Makekeng 6:4 - Deduamiti

⁴ Nga yeni Kenacan bangecfu kuric kecgec naso imohai ni yenigoc dzadzahac mema imoc yemmebadeac deai.

Makekeng 6:4 ပူးပေါင်းရင်းမြစ်များ

Fingec fingec 12:7

Imohai Kebungo Awram fingecmima yofi dema edeec, “Ni bangec yomoc geac bangecga mibeso anduae.” Amma Awram ye imohai Kebu fingecmiecfu yeac arata mong meec.

Fingec fingec 15:13

Kengec kpeu Kebungo Awram yofi dema edeec, “Yomoc foracngoc negennec, bangecfocga yeni bangec mong yeneac mi dedea imohai kuric kecma bangec mingina kifa 400 enacngina tofohomagec yeneng ngaba ayemmema ebic hania hania meficgeyemmebesandae.

Fingec fingec 15:18

Wenac imohai Kebuac yofi dema Awranggoc dzadzahac anec, “Aigita doku imohacnac hanahema kengkecma Perat dokutoauwisickede bangec imoc bangecfocga yemmebesanduaeac deseriduae.

Fingec fingec 17:13

Foracngoc, wanacngic geac amau fingecma kecgecde amma ngic silwadzonginango bummeyunugecde yeni sasawa sebinginaac tosea herecgebisia. Ifi anggec neac dzadzahacac kpete ngeneac sebiu fefeseri feengkecbeso.

Fingec fingec 17:4

“Negennec, ni gegoc dzadzahac mebade imoc yofi, ge ngicngacareng homac yeneac kisicngina ambesannec.

Fingec fingec 23:4

“Ni ngeneac botucfu naso wegenanecsac kuric kecduae imocac ngeni bangec mong kicsereac desinenggec enennaac farenga tonggoba imoc hoannau mi febeso.”

Fingec fingec 26:3

Bangec yomoc sasawa ge nga bangecfocga ngemmebesanduaeac ge bangec yomohai kecna ni gegoc kecma kenecgubade. Imoc mangga Awraham deserimiai imocac fora fingerudeac ambade.

Fingec fingec 26:4

Nga bangecfocga yeni negengyemmeba fingecsahe homac amma sawau asomeng tackendae ifi isoc ambesandae. Nga ni bangec yomoc sasawa bangecfocga yeni yemmebade. Anu bangecgaac arennu ngicngac bangeha bangeha kenecyunudacbesandua.

Fingec fingec 28:13

Yenemmanu Kebungo imohai namma yofi dema edeec, “Ni Kebu, mangesaga Awraham nga Itsak yereac Anutu. Bangec fenec imoc ge nga bangecfocga ngemmebesandua.

Fingec fingec 28:4

Amma yeng ge nga medacfocga Awrahamgac kenec imoc ngemmebeso. Ifi anu ge bangec yomoc yaguc kuric kecnec imoc mebesannec. Bangec imoc yombong Anutungo Awraham miec.”

Fingec fingec 6:18

Anu gegoc ine dzadzahacna meseribade. Ge wageu emma kecbesena, ge nga enengmedacerangifocga yeni gegoc momoc wageu emma kecbisia.

Mitiyegec 105:11

yofi deec, “Ni Kenacan bangec ge gemba mingina annade, imocngonoc geac bangec noboha anude.”

Mitiyegec 105:12

Ngicngac imoc yeni kpetengina kuneng kpac. Yeni ngicngac efeanecsac amma bangec imohai kemma kuric kecgec.

Makekeng 13:4

Ngeni afo awiwac wenac yomohai mama kenggecde.

Makekeng 13:5

Ngeni Kebungo wangecngunuu Kenacanngic, hittingic, amoringic, hiwingic nga yebusingic yeneac bangec dokuyagoc nga kerectoayagoc imohai kengsikegecde. Ye kisicfocngina yoac deseriyemmema imoc genudeac deec. Amma imoc genu ge yeac enac tofohoma afo yomohai yeac eweheiheifaka yomoc ammibesena.

Makekeng 6:8

Nga ni marina miacma Awraham, Itsak nga Yacakow bangec yemmebeso deseriyemmeai, ihainoc hesicngunuma emma ngemmeba imocac mingina anggecde. Nennoc Kebu.’ ”

Bangec kisiu 10:29

Anu Mose ye yofea Recucel midyangngic, yeac medaha Howaw yofi edeec, “Kebungo neneac yofi deec, ni bangec imoc ngeni ngemmebade, imocac amma neni yaguc efaima yacma kporucamanina meickema bangec yomoc wama bangec imohai kembeso andimbe. Ge nenigoc naric kennade. Neni ge gombunga anggennide. Imoc yofiac, Kebungo Isracelngicngac neni gombunga anemmeudeac deserinemmeec.”

Aposoro 7:5

Hesicke hama bangec mong mi wamiu tiuenec, imoc kpac yombong. Ye nga bangecfora dengec tigec enudeac areng kpeyemmeec, imoc nambaraha kpac kecmanu edeec.