Makekeng 8:8 - Deduamiti

⁸ Ifi fingeru Parecongo Mose nga Aharon haecdeac yoac fau haec yofi edeyuruec, “Ngeri Kebungira numumiec yeng sepengtoatoa ni nga ngicngacfocna nenearunac meicyunuu ni ngicngacareng faiyunuba yeni naric kemma Kebungina sesegerec ohomibisia.”

Makekeng 8:8 ပူးပေါင်းရင်းမြစ်များ

Mitiyegec 66:3

yofi debisia, “Geng wiac angannec, imoc wiac engena yombong, imocac kerectegec andimbe. Ge kucga monggoc, imocac ngabafocga geac bageu kecma ngonducnegecde.

Makekeng 10:16

Ifi fingeru Pareco ye Mose nga Aharon haecdeac yoac bic yombong fau kenu haec yofi edeyuruec, “Ni Kebu Anutungina kopocsic meficgemima ngeni ifingoc angemmedua.

Makekeng 10:17

Imocac ngeri negennemma kopocsicna naso yomocacnec wama Kebu Anutungira numumiec homecac kpendzeng yomocsac nearunac meickeu kpac ambeso.”

Makekeng 10:18

Ifi deu Mose ye imohacnac mama Kebu kpacsambic ammiec.

Makekeng 14:5

Anu Isracelngicngac yeni worama kenggec aigitangicngac yeni ngictaungina siduc edegec. Edegec negemma ye yengena nga enactofoc tofohongicngacfora yeni siduc imoc negemma negen negengngina monggoc meremma degec, “Nenang mi negentegecma Isracelngicngac yungecyununi kemma wanac uanina wama monggoc mi megecde, imocngo mi ngereede.”

Makekeng 32:11

Anu Mose ye Kebu Anutuyaac kicfu kpacsambic ammima yofi numumiec, “O Kebu, gennoc ngicngacfocga Aigitabangecfunac kuctoagagoc nga mariserigango meyunuma hesicyunuma hanec. Ge yenearu herebugaac gerecngo yonohoudeac denec, imoc mi ngereede.

Makekeng 5:2

Ifi deec Parecongo ine yofi deec, “Kebu ye merac? Ni yoara negentofoho amma Isracel ngeni kenggecdeac naric mi faingunuba kenggecde, kpac yombong. Kebu ye merac, imoc mi negemmiduaeac amma naric mi faiyunuba kenggecde.”

Makekeng 8:15

Anu Pareco ye henu sepengtoatoa kpac andacgec sebia efaiu monggoc ubaseri amma mi negenyecmeec. Imoc Kebungo bic deec, ifi yombong fingerec.

Makekeng 8:29

Ifi deu Mosengo yoac yofi meremmiec, “Ni yaguc waguma kemema Kebu numumiba wereckenu mogoc dzacgoc imoc ge nga enactofoc tofohofocga nga ngicngacfocga ngenearunac meickeu kpac andacgecde. Nga yoac mocgu imoc yofi, ge tobannunuma ngicngachabu yeni Kebunginaac sesegerec ohomigecdeac kembeso degec monggoc mi segereyunubesena.”

Makekeng 8:32

Anu Pareco ye naso imohai ifingoc ubaseri yombong ammangicngac uaac ebicfunac kenggecdeac mi yungecyunuec.

Makekeng 8:9

Ifi deu Mosengo yoac yofi meremmiec, “Naric, nga ni ifingoc eweheihei anggenduae. Nga dafineng ge nga enactofoc tofohofocga amma ngicngacfocga ngeneac numuba sepengtoatoa imoc ngenearu nga amabangecngina fekendesoc imohacnac kpetotieyunudacba dokuusac kecbisia, imocac naso imoc ge geanggaoc edenuna.”

Makekeng 9:27

Ifi fingeru Parecongo Mose nga Aharon haecdeac yoac fau yeri haec yofi edeyuruec, “Ni naso yomohai kopocsic kuneng meficgedua, Kebu ye dindingac nga ni amma ngicngacfocna neneng faka mangana anding.

Makekeng 9:28

Anutuac gbumparandang nga aisgbomea feracnunuyombonggedeac ngeri Kebu numumiec. Numumiec ine faingunuba naric kenggecde. Ngeni yei naso ukuma torokpema mi kecbisia.”

Makekeng 9:33

Anu Mose ye Pareco nga taong wayuruma kemma maria Kebuaru miaru gbumparandang nga kia aisgbomeagoc kpac ammategeru kiatungbaung bangecfu dzikeec.

Bangec kisiu 21:7

Homegec ngicngac yeni Mosearu hama yofi edegec, “Neni Kebugoc ngeri yoac dengecmema kopocsic meficgedinggac amma ge Kebungo nenearunac boidzoc sasawa meicyunuudeac numumibesena.” Ifi degec Mose ye ngicngac yeneac amma numuec.

Aposoro 8:24

Ifi deu Simongngo deec, “Wiac dedapemoc, imoc mi fingecnembeso. Imocac ngeraoc neac amma Kebu numumiec.”