Makekeng 7:11 - Deduamiti

¹¹ Ifi anu Pareco ye ngicfora bangecac asugoc kucfaka memeac negen negenggoc kecgec, nga kpefingdedengicfora yeni hagecdeac yoac fau yeni hama fakangina megec kpete imocngoc fingerec.

Makekeng 7:11 ပူးပေါင်းရင်းမြစ်များ

Fingec fingec 41:8

Ifi negemma ama wereckenu ubaebic meec. Mema yoac fau kenu Aigita bangecfu sesememengic mosocfaka mema wiac hengandae nga negen negengngic sasawa kecgec yeni hadacgec. Hadacgec Parecongo gaukpefing henec imocac siduc edeyunuec. Anu yenearunac mongngo gaukpefing imocac hania mendzicma ye edeudeacsoc mong mi anggec.

Makekeng 7:12

Yeni tembuc tembuc sasawango yasungina ukugec boidzoctoa andacgec anu Aharonggac yasungo yeneac yasu gbokoyunudarec.

Makekeng 7:22

Anu Aigitangic mamocnginagoc yeni fakangina imocngoc megec Pareco ye ubaseri yombong amma Kebungo deec, imocac siricfu amma mi negenyecmeec.

Makekeng 8:18

Nga ngic mamocnginagoc faka hania hania bangecac asugoc mekecgec, yeni numururucngo fingerudeac kpete megecdeac negemma mebibiegec. Ifi anggec numururucngo ngicngac nga yang yinigec.

Makekeng 8:3

Nga yeni Nilidoku waketorockema erema geangga ngictauamagau emma fefeamagau nga fefegau ifingoc eregecde. Amma kengkecma enactofoc tofohofocga nga ngicngacfocga yeneac amau emma stoffu icsogong meandae, imohai emma uha dokugoc yerecgeandae, otoya imohai ifingoc enggecde.

Makekeng 8:7

Nga ngic mamocnginagoc faka hania hania bangecac asugoc mekecgec, yeni ifingoc fakangina megec kpete socfungoc fingeru sepengtoatoa fingecma Aigitabangec sokodacgec.

Danicel 2:2

Ifi anu ngictaungo kpefingdedengicfora nga ngic asu hania hania meicyunuandae nga ngic bangecac asu heitaiyunuandae nga faka hania hania angandae amma kasedingic sasawa yeni yeng gaukpefing siriha dafi henec imoc edegecde, ifi negemma yearu bic hagecdeac kpacyunuu yeni hama yeac kicfu nanggec. Ye yofi negemma kpacyunuec,

Danicel 2:27

Ifi kpesimiu Danicel ye ngictauac kicfu turunga yofi meremmiec, “O Ngictau, wiac sufu sufuya kpesinemmenec imoc negen negengngic nga ngic asu hania hania meicyunuandae nga ngic mamocnginagoc nga ngic asomeng hemma hania deandae imoc yeneng imoc edegugecdeacsoc mi andae.

Danicel 4:6

Ebiriu Bawelac ngic negen negengnginagoc sasawa gaukpefing imocac hania dekperaginenggecdeac hesicyunugec habisia, yoacseria imoc faiba kendarec.

Danicel 5:11

Ngic mong eucererenggau kecde ye anutu kpetiac yeneac asugoc kecde. Nga geac manggaac nasou negen negeng irec ireckea nga negengising amma negen negentegec imoc anutu yeneac negen negentegec isoc ngic yearu meficgegec. Ifi meficgema mangga Newukadnetsarngo Danicel meisinggema kpefingdedengic nga ngic asu hania hania meicyunuandae amma kasedingic nga ngic asomeng yenemma kpefing deandae imoc yeneac enarangina anudeac uayoac miec.

Danicel 5:7

Ifi fingecmiu kucgoc yombong arohoma kpacma ngic asu hania hania meicyunuandae nga kasedingic amma asomeng yenemma kpefingyoac deandae imoc yeni yearu bic hesicyunu hagecdeac dederecge ayemmeec. Deu hagec Bawelac negen negengngic yofi edeyunuec, “Ngic mong ye kibi oho ohoya imoc osou negembade amma imocac hania dekperaginenude, ye wamba kibia giweng heimima kubu golngo memea ubahemima kuc miba eucererennau ngickuneng ngictau bageau kpete harebec ua imoc meudeac faiba yeng garengyunuude.”

Mataio 24:24

Imoc yofiac, Messia ikoha nga profete ikoha yeneng fingecma ngicngac uba mesufu ayemmegecdeac tobangyunuma faka morora nga faka kuhagoc engena megecde. Amma yeni sing meficgegecdeu ngicngac isingyunuyunuya ifingoc ikocfu wangecyunugecde.

Garata 3:1

Garata ngic, ngeni negen negentegecngina kpac yombong. Yesu Kristo mariponnu kpegec nanec, ngeni imoc negentegecgecdeac kicnginau yoac soha kpoungemmeing. Nga ngic mongngo ine kundunggac faka mong angemmema negen negengngina mesufuu ngeni ifi isoc kecdae.

2 Tesaronike 2:9

Ngic imoc ye Satangngo meficgeu kefude. Ye ngicngac ikoc ayemmeudeac faka kiwa morora mema kuha sasawa edzacyunuma

2 Timoteo 3:8

Nga bicngoc Yane nga Yambere yeri Moseac yoac waoc, ifi isoc ngic deduae, yeni negen negeng ikohagoc kecma yoac fora kpeandae amma negen negensinggac sing segegecde.

2 Timoteo 3:9

Yane nga Yambere yereac sicsauc faka didiu fingeru sasawango imoc negenggec, ifi isoc sasawa yeneng ngic imocac sicsauc fakangina hentegecgecdeac amma ikoc yoacngina monggoc mi yadiude.

Yohaneac kpefing 19:20

Nga profete ikohango wasaipusiac kicfu faka kuhagoc mekefu ngicngac wasaipusiac kibi megec nga yeac ongea numumigec, yeni ubamesufu ayemmeec. Anu yeneng wasaipusi nga profete ikoha yeri meyuruma kondung gerec nga sarfango dzema kecde, imocac manau gbori ukuyurugec.