Makekeng 9:16 - Deduamiti

¹⁶ Nga ni ine kucna edzacguba siducna bangectoa bangecfu degec sokodarudeac dema kekecgagoc miacgudua.

Makekeng 9:16 ပူးပေါင်းရင်းမြစ်များ

Nehemia 9:10

Amma Aigitangic yeneng ngicngacfocga wicgiric ayemmegec geng yeni memayununec. Amma Pareco nga uangicfora amma bangec imocac ngicngac yenearu faka morora nga bibiagoc menec. Imoc ge geanggaoc kpac kunengga mekperagiemenec, imocngo yaguc fedengoc.

Mitiyegec 106:8

ye yengena kparaac amma ebicfunac mesiyunuma kuhaac hania mekperagiyemmeec.

Mitiyegec 64:9

Ngicngac sasawa yeneng Anutungo faka meec, imoc negensima deyadigec ngicngac sasawa kengec anggecde.

Mitiyegec 76:10

Bangecngic yeneac herebu, imocngo ge dengereguude. Ge herebuac tosea kebanggau dzegena dzikacac wiacga ande.

Makekeng 14:17

Nga ni aigitangic ubaseri meyunuba yeni modacngunugecde. Pareco nga wasaihabufora sasawa keretacnginagoc amma becosicfu kekengngicfora yeni ifi anggec neng firang amba eweheihei fingecnenude.

Makekeng 14:4

Nga ni Pareco ye ubaseri yombong meficgemiba kporacyunuude. Kporacyunuu ni yeac wasaihabufora sasawa yenigoc ewema firang amba eweheihei fingecnenude. Ifi fingeru aigitangicngac yeni yofi negentegecgecde, ni Kebu.” Ifi deu Isracelngicngac yeni ifi anggec.

Makekeng 18:11

Ni yaguc negenduae, Kebu ye engenatoa, ye nemuonga nga anutu hania hania feracyunude. Imoc yofiac, Aigita yeni sebiengeng amma ngicngacareng yomoc faka mangana yombong ayemmegec yeng yeneac mariunac yungecyunuu kenggec.”

Makekeng 9:15

Ge nga ngicngacfocga bangec yomohanac kpac andacgecdeac ni yagucnoc marina sinema homechafeingo hama ngunudacbeso, ifi ambeso andua.

Makekeng 9:17

Nga geng ine geanggaac negenna engena anu ngicngacfocna kpetariyemmema uaac ebicfunac mi yungecyununadeu faka yofi fingerude,

Malecaki 1:11

Ni kurumenggac wasaiareng habuya habuya yeneac Kebungo yoac yofi deduae, ‘Bangec sasawa wenac ere ereaunac kengkecma wenac keme kemeau kpac kunennango sokodacbesande nga amea amea yeneng hosuc homung gombung heinemma kpetiac sesena faigec kpac kunennango yadima kendacbeso.

Malecaki 1:14

Ngic mongngo ramaburumakafora yenearunac ngiwa mocgu neac sese faiudeac deseriec imoc herandzima rama me burumaka sebia mangana mong faiudemoc ye sowehagoc. Nocac ni ngictau engenatoa nga bangeha bangeha ngicngac yeneng eweheinengkecdae, ni kurumenggac wasaiareng habuya habuya yeneac Kebungo yoac ifinoc deduae.’ ”

Bangec kisiu 14:21

Amma ni kecyombonggeduae nga Kebu neac kibikperagitoango bangectoa bangec hafoangoc sokodacma fede. Nga ni yofi ayemmebade,

Roma 9:17

Mitikibiu yoac oho ohoya fede, imocngo Farao yofi edeec, “Ni gearu kucna bangeha bangeha edzacyunubade nga kpacna dekperagigec kenu negendacgecdeac amma miacguai.” (Mke 9:16)

Roma 9:22

Enang goa yeni kuc kperaginginagoc anggecdeac Anutungo warac wosocefac ayemmema mengereyunuec. Ngicngac yeni yeac kuc kibikperagiagoc henggecde, songoya ifi anec. Ye desi desiac fakaya ngicngac edzacyunuudeac nga yeni kuha negenggecdeac enang goa yeni kpedzac kpedzameaac arennu bic faifaia nandae, yeneac amma modzotitia kpac nasoherec tomaingina kecande, ye songea naric modacma ifinoc anude.

1 Petoro 2:19

Ngic mong ye Anutuac yoac ubahereau feu imoc modaru goango kopocsiha kpac hemmaguc sifu ebicfu faigec kpendzeng kpeudeu faka imocngo danggunuhagoc anude.

1 Petoro 2:8

“Nga yeni hoc imohai kpondzong heigecde nga peperandziu tifainggema negemmangang meficgegecde.” (Yes 8:14) Yeni Anutuac yoac kpeandaeac ifi anggecde, yoac imoc yeneac bic dedea.