Makekeng 7:3 - Deduamiti

³ Nga ni ine Pareco ubaseri meficgemima Aigitabangecfu ebicfaka kuhagoc nga faka mi hehena hania hania monggoc nga monggoc mebade.

Makekeng 7:3 ပူးပေါင်းရင်းမြစ်များ

Nehemia 9:10

Amma Aigitangic yeneng ngicngacfocga wicgiric ayemmegec geng yeni memayununec. Amma Pareco nga uangicfora amma bangec imocac ngicngac yenearu faka morora nga bibiagoc menec. Imoc ge geanggaoc kpac kunengga mekperagiemenec, imocngo yaguc fedengoc.

Mitiyegec 135:9

O Aigita bangec, ye gearu hama geac botucfu negensinggegecdeac faka kuhagoc amma kucfaka bibiagoc sueyunuu fingecma Pareco nga habufora memanganeyunuec.

Mitiyegec 78:12

Ye Aigita bangecac Tsoan yeneac bangec nobohau esangabo yeneac kicfu kucfakaya bibiagoc meec.

Makekeng 11:10

Anu Mose nga Aharon yeri Parecoac kicfu kucfaka mi hehena imoc sasawa medaroc nga Kebungo Pareco ammiu ubaseri yombong amma Isracelngicngac yeni bangeha wama kenggecdeac uaac ebicfunac mi yungecyunuec.

Makekeng 11:9

Anu Kebungo Mose yofi edeec, “Ni Aigitabangecfu fakami hehena homac mebadeac negenduae, imoc fingecdarudeac Parecongo mi negengngemmeude.”

Makekeng 14:4

Nga ni Pareco ye ubaseri yombong meficgemiba kporacyunuude. Kporacyunuu ni yeac wasaihabufora sasawa yenigoc ewema firang amba eweheihei fingecnenude. Ifi fingeru aigitangicngac yeni yofi negentegecgecde, ni Kebu.” Ifi deu Isracelngicngac yeni ifi anggec.

Makekeng 3:20

Imocac ni marina sinema aigitangicngac yeneac botucfu ebicfaka hania hania mi hehena Aigita meficgeyemmema yunubade. Imoc amba wisickeu ine yungecngunuu kenggecde.

Makekeng 4:21

Anu Kebungo Mose yofi edeec, “Ge Aigitabangecfu dzigene kennade, naso imohai faka sasawa mi hehena, imoc menadeac kuc genai, imoc negensima Parecoac kicfu medacbesena. Nga neng ine ubaseri meficgemiba ngicngacareng uaac ebicfunac naric mi yungecyunuude.

Makekeng 4:29

Anu Mose nga Aharon yeri kemma Isracelngicngac yeneac enarafocngina sasawa hagecdeac yoac faima kpedzucyunuoc.

Makekeng 4:7

Ifi anu deec, “Mariga monggoc ngakpi manau monggoc sinena kemeu.” Ifi deu maria ngakpi manau monggoc sinema taiu lepra imoc kpac anu maria sebia tosea isoc monggoc anec.

Makekeng 7:13

Anu Kebungo deec, faka ifi yombong fingerec. Pareco ye ubaseri amma mi negengyecmeec.

Makekeng 9:16

Nga ni ine kucna edzacguba siducna bangectoa bangecfu degec sokodarudeac dema kekecgagoc miacgudua.

Mika 7:15

“Anu naso imohai Aigitanac meicngunuma faka morora edzacngunuyai ifi isocngoc yeni edzacyunubesanduae.”

Yohane 4:48

Ifi deu Yesungo yofi edeec, “Ngeni faka kuhagoc nga faka morora mi hemma eng mi negensinggegecde.”

Aposoro 2:22

Israengic, ni edengunuba negenggec, Yesu Nadzaretenac, ye Anutungo meefaima nonggo tacmimanu botucnginau faka kuhagoc nga negensinggegecdeac faka kuhagoc nga faka mi hengena meec. Imoc bic irec ireckeaac hania hentegecgec.

Aposoro 7:36

Ifi amma Anutungo Mose sueu kemma hesicyunu haec. Ye Aigita bangecfu nga Kondung sacsacfu nga bangeckisiu faka mi hehena nga negensinggegecdeac faka kuhagoc homac mema kecmanu kifa 40 anec.”

Roma 15:19

Imoc Anutuac Asu yeac kucfu fingerec, yeac kucfaka hania hania morora hemma yoara modacgec. Ni siriha ifia Yerusalennu hanahema bangec noboc noboc mekengkecma Iririkong provinsiu wisickeu Kristoac siduc gombung dekperagiyemmedarai.

Roma 9:18

Imoc yofi, Anutungo mong wosoefac ammibesonga negendeu, imoc ammiude. Amma monggac herea dzegebesonga negendeu, imoc dzegeude.