Lewiac bangecfora dzuacyunuma isingyunuu yeni sese kereng kereng sing dindingacfu kebuaru mehama faibesandae.

Bangec kisiu 7:74

Amma ye sokoc mong golngo memea faiec, imocac ebiha shekelkpete ten anec nga imoc hosuc homuna gombungaac kerecngo wakema tarec.

Mataio 28:19

Imocac ngeni kemma ngicngacareng sasawa neac sing negemma yoac modac modacareng anggec ngeneng meyunuma yenenggareng ayemmebisia. Amma ngeneng Manggac nga Medac amma Tiri Asu yeac kpacfu doku nadzicyemmebisia.

Mataio 8:11

Imocac yofi edengunuduae, ngic homacngo wenac ere ereaunac nga wenac keme kemeaunac hama Abrahang nga Isaka amma Yakobo yenigoc kurumenggac eucererennu yenahafoc tacma neneyaka negecde.

Ruka 1:10

Heficgeu sesegerec imoc kpedzereckebesonga nasoya hau ye Anutuac womong manau enec. Enu ngicngac habutoa yeni ngadeau numuma nanggec.

Roma 12:1

Ifi anu negen negensinggoc tosofocna, Anutungo wosoefac kuneng angemmeecac dederecge angemmema yofi deduae. Ngeni Anutuac kicfu asuu ua fora mema sebingina desigec imocngo Anutuac sese kekehagoc nga kpetiac anu yeng negenu ngereebeso.

Roma 15:16

Ifi amma Yesu Kristoac kingangkpekpe kecma bangec monnunac ngicngac botucnginau Anutuac kicfu womonggareng kecma ua kpetiac mekecma yeac siduc gombunggac ua mekecduae. Mekecba Tiri Asungo bangeha bangeha ngicngacareng tosea, yeni Anutuac sese dema kpetiac meyunuu Anutungo yeneac negenu ngereede.

Firipi 4:18

Epafoditongo wiac goa ngenearunac mehaecac wiac monggac mi oboho kecba wiacna ebiriangoc fede. Nga wiac imocngo homung kerengagoc amma sese songea, Anutungo imoc henu ngereede.

2 Tesaronike 1:12

Ngeni ifi anggec ngicngac yeni ngeneac amma Kebunina Yesu yeac kpara dengerema eweheimigecde nga yeac amma ngeni ifingoc dengerengunugecde. Imoc Anutunina nga Kebunina Yesu Kristo yereac wosoefacac amma ifi fingecbesande.

1 Timoteo 2:8

Neac negen negeng nga songo yofi anu ngic ngeneac deduae, ngic guruama noboc noboc kecdae, ngeni ngaba nga deendema yoacngina wama maringina kpetiac miacma numubisia.

Yohaneac kpefing 11:15

Anu angero wisic wisickeango trampeha fifiu kurumennunac enacudumengtoa mong fingecma yofi degec, “Kebunina nga yeac danggunucngic Kristo yeri yaguc bangectoa bangec sasawaac mingina andape. Amma Kebuninango ngictau kecde nga kecengkecma kecbesande.”

Yohaneac kpefing 15:4

Kebu ge kpetiac, imocac amma sasawango geac damuyunuu kpacga afehebisia. Amma geac faka dindingac didiu fingerecac bangeha bangeha ngicngac yeneng hama geac kicfu numugenggecde.”

Yohaneac kpefing 5:8

Kibi imoc memanu kekecnginagoc 4 nga ngicenara 24 yeneng yeac kicfu makpegec. Yeni sasawa tembuc tembuc gita kurerenganoc nga sokoc golngo memea metacgec. Sokoc imohacnac hosuc homuna gombunga ereec. Wiac hosuhagoc sokocfu feec, imoc ngicngac kpetiac yeneac nunumungina, imocngo sokocnginau wake wakea feec.