Makekeng 6:1 - Deduamiti

¹ Ifi deu Kebungo Mose yofi edeec, “Ni yaguc Parecoaru faka hania hania ammiba hembesena. Ni marina kuctoayagocngo ngombonggeba yeng uaac ebicfunac yungecyunuu kenggecde. O, ye Isracelac kisicfunac ngeni kucgoc yombong kporacngunuudeac ngombonggeba ngeni Aigitabangec wama kenggecde.”

Makekeng 6:1 ပူးပေါင်းရင်းမြစ်များ

Mitiyegec 12:5

Ifi degec Kebungo ine yoac yofi dede, “Yeni makpekpea memayunuma memanganeyunuandae. Anu ngicngac yeni ebic witiau kecma asoringa ayemmede, imocac yaguc yacma onggongyunubade. Yeni sufu sufuu ruaegoc tacgecdeac ayemmeudeu neng meyunuma hoannau faiyunubade.”

Mitiyegec 12:6

Kebungo yoac deserima deec, imoc sasawa yoac kongaha nga seuha kpac. Ngic yeni silwa gerec gereagoc ohogec atac 7 anu bangecfu mama kongac koporarac anude. Kebungo yoac deserima deec, imoc ifi isoc ande.

Mitiyegec 136:12

Ye mariseria nga kuctoayagoc amma maria sinema ua imoc meec. Yeng yoac dedzege amma imoc modackecde, faka imocngo fefeseri feengkefude.

Mitiyegec 89:13

Fuakpegangga imoc kuhagoc nga mariga imoc kuhagoc, ge marifoiga sawau miacnec.

Makekeng 11:1

Mosengo Pareco ifi edeu Kebungo yofi edeec, “Kpendzengtoa mocgu fede, imoc deba Parecoaru nga Aigitabangecfu fingerude. Fingeru yeng uaac ebicfunac yungecngunuu yomohacnac kenggecde, nga nomana mi suengunuude, kpac. Ye yungecngunuu kenggecde imohai gereagoc yombong amma kporacngunuu kendacgecde.

Makekeng 12:31

Ifi fingecdaru Parecongo tofocnac imohaingoc Mose nga Aharon haecdeac yoac fau kenu yeri haec yofi edeyuruec, “Ngeri nga Isracelngicngac ngeni yacma neac ngicngacfocna wayunuma kemma degec isoc Kebuac enac tofohoma ye eweheimibisia.

Makekeng 12:33

Anu aigitangicngac yeni Isracelngicngac bangecngina bic wagecdeac foro ayemmema igocyunuma degec, “Neni homecac onga andacdimbe.”

Makekeng 12:39

Nga Aigitabangecfunac uha dokugoc yerec yerecgea gbori mekenggec imocngo icsogong aenga kpac imoc ohonecanggec. Aigitangicngac yeni Isracel yeneng bangecngina bic wama kenggecdeac foro ayemmegecac amma uha dokugoc yerec yerecgeango aengagoc anudeac naso mong mi fingerec. Yeni singmaung mi mengerema engsac kenggec.

Makekeng 13:14

Anu kecma medacgango yofi kpesigenude, ‘Faka imoc hania dafiac angandae?’ Ifi deu yofi edebesena, ‘Kebu mariseriagocngo Aigita wanac ua manaunac wangecnunu haec.

Makekeng 13:16

Kebu mariseriagocngo Aigitabangecfunac wangecnunuecac faka imocngo ma isoc anu marigau faima kporucsusucfu kibi ohoma kicmesugau dzegebesena.’ ”

Makekeng 13:3

Ifi deu Mosengo ngicngac yofi edeyunuec, “Kebunina ye mariseriango Aigitaac wanac uaac manaunac wangecngunuu magec, wenac imoc negenggec fekecbeso. Imocac wiac aengagoc naso imohai mi nekecbisia.

Makekeng 13:9

Nga ye mariseriango Aigitabangecfunac wangecgu haec, imocac ge kecnadesoc angammeme imoc nigecgubacac marigau nga kicmesugau ma isoc faima Kebuac singyoac seria imoc enacbibicgau febeso.

Makekeng 14:13

Ifi degec Mosengo ngicngac yofi edeyunuec, “Ngeni kengec imoc wama serima namma henggec Kebungo uaac ebicfunac yungecngunuudeac faka meude, imoc yaguc hembisia. Imoc yofi, ngeni aigitangic yaguc yenendae nga yeni ine monggoc mi yenenggecde.

Makekeng 15:6

Kebu, geac marifoigaac kuc imoc damuyagoc yombong. O, Kebu marifoigango faka kuhagoc mema ngabafocga kpedzameyununec.

Makekeng 7:4

Meba Pareco ye sifu ngereac yoacac kedzac mi kpeude. Anu ni marinango Aigita merandziyunuma yoacngina dema turunga ebiriangoc yemmema habufocna, neac ngicngacareng, imoc Isracelac bangecfora yeni Aigitabangecfunac wangecyunu kembade.

Makekeng 7:5

Anu ni marina sinema Aigitangic ebic meficgeyemmema Isracelac ngicngacareng yeneac botucnginaunac wangecyunubade, naso imohai, nennoc Kebu, imocac hania kekecnginau negentegecyombonggegecde.”

Bangec kisiu 11:23

Ifi deu Kebungo yoac yofi edeec, “Neac maringo ua imoc meudeacsoc ande. Yoacna ikoc me fora imocac fora yagucngoc fingeru hennade.”

Bangec kisiu 23:23

Yacakow yeac dzinacfaka mena yearu fora kpac anude. Isracel yeac mosocfaka mena fora kpacngoc anude. Nasotoa fingeru Yacakow nga Isracel yeneac yofi degecde, ‘Hendae, Anutungo yenearu fakatoa hania hania mekefec.’

Aposoro 13:17

Israengicngac nenang Anutungo kisicfocnina meisingyunuu yeni Aigita bangecfu kuric kecma sahegec. Amma ye kuctoayango imohacnac hesicyunu hama