Makekeng 8:22 - Deduamiti

²² Nga ni wenac imohai ngicngacfocna Gosen bangecfu kecdae yeni segereyunuba yenearu mogoc dzacgoc mi fingerude. Kebu neng bangec yomohai kecduae, imoc negentegecnadeac ifinoc ambade.

Makekeng 8:22 ပူးပေါင်းရင်းမြစ်များ

Fingec fingec 46:34

ngeni yofi dema edebisia, ‘Enac tofoc tofohofocga neni mangfocnina yeni ramaburumakagareng kecgec anu neni ifingoc modacyunuma sebigborininaunac kecma yaguc ua imocngoc mekecdimbe.’ Ngeni ifi dema edegec Gosen bangec imoc kecgecdeac desingemmeude. Imoc yofiac, aigitangic yeni ramaburumakagareng yeneac modzotiti yombong angandae imocac amma ngeni naric imohai kecbisia.”

Mitiyegec 110:2

Kebungo Tsion amau tacma ngictauyasuga faiu hau ge imoc mema ngabafocga yeneac botucfu ngictau amma ngic kunengngina kecbesena.

Mitiyegec 74:12

O Anutu ngictauna, gennoc waracngoc kecma kecnecngoc amma ge bangecfu yagucngoc memengerec ua mekecnec.

Makekeng 10:23

ngicngac yeni engenggecdeac ambibiema tatacnginausac tacmagec uameme harebec wisickeec. Nga Isracelngicngac yeneac amabangecfusac kperagi feu naric kecgec.

Makekeng 12:13

Amma ngeneac nagunginaac sangoyau sac hosogec imoc hemma feracngunubade nocac ngeneng amau tacdae, imocac kpetengina sacngo anude. Nga Aigitabangecfu warac fingec fingera kpetotieyunubade imohai ngeni yenigoc mi kpetotiengunubade.

Makekeng 19:5

Imocac amma yoacna negentofoho amma dzadzahacna mema kecgecdeu ngicngacareng yeneac botucfu segerengunuba neac ngicngacfocna yombong anggecde. Bangectoa bangec imoc neac.

Makekeng 20:11

Kebu ye wenac uameme siks ua mema kurumenga kurumenga nga bangec nga kondung amma wiac yeneac manau fekendacdae imoc meficgedarec nga wenac kpete sewen imohai tacnegenec. Imocac Kebungo tacnegenggac wenac kenehema segerema kpetiac annideac desiec.

Makekeng 7:17

Imocac Kebungo yofi dede, yasu marinau meduae, imocngo doku kpeba sac anude. Ifi fingeru nennoc Kebu, imocac hania negentegecnade.

Makekeng 7:5

Anu ni marina sinema Aigitangic ebic meficgeyemmema Isracelac ngicngacareng yeneac botucnginaunac wangecyunubade, naso imohai, nennoc Kebu, imocac hania kekecnginau negentegecyombonggegecde.”

Makekeng 8:10

Deu edeec, “Wereckenu.” Ifi deu Mosengo deec, “Denec isoc, ifi fingecbeso. Fingeru ine ge yofi negentegecbesena, Kebu Anutunina ye isoc mong mi kecde.

Makekeng 8:21

Nga ge ngicngacfocna uaac ebicfunac mi yungecyununadeu ni mogoc dzacgoc yeneng hagecdeac deba ge nga enactofoc tofohofocga nga ngicngacfocga amma amanginau momoc fingecgecde. Amma aigitangicngac yeneac amau mogoc dzacgoc yeneng hama wakegecde nga ama tackendesoc nga bangecfu momoc sokodacgecde.

Makekeng 8:23

Amma neac ngicngacfocna yeni faka siriha mong ayemmebade nga geac ngicngacfocga ine faka siriha mong ayemmebade. Kpete kuhagoc imoc wereckenu yombong fingerude.’ ”

Makekeng 9:26

Nga Isracelngicngac Gosenbangecfu kecgec yenearusac aisgbomea mong mi heiec.

Makekeng 9:29

Ifi deu Mosengo turunga yofi meremmiec, “Ni taong wama marina sineba Kebuaru enu gbumparandang nga kia aisgbomeagoc tegeckenu yofi negentegecbesena, bangectoa bangec imoc Kebuac.

Makekeng 9:4

Nga isracelngicngacfocna yeneac yang mong mi homegecde. Ni yeneac yang sasawa faka mong ayemmebade nga Aigita yeneac yang sasawa ine faka siriha mong ayemmebade.” ’ ”

Makekeng 9:6

Anu ama wereckenu Kebungo faka ifinoc meu aigitangicngac yeneac yang homedacgec nga Isracelngicngac yeneac yang mongngo mong mi homegec.

Malecaki 3:18

Amma damoc yeneng kenecnginagoc imoc ngicngac dindingac me ngicngac mangana yeni Anutuac ua mekecdae me yeni yeac ua waandae ngeni imoc monggoc hensigecde.” Kurumenggac wasaiareng habuya habuya yeneac Kebungo yoac ifi dede.