Makekeng 6:6 - Deduamiti

⁶ Imocac Isracelngicngac yofi edeyununa, ‘Nennoc Kebu, anu aigitangic yeneng mengunuma uatoa ebiria yombong ngemmema ngombongngunuma kecgec neng imohacnac onggongngunuma hesicngunuba kenggecde. Ni marina sinema yoacngina dema memetingtoa yemmema ngeni uaac ebicfunac yungecngunuba kenggecde.

Makekeng 6:6 ပူးပေါင်းရင်းမြစ်များ

Nehemia 1:10

Isracel yeni geac uangicfocga nga ngicngacfocganoc. Ge kuctoaga engena nga mariserigango mesiyununec.

Mitiyegec 77:16

O Anutu, doku nga dzohong yeneng warac gemma kengec anggec. Bangec manau keme kemeango gemma dendeng kpeec.

Mitiyegec 81:11

“Ngicngacfocna ngeneng ine ubaudumennaac kedzac mong mi kpegec, kpac yombong. Isracel areng ngeni wanuma neac yoac mi tofohogec.

Mitiyegec 81:6

Negemba yofi deec, “Ni fuanginaunac ebic mesima maringinaunac uaac sakac ebira meickeba

Mitiyegec 81:7

ngeni ebicnginagoc kecma kpacnugec ebicfunac mesingunuai. Ni hoennu gbururunggac manau sufuma yoacnginaac turunga merengngemmema Meriwa doku imohai faitobannu faingunuyai.” Selac

Makekeng 1:11

Ifi deu ua megecdeac keracnatang mangana yeneac bageau faiyunugec yeni kpendzengtoa kpema kecgecdeac negemma ua ebira yombong megecdeac ngombongyunugec. Ngombongyunugec yeneng Parecoac kpounecac taontoa yohockang, Pitom nga Racamses meyurugec.

Makekeng 12:41

Nga kifa 430 wisickeu wenac imohai yombong Kebu yengena habu sasawa yeni Aigitabangec wama kenggec.

Makekeng 12:51

Nga wenac imohai yombong Kebungo Isracelac ngicngacareng habuya habuya Aigitabangecfunac wangecyunuu kenggec.

Makekeng 13:14

Anu kecma medacgango yofi kpesigenude, ‘Faka imoc hania dafiac angandae?’ Ifi deu yofi edebesena, ‘Kebu mariseriagocngo Aigita wanac ua manaunac wangecnunu haec.

Makekeng 13:16

Kebu mariseriagocngo Aigitabangecfunac wangecnunuecac faka imocngo ma isoc anu marigau faima kporucsusucfu kibi ohoma kicmesugau dzegebesena.’ ”

Makekeng 13:3

Ifi deu Mosengo ngicngac yofi edeyunuec, “Kebunina ye mariseriango Aigitaac wanac uaac manaunac wangecngunuu magec, wenac imoc negenggec fekecbeso. Imocac wiac aengagoc naso imohai mi nekecbisia.

Makekeng 15:13

Ge yoac dedzege amma imoc modackecnec. Ge faka imoc amma ngicngacfocga uaac ebicfunac bummeyunuma hesicyununa kenggec. Ge kucgango wangeckpeteng ayemmema kpetiac amagau faiyununec.

Makekeng 16:6

Ifi deu Mose nga Aharon yeri Isracelngicngac sasawa yofi edeyunuoc, “Kebungo noc Aigitabangecfunac yungecngunuu hagec, ngeni imoc negentegecgecac yeng imoc ama toforebeso ammanu edzacngunuu hentegegecde.

Makekeng 18:1

Anutungo Mose nga Isracel ngicngacfora meficyunuma yenearu faka sasawa medarec amma Kebungo Isracelngicngac Aigitabangecfunac wangecyunuu magec, imocac siduc Mose yofea, imoc Midyanbangecfunac sesememengic kpara Yitro, yeng negendarec.

Makekeng 2:11

Anu Mose ye kecma yaditegecma naso monnu Isracelngicngac tosofora yenearu kemma henu wanacngicua ebiria yombong megecdeac ngombongyunugec yenenec. Yenemmanu aigitangic mongngo hebiraiongic tosofora yenearunac mong kpeu henec.

Makekeng 3:17

Ifi anu deserima yofi deduae, ni Aigitabangecac sisic kpendzennunac wangecngunu kengkecma kenacanngic, hittingic, Amoringic, peridzingic nga hiwingic amma yebusingic, yeneac bangecfu faingunubade. Bangec imohai namu nga hanifosoc doku isoc hakecde.

Makekeng 3:8

Imocac ni aigitangicngac yeneac mariunac yungecyunuma onggongyunuba komoc kpegecdeac negemma madua. Amma bangec imohacnac wangecyunuma kemma bangec gombunga nga kunengtoa ihai faiyunubade. Bangec imohai namu nga hanifosoc doku isoc hakecde. Imoc kenacanngic, hittingic, Amoringic peridzingic nga hiwingic amma yebusingic yeneac bangecfu faiyunubade.

Makekeng 32:11

Anu Mose ye Kebu Anutuyaac kicfu kpacsambic ammima yofi numumiec, “O Kebu, gennoc ngicngacfocga Aigitabangecfunac kuctoagagoc nga mariserigango meyunuma hesicyunuma hanec. Ge yenearu herebugaac gerecngo yonohoudeac denec, imoc mi ngereede.

Makekeng 6:2

Ifi dema torokpema Mose yofi edeec, “Nennoc Kebu.

Makekeng 6:29

naso imohai yofi deec, “Nennoc Kebu, imocac ni yoac sasawa edeguduae, imoc Aigita ngictau Pareco ededacbesena.”

Makekeng 6:8

Nga ni marina miacma Awraham, Itsak nga Yacakow bangec yemmebeso deseriyemmeai, ihainoc hesicngunuma emma ngemmeba imocac mingina anggecde. Nennoc Kebu.’ ”

Makekeng 7:4

Meba Pareco ye sifu ngereac yoacac kedzac mi kpeude. Anu ni marinango Aigita merandziyunuma yoacngina dema turunga ebiriangoc yemmema habufocna, neac ngicngacareng, imoc Isracelac bangecfora yeni Aigitabangecfunac wangecyunu kembade.

Makekeng 7:5

Anu ni marina sinema Aigitangic ebic meficgeyemmema Isracelac ngicngacareng yeneac botucnginaunac wangecyunubade, naso imohai, nennoc Kebu, imocac hania kekecnginau negentegecyombonggegecde.”

Aposoro 13:17

Israengicngac nenang Anutungo kisicfocnina meisingyunuu yeni Aigita bangecfu kuric kecma sahegec. Amma ye kuctoayango imohacnac hesicyunu hama