Makekeng 6:7 - Deduamiti

⁷ Yungecngunuba kenggec ni mengunuba neanna ngicngacareng anggecde nga ni Anutungina amma kecbade. Ngeni aigitangic yeneac bageu wanac kecma faficua ebiria mema kecmagec ni mengunuma imohacnac hesicngunuba kenggecde. Ifi fingeru ngeni yofi negentegecyombonggegecde, ni neannaoc Kebu Anutungina.

Makekeng 6:7 ပူးပေါင်းရင်းမြစ်များ

Fingec fingec 26:3

Bangec yomoc sasawa ge nga bangecfocga ngemmebesanduaeac ge bangec yomohai kecna ni gegoc kecma kenecgubade. Imoc mangga Awraham deserimiai imocac fora fingerudeac ambade.

Fingec fingec 28:13

Yenemmanu Kebungo imohai namma yofi dema edeec, “Ni Kebu, mangesaga Awraham nga Itsak yereac Anutu. Bangec fenec imoc ge nga bangecfocga ngemmebesandua.

Nehemia 1:10

Isracel yeni geac uangicfocga nga ngicngacfocganoc. Ge kuctoaga engena nga mariserigango mesiyununec.

Mitiyegec 100:3

Kebu ye Anutu, ngeni imoc negembisia. Yennoc meficnunuma menunuu nenang yeac ngicngacareng andimbe. Nga yeac ngicngacareng amma yeac rama habufora amma yeac oda manau kecdimbe.

Mitiyegec 81:6

Negemba yofi deec, “Ni fuanginaunac ebic mesima maringinaunac uaac sakac ebira meickeba

Makekeng 13:14

Anu kecma medacgango yofi kpesigenude, ‘Faka imoc hania dafiac angandae?’ Ifi deu yofi edebesena, ‘Kebu mariseriagocngo Aigita wanac ua manaunac wangecnunu haec.

Makekeng 13:3

Ifi deu Mosengo ngicngac yofi edeyunuec, “Kebunina ye mariseriango Aigitaac wanac uaac manaunac wangecngunuu magec, wenac imoc negenggec fekecbeso. Imocac wiac aengagoc naso imohai mi nekecbisia.

Makekeng 14:18

Anu ni Pareco keretacyagoc nga wasaingicfora becosicfu hadae yenigoc ewema firang amba eweheihei fingecnenu Aigitangic yeni yofi negentegecgecde, ninoc Kebu.”

Makekeng 14:4

Nga ni Pareco ye ubaseri yombong meficgemiba kporacyunuude. Kporacyunuu ni yeac wasaihabufora sasawa yenigoc ewema firang amba eweheihei fingecnenude. Ifi fingeru aigitangicngac yeni yofi negentegecgecde, ni Kebu.” Ifi deu Isracelngicngac yeni ifi anggec.

Makekeng 15:16

Kengectoa nga bibictakpac takpacge ayemmeec. Mariga kuctoayagoc imocngo faka mena yeni hoc isoc kockpaha kpac nammagec habufocga yeni ferecgegec. O Kebu, ge geanggaoc ngichabu bummenununec nenennoc ferecgeding.

Makekeng 15:2

Kebu ye kucna nga yegecna amma yeng onggonnuec. Ni ye dengerekecbade yennoc Anutuna, ye kpac kuneng mibade, ye mannaac Anutu.

Makekeng 16:12

“Ni Isracelngicngac yeneac ubakpekpeyoac bic negenduaac ge yofi edeyununa, ‘Ama marai anu wiac fusingina songeagocngo hangemmeu negecde nga ama werec wereckenggac icsogong negebec anggecde. Ifi amma ni Kebu ngeneac Anutungina imoc negentegecgecde.’ ”

Makekeng 16:6

Ifi deu Mose nga Aharon yeri Isracelngicngac sasawa yofi edeyunuoc, “Kebungo noc Aigitabangecfunac yungecngunuu hagec, ngeni imoc negentegecgecac yeng imoc ama toforebeso ammanu edzacngunuu hentegegecde.

Makekeng 2:11

Anu Mose ye kecma yaditegecma naso monnu Isracelngicngac tosofora yenearu kemma henu wanacngicua ebiria yombong megecdeac ngombongyunugec yenenec. Yenemmanu aigitangic mongngo hebiraiongic tosofora yenearunac mong kpeu henec.

Makekeng 6:6

Imocac Isracelngicngac yofi edeyununa, ‘Nennoc Kebu, anu aigitangic yeneng mengunuma uatoa ebiria yombong ngemmema ngombongngunuma kecgec neng imohacnac onggongngunuma hesicngunuba kenggecde. Ni marina sinema yoacngina dema memetingtoa yemmema ngeni uaac ebicfunac yungecngunuba kenggecde.

Makekeng 7:17

Imocac Kebungo yofi dede, yasu marinau meduae, imocngo doku kpeba sac anude. Ifi fingeru nennoc Kebu, imocac hania negentegecnade.

Dzekarya 13:9

Nga ngicngac kpetengina kpadzi mocguacsoc, yeni silwa dzuacgecdeac gerecfu faigec dzeu seuha isinggeandae me gol tobanggegecdeac gerecfu faigec dzeu isinggeandae ifi isocngoc ngicngacfocna gerecfu yonohoma isingyunubesandua. Anu yeni kpacna kpacbesandae, yeni turunga merengyemmebesandua. Amma ngicngacfocna deyemmeba yeneng yofi debesandae, ‘Kebu ye anutunina.’ ” Kebu ye Anutunina.

Bangec kisiu 15:41

Ni Kebu Anutungina, nennoc Anutungina kecbadeac dema Aigitabangecfunac wangecngunu hayai. Ni Kebu Anutungina.’ ”

Mataio 22:32

‘Ni Abrahang nga Isaka amma Yakobo, yeneac Anutu.’ (Mke 3:6) Ngeni imoc osonegeng mi angandae gedang. Nga ye ine ngic homemea, yeneac Anutu kpac. Ye gbori kecdimbe, neneac Anutu.”

Roma 8:31

Imocac amma Anutungo nanggenunuma nenanggoc kecmanu mongngo sinnina hedzickema naric mi memanunuude.

Hebiraio 11:16

Nga bangec mongngo esea ferahede kpara kurumeng, yeni bangec imocac ayemmeec. Imocac amma “Anutu ye Anutunina.” yeni ifi degec, ye game mi kpekecde, nocac yeng yeneac negemma taong mong bic mengereec.

1 Petoro 2:10

Ngeni warac ngicngacareng mocgu mi kecgec, kpac. Nga yaguc Anutuac ngicngacfora amma yeac areng kecdae. Ngeni warac Anutuac wosoefac mong mi hengkecgec. Nga yofinenggac yeac wosoefac hemma kecdae.

Yohaneac kpefing 21:3

Taru ni enacudumengtoa ngictau tatacfunac negemba yofi deec, “Henggec Anutuac womong imoc ngicngac yenigoc nanu yeni yeac areng anggec Anutu yengenaoc yenigoc kecma Anutungina kefude.

Yohaneac kpefing 21:7

Firang anude, yeng eucererenggac wiac sasawa yomoc meu neng yeac Anutu amba yeng medacna anude.