Makekeng 8:10 - Deduamiti

¹⁰ Deu edeec, “Wereckenu.” Ifi deu Mosengo deec, “Denec isoc, ifi fingecbeso. Fingeru ine ge yofi negentegecbesena, Kebu Anutunina ye isoc mong mi kecde.

Makekeng 8:10 ပူးပေါင်းရင်းမြစ်များ

Mitiyegec 83:18

Geac kpac kuneng imoc Kebu. Ge mocgungo bangectoa bangec fekendacde, imocac Engenatoa kecnec, yeni imoc negembisia.

Mitiyegec 86:8

O Kebu, anutu hania hania kecdae, yeneac botucfu mongngo ge isoc mi kecde. Anu geng ua mekecnec, ua ifi isoc mongngo mi mekecde, kpac.

Mitiyegec 9:16

Kebungo yoacfu faifai uaya ngicngac yenearu meu neni ye negemmidimbe. Ngic Anutu ngadehema mangana megecdeac ayemmeande, yeni maringinango ua megec, imocngo yenang botacngina amma witicyunuude. Higgaiong, Selac

Makekeng 15:11

O Kebu, nemuonga nga anutu hania hania yeneac botucfu ge isoc mong mi kecdae! O, ge isoc mong mi kecdae. Ge engenatoa ngictauac kucgagoc amma ge kpetiac. Ge damu damugagoc amma faka bibiagoc angkecnecac geac heiwayong anggemma yegec heigembesonga.

Makekeng 8:9

Ifi deu Mosengo yoac yofi meremmiec, “Naric, nga ni ifingoc eweheihei anggenduae. Nga dafineng ge nga enactofoc tofohofocga amma ngicngacfocga ngeneac numuba sepengtoatoa imoc ngenearu nga amabangecngina fekendesoc imohacnac kpetotieyunudacba dokuusac kecbisia, imocac naso imoc ge geanggaoc edenuna.”

Makekeng 9:14

Bangectoa bangec yomohai ni isoc ifia mong mi kecdae, imoc negennadeac naso yomohai ge nga enactofoc tofohofocga amma ngicngacfocga ngeni yombong ngunuma kpendzenggac ebic sasawa imoc sueba witinginau haudeac negenduae.

Makekeng 9:29

Ifi deu Mosengo turunga yofi meremmiec, “Ni taong wama marina sineba Kebuaru enu gbumparandang nga kia aisgbomeagoc tegeckenu yofi negentegecbesena, bangectoa bangec imoc Kebuac.

Yakobo 4:14

Ngeneng wereckenuac siriha nga kekecngina dafi anude, imoc mong mi negendae. Kekecngina imoc hosuc isoc, naso wegenanecsac erema kpac anude.